Kaca:Bali-lontar-gaguritan-puyung-sugih-250ppi.pdf/132

Saking Wikisource
Kaca puniki sampun kauji-wacén

[ ᭑᭓᭑ 131B]
᭑᭓᭑᭞
ᬲᬶᬦᬫ᭄ᬧᬸᬭᬢᬶᬢ᭄ᬬᬂᬫᬵᬢᬹᬃ᭞ᬓᬵᬤᬶᬋᬦ᭄ᬢᭂᬳᬶᬦ᭄ᬯᬘᬦ᭞ᬪᭀᬬᬢᬶᬢ᭄ᬬᬂᬫᬜᬸᬗ᭄ᬓᬦᬶᬦ᭄᭞᭠ᬓᬃᬰᬦ᭄ᬭᬢᬸ᭞ᬧᬥᬾᬢᬸᬫᬸᬲ᭄ᬜᬤᬶᬢᬶᬢ᭄ᬬᬂ᭟᭐᭟᭒᭑᭟ᬇᬦ᭄ᬤᬶᬓ᭄ᬩᬦ᭄ᬢᭂᬦᬸᬧᬓᬵᬭ᭞ᬧᬸᬦᬶᬓᬤᬸᬫᬸᬦ᭄ᬲᬸ
ᬫᬚᬶ᭞ᬫᬓᬘᬶᬭᬶᬫᬚᬳᬸᬫᬦ᭄᭞ᬧᬫᬃᬕᬶᬦᬾᬲᬦᬾᬗᬹᬦᬷ᭞ᬫᬗ᭄ᬤᬢᬯᬾᬦ᭄ᬢᭂᬦ᭄ᬓᬶᬯᬚᬶᬦ᭄᭞ᬮᬦ᭄ᬢᬭᬦᬾᬫᬗ᭄ᬤᬾᬦ᭄ᬧᬸᬧᬸᬢ᭄᭞ᬭᬢᬸᬫᬗ᭄ᬮᬬᬢᬂᬢᬶᬢ᭄ᬬᬂ᭞ᬲᭀᬮᬄᬳᬫᬗ᭄ᬤᬫᬘᬶᬭᬶ᭞ᬗᬬ
ᬗ᭄ᬧᬸᬧᬸᬢ᭄᭞ᬢᬶᬢ᭄ᬬᬂᬗᬶᬭᬶᬗᬂᬳᬶᬤᬾᬯ᭟᭐᭟᭒᭒᭟ᬫᬕᬺᬫ᭄ᬩ᭄ᬯᬂᬲ᭄ᬮᬓᬦᬾᬤᭀᬫᬲ᭄᭞ᬫᬦ᭄ᬦᬶᬧᬸᬬᬸᬂᬓᬦ᭄ᬤᬶᬓᬳᬶᬦ?᭞ᬫᬾᬫᬾᬚ᭄ᬯᬫᬦ᭄ᬭᬕ᭄ᬬᬦᬂ᭞ᬫᬓᭂᬚᬂᬧᬸᬧᬸᬢᬂᬤᬶᬦᬶ᭞ᬉᬧᬓᬵᬭᬦ
ᬧᬶᬮ᭄ᬯᬶᬃ᭞ᬤᬶᬦᬚᬦᬶᬳᬧᬂᬧᬸᬧᬸᬢ᭄᭞ᬫᬾᬦ᭄ᬧᬸᬬᬸᬂᬫᬓᬃᬬᬳᬶᬫᬂ᭞ᬧᬲᬓᬧᬦ᭄ᬫᬶᬯᬄᬕᬸᬮᬶᬂ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬲᬵᬫ᭄ᬧᬸᬦ᭄ᬲᭀᬭᬾᬧᬸᬓᬸᬮ᭄ᬮᬶᬫ᭟᭐᭟᭒᭓᭟ᬗᬦ᭄ᬢᬾᬦᬾᬓ
