[ ᭑᭓᭔ 134B]
᭑᭓᭔᭞
ᬧᬸᬭᬸᬱᬗᬲ᭄ᬢᬯᬰᬸᬘᬶ᭞ᬗᬯᬶᬦᬂᬩᬬᬸᬍᬫ᭄ᬧᬄ᭞ᬓᬵᬤᬶᬓᭂᬦᬤᬯᬸᬢ᭄᭞ᬳᬸᬭᬸᬂᬤᬦᬾᬓᬢᬸᬭᭀᬦᬦ᭄᭞ᬜᬳᬶᬯᬬᬦ᭄᭞ᬫᬗ᭄ᬮᬶᬕᬲ᭄ᬫᬫᬲᬗᬶᬦ᭄᭞ᬮᭀᬜ᭄ᬘᭀᬂᬢᭂᬢᭂᬧ᭄ᬚᬫ᭄ᬮᬶᬫ᭟
᭐᭟᭘᭟ᬲᬂᬧ᭄ᬭᬪᬸᬳᬾᬭᬂᬳᬶᬤᬦᬾᬫᬶᬗ᭄ᬓᬶᬦ᭄᭞ᬦᬭᬶᬂᬓᬳ᭄ᬬᬸᬦ᭄ᬫᬦᬸᬄᬢᬦ᭄ᬧᬗᬧ᭞ᬓᬵᬤᬶᬩᬦ᭄ᬢᬾᬂᬮᬸᬓᬸᬋᬓᬾ᭞ᬕᬮᬓᬾᬫᬓᬧ᭄ᬮᬸᬕ᭄᭞ᬦᬸᬮ᭄ᬬᬢᬸᬢᬹᬢ᭄ᬦᬭᬶᬂᬭᬩᬶ᭞ᬢᬦ᭄ᬲᬄᬧ᭄ᬭ
ᬲᬫᬦᬶᬤ᭄ᬫ᭞ᬫᬢᬗᬶᬢᬍᬃᬢᬸᬭᬸᬢ᭄᭞ᬯᬶᬦᬮᬸᬬᬳᬦᬓ᭄ᬩᭂᬕ᭞ᬓᬲᬮ᭄ᬳᬶᬤ᭞ᬫᬦᭂᬲᭂᬓ᭄ᬚᬕᬫᬭᬩᬶ᭞ᬳᬚᬳᬦ᭄ᬤᬤᬶᬧᬹᬃᬡ᭟᭐᭟᭙᭟ᬗᬫ᭄ᬩᬄᬕᬸᬡᬮ᭄ᬯᬶᬃᬉᬧᬬᬲᬦ᭄ᬤᬶ᭞
ᬲᬵᬫ᭄ᬧᬿᬮᬶᬯᬢ᭄ᬦᬭᬶᬂᬧᬯᬦᭂᬗᬦ᭄᭞ᬤᬸᬭᬸᬂᬲᬶᬦᬄᬧᬗᬦ᭄ᬢᬾᬦᬾ᭞ᬤᭂᬲᭂᬓᬂᬤᬤᬶᬫᬦᬸᬄ᭞ᬤᬤᬶᬫᬾᬭᬂᬯᬳᬸᬚᭀᬳᬶᬦ᭄᭞ᬓᬲ᭄ᬯᬾᬦ᭄ᬳᬶᬤᬲᬂᬦᬵᬣ᭞ᬫᬭᬱᬭᬶᬂᬓᬳ᭄ᬬᬸᬦ᭄
[ ᭑᭓᭕ 135A]
᭞ᬤᬳᬢ᭄ᬫᬾᬭᬂᬦᬭᬶᬂᬭᬵᬕ᭞ᬫᬗᬸᬧᬬ᭞ᬚᭂᬗᬳᬾᬭᬶᬂᬓᬳ᭄ᬬᬸᬦ᭄ᬲᬶᬮᬶᬩ᭄᭞ᬫᬜᬭ᭄ᬯᬂᬓᬩᬜ᭄ᬘᬶᬗᬄ᭟᭐᭟᭑᭐᭟ᬤᬤ᭄ᬬᬓᬘᬸᬦ᭄ᬤᬸᬓ᭄ᬤᬦᬾᬳᬶᬧᬢᬶᬄ᭞ᬕ᭄ᬕᬶᬄᬗᬭᬦ᭄ᬓᬭᬂᬮᬶᬫᬦ᭄ᬧᬸᬦᬶᬓ᭞ᬲᬫᬶ
ᬦᭂᬤᭂᬂᬓᬳᬦᭀᬫᬾ᭞ᬫᬗᬦ᭄ᬤᬶᬓᬲᬂᬧ᭄ᬭᬪᬸ᭞ᬉᬥᬸᬄᬢᬸᬮᬸᬂᬩᬧᬧᬢᬶᬄ᭞ᬫᬦᬶᬭᬳᬮᬮᬄᬓᬬ᭞ᬫᬓ᭄ᬱᬦᬶᬮᬸᬄᬧᬸᬬᬸᬂ᭞ᬫᬘᭂᬧᭀᬮ᭄ᬓᬮᬳᬂᬕᬸᬡ᭞ᬳᬧᬳᬓᬮ᭄᭞ᬉᬥᬸᬄᬧ
ᬢᬶᬄᬚ᭄ᬯᬢᬸᬮᬸᬗᬶᬦ᭄᭞ᬤᬤᬶᬫᬦᬸᬄᬩᬶᬮᬂᬤᭂᬲᭂᬓᬂ᭟᭐᭟᭑᭑᭟ᬤᬦᬾᬧᬢᬶᬄᬓᬕ᭄ᬬᬢ᭄ᬫᬫ᭄ᬬᬃᬣᬶ᭞ᬲᬮᬶᬢ᭄ᬢᬃᬓᬤ᭄ᬯᬦᬶᬂᬓᬮᬶᬯᬢᬦ᭄᭞ᬲᭂᬗ᭄ᬕᬸᬄᬓᬤᬶᬧᬗᬦ᭄ᬢᬾᬦᬾ᭞ᬲᬸᬫᬳᬸᬃ᭠
ᬲᭂᬫᬸᬕᬸᬬᬸ᭞ᬤᬕᬶᬂᬳᬢᬸᬃᬓᬚᭂᬗᬳᬶᬦ᭄᭞ᬭᬢᬸᬓᬮᬳᬮ᭄ᬯᬦ᭞ᬤᬸᬭᬸᬲ᭄ᬫᬗ᭄ᬓᬶᬦ᭄ᬫᬦ᭄ᬢᬸᬓ᭄᭞ᬚᬕ᭄ᬚᬕ᭄ᬕᬸᬡ᭄ᬦᬢᬶᬧᬸᬦ᭄ᬧᬓ᭄ᬱ᭞ᬧᬂᬓᬾᬧᬦᬦ᭄᭞ᬳᬶᬧᬸᬦ᭄ᬫᬲᬂᬦᬬᬲᬦ᭄ᬥᬶ᭞ᬲᬂᬧ᭄ᬭᬪᬸᬢᬸ
Kaca:Bali-lontar-gaguritan-puyung-sugih-250ppi.pdf/135
Kaca puniki sampun kauji-wacén
