[ ᭑᭓᭘ 138B]
᭑᭓᭘᭞
ᬩᭂᬃᬳᬮᬮᬓ᭄ᬦ᭞ᬭᬶᬂᬕᬸᬦᬸᬂᬳᬶᬫᬮᬬ᭞ᬤᬶᬢᬸᬫᭂᬕᭂᬂᬬᬰᬲᬦ᭄ᬥᬶ᭞ᬫᬋᬧ᭄ᬓᬯᬸᬄ᭞ᬗᬲ᭄ᬢᬯᬲᬂᬳ᭄ᬬᬂᬫᬭᬸᬣ᭟᭐᭟᭑᭘᭟ᬳᬬ᭄ᬯᬘᬯᬸᬄ᭞ᬦᬫ᭄ᬧᬶᬧᬦᬸᬕ᭄ᬭᬳᬦ᭄ᬕᭂᬦ᭄ᬤᬸ᭞ᬩᬦ᭄ᬥᬲ᭄ᬓᬸᬢᬶᬗᬭ
ᬦ᭄᭞ᬦᬶᬓᬧᬗᬶᬯᬧᬶᬦᬶᬄᬮ᭄ᬯᬶᬄ᭞ᬤᬤᬶᬳᬕᬸᬂ᭞ᬗᬱ᭄ᬝᬓᭀᬇᬰ᭄ᬯᬭᬗᬭᬦ᭄᭟᭐᭟᭑᭙᭟ᬦᭀᬫᭂᬃᬘᬢᬸᬃ᭞ᬢᬍᬃᬕᬸᬡᬮ᭄ᬯᬶᬳᬶᬂᬳᬕᬸᬂ᭞ᬩᬲ᭄ᬢᬯᬳᬩᬸᬮᬦ᭄᭞ᬦᭂᬍᬂᬲᬹᬃᬬ᭄ᬬᬯᬳᬸᬫᬶ᭠
ᬚᬶᬮ᭄᭞ᬯᬸᬃᬲ᭄ᬫᬦ᭄ᬭᬸᬲ᭄᭞ᬗᬚᭂᬕ᭄ᬲᬸᬭᬸᬯᬶᬸᬂᬧ᭄ᬢᬦ᭄ᬢᬶᬗ᭄ᬕᬮᬦ᭄᭟᭐᭟᭒᭐᭟ᬯᭂᬗᬶᬦᬶᬧᬸᬦ᭄᭞ᬫᬓᬓᭂᬩ᭄ᬫᬕᬥᬂᬭᬢᬸ᭞ᬦᭀᬭᬤᬤᭀᬲ᭄ᬳᭀᬩᬄ᭞ᬯ᭄ᬭᬸᬲ᭄ᬫᬦ᭄ᬭᬸᬲ᭄ᬲ᭄ᬬᬂᬮᬢ᭄ᬭᬶ᭞ᬦᬸᬢᬸᬕ᭄ᬓᭂᬢᬸᬃ᭞ᬳ
ᬗᬸᬮᬦ᭄ᬧᬶᬢᬸᬂᬭᬳᬶᬡ᭟᭐᭟᭒᭑᭟ᬕᬸᬡᬳᬶᬓᬸ᭞ᬫᬢᬗ᭄ᬓᭂᬩ᭄ᬚᬕᬢ᭄ᬓᬯᬸᬯᬸᬲ᭄᭞ᬳᬲᬶᬂᬧᬧᬲᬺᬩᬄ᭞ᬲᬫ᭄ᬧᬾᬳᬶᬧᬸᬦ᭄ᬗᬸᬢᬄᬫᬶᬲᬶᬂ᭞ᬓᬵᬮᬩᬦ᭄ᬤᬸ᭞ᬭᬢᬸᬦᬶᬩᬓᬂᬯᬘ᭠
[ ᭑᭓᭙ 139A]
