[ ᭑᭓᭒ 132B]
᭑᭓᭒᭞
ᬫᬗ᭄ᬤᬢᬦ᭄ᬫᬗ᭄ᬕᬸᬄᬤᬸᬄᬓᬶᬢ᭞ᬮᬶᬗ᭄ᬕᬶᬄᬭᬢᬸᬯᭂᬓᬲ᭄ᬭᬶᬂᬧᬸᬭᬷ᭞ᬫᬗᬮᬦ᭄ᬢᬸᬃ᭞ᬯᭂᬓᬲ᭄ᬢᬶᬢ᭄ᬬᬂᬤᬤᭀᬲ᭄ᬮᬫᬓ᭄᭟᭐᭟᭒᭖᭟ᬮᭀᬓᬶᬓᬭᬢᬸᬩᭂᬘᬶᬓᬂ᭞ᬧᬗᬸᬗᬸᬦ᭄ᬢᬶᬢ᭄ᬬᬂᬲᬭᬶᬗᬶᬦ᭄᭞ᬧᬥᬾ
ᬳᬶᬯᬂᬲᬶᬦᬫ᭄ᬧᬸᬭ᭞ᬦᬾᬧᬵᬢᬹᬢ᭄ᬬᭀᬕ᭄ᬬᬮᬶᬗ᭄ᬕᬶᬳᬶᬦ᭄᭞ᬧᬥᬾᬲᬗᭂᬢ᭄ᬫᬗᬩᭀᬢᬶᬦ᭄᭞ᬩᭂᬘᬶᬓ᭄ᬫᬗᬶᬦ᭄ᬭᬢᬸᬳᬸᬭᬸᬂ᭞ᬫᬗ᭄ᬮᬬᬢᬂᬫᬗ᭄ᬤᬾᬦ᭄ᬮᬫᬓ᭄᭞ᬓᬭᬸᬕ᭄ᬬᬦ᭄ᬢᬶᬢ᭄ᬬᬂᬦᬯᬸᬭᬶᬦ᭄᭞
ᬲᬓᬶᬂᬳᬤᬸᬂ᭞ᬫᬗ᭄ᬤᬢᬦ᭄ᬤᬤᭀᬲ᭄ᬲ᭄ᬬᬓ᭄ᬭᬡ᭟᭐᭟᭒᭗᭟ᬗᬦ᭄ᬤᬶᬓᬳᬶᬥᬲᬂᬦᬵᬣ᭟ᬳᬬ᭄ᬯᬓ᭄ᬯᬾᬄᬳᬤᬶᬫᬫᬸᬜᬶ᭞ᬲᬵᬫ᭄ᬧᬸᬦ᭄ᬯᭂᬗᬶᬚᬮᬦ᭄ᬩᬸᬤᬮ᭄᭞ᬚᬮᬦ᭄ᬫᭀᬢᭀᬭᬾᬢᭂᬕᬓᬶᬦ᭄᭞
ᬧᬸᬧᬸᬢ᭄ᬩᬩᬯᭀᬲᬾᬫᬗ᭄ᬓᬶᬦ᭄᭞ᬲᬂᬧ᭄ᬭᬪᬸᬗᬭᬭᬶᬲ᭄ᬫᬦ᭄ᬢᬸᬓ᭄᭞ᬦᬶᬮᬸᬄᬯᬬᬦ᭄ᬓᬧᬫᬶᬢᬂ᭞ᬦᬸᬗ᭄ᬕᬂᬫᭀᬢᭀᬃ᭞ᬲᬤᬕᭂᬮᬶᬲ᭄᭞ᬲᬵᬫ᭄ᬧᬸᬦ᭄ᬭᬯᬸᬄ᭞ᬦᬭᬶᬂᬚᬕᬢ᭄ᬤ᭄ᬬᭀᬫᬦ᭄ᬢᬭ᭟
[ ᭑᭓᭓ 133A]
᭐᭟ᬧᬸᬧᬸᬄᬥᬂᬥᬂ᭟᭐᭟᭑᭞ᬲᬓᬶᬂᬕᭂᬮᬶᬲ᭄ᬢᬸᬢᬸᬭᬦ᭄ᬧᬸᬦᬶᬓᬶ᭞ᬢᬦᬸᬘᬧᬦ᭄᭞ᬮ᭠ᬫ᭄ᬧᬳᬾᬶᬂᬚᬮᬦ᭄᭞ᬢᬸᬫᬸᬮᬶᬭᬶᬂᬧᬸᬭᬶᬫᬗ᭄ᬓᬾ᭞ᬭᬶᬂᬪᭀᬫᬦ᭄ᬢᬭᬫᬲᬸᬓ᭄᭞ᬓᬮᬶᬫᬾᬯ
ᬲ᭄ᬢᭂᬮᬲ᭄ᬫᬗᬶᬭᬶᬂ᭞ᬯᬤ᭄ᬯᬦᬾᬲᬵᬫ᭄ᬧᬸᬦ᭄ᬩᬸᬤᬮ᭄᭞ᬲᬥᬗᬶᬗᭂᬢᬶᬦ᭄ᬓᬸᬩᬸ᭞ᬦᬶᬯᬬᬦ᭄ᬫᬗ᭄ᬓᬶᬦᬸᬘᬧᬂ᭞ᬫᬭᬶᬂᬧᬸᬭ᭄ᬬᬦ᭄᭞ᬲᬵᬫ᭄ᬧᬸᬦ᭄ᬤᬮᬸᬢᭂᬗᬄᬯᭂᬗᬶ᭞ᬫᬭᬱᬵᬕᭂᬢ᭄ᬭᬶᬂᬭᬵᬕ᭟᭐᭟᭒᭟
ᬦ᭄ᬤᬢᬦ᭄ᬳᬾᬦᬓ᭄ᬧᬗ᭄ᬭᬱᬦᬶᬂᬳᬢᬶ᭞ᬢᬦ᭄ᬧᬦᬶᬤ᭄ᬭ᭞ᬮᬗ᭄ᬕᭃᬂᬫᬗᬲ᭄ᬢᬯ᭞ᬫᬜᬶᬧ᭄ᬢᬲᬥᬸᬓ᭄ᬯᭂᬗᬶᬦᬾ᭞ᬤᬤ᭄ᬬᬲᬸᬫ᭄ᬮᬗᬶᬦ᭄ᬓᬳ᭄ᬬᬸᬦ᭄᭞ᬧᬜᬗ᭄ᬓᬵᬮᬫᬦᬶᬩᬦᬶᬦ᭄᭞ᬲᬸᬓ᭄ᬮᬦᬶᬥᭂᬧᬾ
ᬕᭂᬮᬭᬂ᭞ᬤᬲ᭄ᬭᬳᬶᬡᬲᬵᬫ᭄ᬧᬸᬦ᭄᭞ᬲᬂᬧ᭄ᬭᬪᬸᬓᬤᬸᬭᬸᬲ᭄ᬦᬶᬤ᭄ᬭ᭞ᬫᬓᬍᬫᬫᬄ᭞ᬯᬬᬦ᭄ᬧᬸᬬᬸᬂᬕᭂᬮᬶᬲ᭄ᬫᬢᬗᬶ᭞ᬢ᭄ᬭᬸᬲ᭄ᬫᬩᬺᬲᬶᬄᬓᬢᬫᬦ᭄᭟᭐᭟ᬳᭂᬦ᭄ᬤᬕ᭄ᬲᬹᬃᬬ᭄ᬬᬤ᭠
Kaca:Bali-lontar-gaguritan-puyung-sugih-250ppi.pdf/133
Kaca puniki sampun kauji-wacén
