[ ᭑᭓᭕ 135B]
᭑᭓᭕᭞
ᬮᬓ᭄ᬗᬧᬸᬭ᭄ᬬᬂ᭟᭐᭟᭑᭒᭟ᬓᬵᬤᬶᬩᬸᬤᬸᬄᬲᭀᬮᬄᬳᬶᬤᬫᬗ᭄ᬓᬶᬦ᭄᭞ᬭᬯᬸᬄᬭᬶᬂᬧᬸᬭ᭄ᬬᬦ᭄ᬢᬕ᭄ᬗᬭᬭᬶᬲ᭄ᬓᬧᬓ᭄ᬱ᭞ᬲᬂᬳᬬᬸᬓᭂᬮᬾᬲ᭄ᬲᬶᬜ᭄ᬚᬗᬾ᭞ᬗᬤᭀᬓᬂᬳᬶᬓᬸᬄᬮᬸᬢᬸᬂ᭞ᬫᬗᬸᬩᭂᬲ᭄ᬭᬯᬸᬄᬓᬧᬸᬭᬷ᭞ᬳᬯᬶᬦ
ᬦ᭄ᬧᬭᬶᬓᭀᬱ᭟ᬫᬢᬗᬄᬓᬕᬾᬢ᭄ᬳᬶᬦ᭄ᬤᬸᬓ᭄᭞ᬯᬬᬦ᭄ᬧᬸᬬᬸᬂᬫᬓᭂᬜᬶᬭᬦ᭄᭞ᬮᬶᬦ᭄ᬢᬂᬚᭂᬗᬄ᭞ᬲᬂᬧ᭄ᬭᬪᬸᬫᭂᬤᬮ᭄ᬓᬩᬶᬮ᭄ᬩᬶᬮ᭄᭞ᬗᬫᬶᬮ᭄ᬫᬶᬮ᭄ᬦᬭᬶᬂᬩᬜ᭄ᬘᬶᬗᬄ᭟᭐᭟᭑᭓᭟ᬧᬢᬶᬄᬓᬭᬂᬩᬦ᭄ᬥᬸᬂᬓᬧᬭᬦᬶᬦ᭄᭞ᬗ
ᬮᬶᬄᬓᬬᬮᬫ᭄ᬧᬳᬾᬕᭂᬮᬶᬲ᭄ᬧ᭄ᬭᬧ᭄ᬢ᭞ᬓᬂᬤᬾᬯᬰᬲᬵᬫ᭄ᬧᬸᬦ᭄ᬲᭀᬭᬾ᭞ᬫᬢᭂᬗ᭄ᬕᬭᬲᬂᬧ᭄ᬭᬪᬸ᭞ᬓᬭᬂᬩᬦ᭄ᬥᬸᬂᬳᬸᬥᬸᬄᬧᬢᬶᬄ᭞ᬓᬕ᭄ᬬᬢ᭄ᬳᬶᬧᬢᬶᬄᬫᭂᬤᬮ᭄᭞ᬫᬫᭂᬦ᭄ᬤᬓ᭄ᬲᬂᬧ᭄ᬭᬪᬸ᭞ᬲᬺᬗ᭄ᬕᬭᬬᬦᬾ
ᬫᬜᬧ᭞ᬤᬾᬯᬦ᭄ᬢᬶᬢ᭄ᬬᬚᬩᬫᬗ᭄ᬭᬯᬸᬳᬶᬦ᭄᭞ᬦᬧᬶᬭᬢᬸᬓᬵᬤᬶᬕᬢ᭟᭐᭟᭑᭔᭟ᬲᬂᬧ᭄ᬭᬪᬸᬗᬦ᭄ᬤᬶᬓᬲᬃᬯᬶᬲᬶᬗᬶᬤ᭄᭞ᬫᬗᬸᬘᬧᬂᬇᬦ᭄ᬤᬶᬓᬾᬓᬲᭀᬭᬦ᭄᭞ᬳᬧᬉᬧᬬᬦᬾ
[ ᭑᭓᭖ 136A]