ᬦ᭟᭐᭟᭒᭒᭟ᬧᬜ᭄ᬘᬦᬶᬧᬸᬦ᭄᭞ᬕᬸᬡᬦᬾᬳᬫᭀᬗᬦ᭄ᬭᬢᬸ᭞ᬗ᭄ᬕᬶᬄᬧᬫᬸᬗ᭄ᬓᭂᬫ᭄ᬗᬭᬦ᭄᭞ᬲᭀᬮᬄᬬᬰᬢᬍᬃᬧᬶᬗᬶᬢ᭄᭞ᬭᬶᬂᬧᬢᬸᬭᬸ᭞ᬦᭂᬓᭂᬧ᭄ᬚᬶᬢ᭄ᬫᬶᬯᬄᬧᬩᬳᬦ᭄᭟᭐᭟᭒᭓᭟ᬓᬸ
ᬓᬸᬲ᭄ᬳᬭᬸᬫ᭄᭞ᬤᬓ᭄ᬱᬶᬡᬲᬩᬶᬮᬂᬤᬮᬸ᭞ᬮᬦ᭄ᬢᬭᬦ᭄ᬗᬲ᭄ᬢᬯ᭞ᬦᬭᬶᬂᬲᬂᬳ᭄ᬬᬂᬰᬶᬯᬵᬕ᭄ᬦᬶ᭞ᬫᬦ᭄ᬢ᭄ᬭᬫ᭄ᬳᬶᬧᬸᬦ᭄᭞ᬅᬁᬅᬄᬅᬅᬄᬬᬧᬶᬂᬤᭀᬫᬲ᭄᭟᭐᭟᭒᭔᭟ᬳᬦᭂᬫ᭄ᬳᬶᬧᬸᬦ᭄᭞ᬕᬸᬡᬮ᭄ᬯᬶᬄᬳᬫᭀᬗᬦ᭄ᬳ
ᬕᬸᬂ᭞ᬲᭀᬮᬳᬾᬩᬲ᭄ᬢᬯ᭞ᬫᬦ᭄ᬤ᭄ᬭᬂᬮᬫ᭄ᬧᬸᬩᬶᬮᬂᬯᭂᬗᬶ᭞ᬳᬷᬥᭂᬧ᭄ᬧᬸᬮᬸᬂ᭞ᬗᬲ᭄ᬢᬯᬳ᭄ᬬᬂᬰᬶᬯᬫᬮ᭟᭐᭟᭒᭕᭟ᬢᬦ᭄ᬳᬢᬸᬭᬸ᭞ᬫᬧ᭄ᬯᬦᭂᬲᬮᬶᬓᬸᬃᬤᬮᬸ᭞ᬳᬸᬦᬶᬂᬳᬫᬬᬫᬬ᭞ᬫᬲᬂᬲᬶᬗ᭄ᬮᬃᬳᬚᬶ
ᬯᭂᬕᬶᬕ᭄᭞ᬳᬸᬦᬶᬂᬜᬸᬲᬸᬧ᭄᭞ᬳᬦᬭᬶᬂᬳᬗ᭄ᬕᬦ᭄ᬫᬵᬦᬸᬱ᭟᭠᭟᭒᭖᭟ᬓᬧᬶᬂᬧᬶᬢᬸ᭞ᬲᭀᬮᬄᬗᬮᬶᬄᬕᬸᬡᬓᬲᬸᬩ᭄᭞ᬳᬦᬭᬶᬂᬢᬶᬗᬄᬕ᭄ᬯ᭞ᬳ᭄ᬬᬂᬧ᭄ᬭᬪᬸᬤᬾᬯᬦᬶᬂᬳᬜ᭄ᬚᬶᬂ᭞ᬳᬚᬶᬘ᭄ᬬᬸ
Kaca:Bali-lontar-gaguritan-puyung-sugih-250ppi.pdf/139
Kaca puniki sampun kauji-wacén