[ ᭑᭓᭒ 132A]
ᬢᬸᬭᬦ᭄ᬗᬬᬩ᭄᭞ᬚᬳᬸᬫᬦ᭄ᬭᬸᬦ᭄ᬢᬸᬢᬦ᭄ᬕᬮᬶᬂ᭞ᬦᬸᬮ᭄ᬬᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬗᬬᬩ᭄᭞ᬫᬗ᭄ᬭᬬᬸᬦᬂᬰ᭄ᬭᬷᬦᬺᬧᬢᬶ᭞ᬫᬶᬯᬄᬢᬫ᭄ᬬᬸᬫᬓᬲᬫᬶ᭞ᬢᬦᬸᬘᬧᬦ᭄ᬧᬸᬧᬸᬢ᭄ᬲᬵᬫ᭄ᬧᬸᬦ᭄᭞ᬦᬶᬯᬬᬦ᭄ᬫᬵᬢᬹᬃᬳᬸᬦᬶ
ᬗ᭞ᬲᬶᬗ᭄ᬕᬶᬄᬭᬢᬸᬰ᭄ᬭᬷᬦᬺᬧᬢᬶ᭞ᬢᬶᬢ᭄ᬬᬂᬫᬵᬢᬹᬃ᭞ᬗᬸᬦᬶᬗᬂᬗᬹᬦ᭄ᬥᬶᬓ᭄ᬭᬭᬗᬦ᭄᭟᭐᭟᭠᭒᭔᭟ᬳᬶᬭᬶᬂᬢᬶᬢ᭄ᬬᬂᬫᬗᬗ᭄ᬕᭂᬳᬂ᭞ᬫᬗ᭄ᬤᬓᬾᬗᬶᬦ᭄ᬫᬧᬸᬢ᭄ᬭᬮ᭄ᬯᬶᬄ᭞ᬧᬢᭂᬫᬸᬦᬶᬂᬲ᭄ᬫᬭᬵᬕᬫ᭞ᬗ᭄ᬕᬶᬄᬲᬚ᭄ᬭᭀᬦᬶᬂ
ᬲᭀᬮᬲ᭄ᬯᭂᬗᬶ᭞ᬫᬗ᭄ᬤᬫᭂᬍᬂᬩ᭄ᬭᬢᬲᬶᬤ᭄ᬥᬶ᭞ᬲᬢᬢᬜᬸᬓ᭄ᬮᬬᬂᬓᬳ᭄ᬬᬸᬦ᭄᭞ᬫᬩ᭄ᬭᬢᬓᭂᬫᬶᬢᬦ᭄ᬗᬭᬦ᭄᭞ᬤᬰᬰᬷᬮᬢᭂᬢᭂᬧ᭄ᬲᬫᬶ᭞ᬲᭀᬮᬄᬳᬕᬸᬂ᭞ᬥᬃᬱᬡᬬᬂᬭᬶᬂᬧᬸᬡ᭄ᬬᬦ᭄᭟᭐᭟᭓᭕
᭟ᬧᬗ᭄ᬓᬄᬲᬂᬦᬵᬢᬜᬗ᭄ᬕᬸᬧᬂ᭞ᬯᬬᬦ᭄ᬧᬸᬬᬸᬂᬗᬫᬮᬶᬳᬶᬦ᭄᭞ᬲᭂᬓᭂᬦ᭄ᬤᬦᬾᬫᬗᬢᬹᬭᬂ᭞ᬧᭀᬫᬧᭀᬫᬰ᭄ᬭᬷᬦ᭄ᬭᬧᬢᬶ᭞ᬫᬗ᭄ᬤᬢᬦ᭄ᬓᬢᬫᬦ᭄ᬭᬸᬕᬶ᭞ᬢᭀᬮᬶᬄᬢᬶᬢ᭄ᬬᬂᬗᬶᬭᬶᬂᬭᬢᬸ