ᬫᬗ᭄ᬓᬾ᭞ᬢᬸᬮᬸᬂᬫᬦᬶᬭᬳᬥᬸᬄ᭞ᬮᬶᬦ᭄ᬢᬂᬗᬄᬢᬶᬤᭀᬂᬕᬶᬕᬶᬲ᭄᭞ᬢᬸᬫ᭄ᬩᬾᬦ᭄ᬓᬮᬳᬂᬮ᭄ᬯᬦ᭞ᬳᬶᬧᬢᬶᬄᬉᬫᬢᬸᬃ᭞ᬦᬬᬦ᭄ᬢᬶᬢ᭄ᬬᬂᬫᬳᬵᬭᬵᬚ᭞ᬮᬶᬦ᭄ᬢᬂᬧ᭄ᬭᬲᬗ᭄ᬕ᭞ᬧᬢᬶᬓ᭄ᬭᬶᬂᬰ᭄ᬭᬷᬦᬵᬭᬧᬢᬶ᭞ᬧᬸᬭᬸᬦ᭄ᬗᬢᬸ
ᬭᬂᬉᬧᬬ᭟᭑᭕᭟ᬓᬢᬸᬢᬸᬭᬦᬶᬧᬸᬦ᭄ᬢᬶᬢ᭄ᬬᬂᬳᬸᬦᬶᬂ᭞ᬬᬾᬦ᭄ᬗᭂᬧᭀᬓ᭄ᬦ᭞ᬬᬦ᭄ᬳᬦᬓ᭄ᬫᬕᬸᬡ᭞ᬦᬬᬳᬮᬸᬲ᭄ᬧᬗᬧᬾᬦᬾ᭞ᬩᭂᬘᬶᬓᬦ᭄ᬭᬢᬸᬫᬦ᭄ᬢᬸᬓ᭄ᬧᬶᬢᬸᬢᬸᬃᬭᬢᬸᬢᬕᬶᬳᬶᬦ᭄᭞ᬲ᭄ᬯᬭᬭᬢᬸᬫ
ᬗᭂᬫ᭄ᬩᬓᬂ᭞ᬢᬸᬦᬕᬸᬡᬦᬶᬧᬸᬦ᭄᭞ᬤᬤᬶᬳᬗᬶᬦ᭄ᬫᬵᬦᬹᬢ᭄ᬲ᭄ᬯᬭ᭞ᬤᬤᬶᬳᭀᬩᬄ᭞ᬕᬸᬡᬦ᭄ᬜᬦᬾᬲᬫᬶᬫᬶᬚᬶᬮ᭄᭞ᬤᬩ᭄ᬤᬩᬂᬫᬲᬂᬦᬬ᭟᭐᭟᭑᭖᭟ᬬᬦ᭄ᬳᬶᬧᬸᬦ᭄ᬫᬫᭀᬦᬲᬶᬦᬄᬓᬮᬶ
ᬲ᭄᭞ᬯ᭄ᬭᬸᬄᬳᬦᬸᬗ᭄ᬕᬮᬂᬩᬬᬸᬧ᭄ᬭᬫᬡ᭞ᬲᬓᬵᬤᬶᬯᬢᬸᬢᭂᬕᬸᬳᬾ᭞ᬤᬤᭀᬲ᭄ᬳᭀᬩᬄᬓ᭄ᬯᬾᬄᬢᬸᬢᬸᬃ᭞ᬫᬫᭂᬲᭂᬳᬶᬦ᭄ᬳᬶᬫᬸᬮᬲᬦ᭄ᬥᬶ᭞ᬢᬦ᭄ᬤᬶᬗᬶᬦᬶᬧᬸᬦ᭄ᬫᬕᭂᬦᬄ᭞ᬳᬦᬓ᭄ᬚᬸᬭᬸᬢᬸ
Kaca:Bali-lontar-gaguritan-puyung-sugih-250ppi.pdf/136
Kaca puniki sampun kauji-wacén
