[ ᭑᭒ 12B]
᭑᭒
ᬫᬶᬮᬶᬳᬶᬦ᭄᭞ᬕᭀᬩᬦ᭄ᬳᬦᬓ᭄ᬩᬕᬸᬲ᭄ᬭᬶᬭᬶᬄ᭞ᬬᬤᬶᬦ᭄ᬩᭀᬘᭀᬓ᭄ᬩᬸᬭᬶᬓ᭄ᬘᬧᬸᬄ᭞ᬢᬶᬯᬲ᭄ᬲᬸᬕᬶᬄᬢᭀᬂᬗᬶᬢᬸᬗᬂ᭞ᬮᬫᬸᬦ᭄ᬢᭂᬓᬗᬩᬭᬶᬗ᭄ᬕᬶᬢ᭄᭞ᬲᬢᬸᬰ᭄ᬘᬸᬓᬸᬧ᭄᭞ᬓᬗ᭄ᬕᭀᬤᬤᬶᬫᬦ᭄ᬢᬸᬦ᭄ᬩᬧ᭟᭐᭟
᭟᭑᭕᭟ᬳᬕᬸᬂᬧᬜ᭄ᬚᬓ᭄ᬱᬢᭂᬓᬦ᭄᭞ᬬᬤᬶᬦ᭄ᬫᬾᬦᬓ᭄ᬩᭂᬮᭀᬕ᭄ᬭᬶᬭᬶᬄ᭞ᬢᬭᬸᬡᬦᬾᬧᬥᬓᬕ᭄ᬬ᭠ᬢ᭄᭞ᬢᭂᬍᬩ᭄ᬕᬸᬬᬸᬢᬦᬸᬦᬶᬗᬶᬦ᭄᭞ᬤᬶᬢᬸᬲᬫᬶᬧᬤᬦᭂᬗᬶᬮ᭄᭞ᬯᬾᬦ᭄ᬢᭂᬦ᭄ᬲᬦᬾᬲᬳᬸᬂᬕᬸᬬᬸ᭞ᬲᬚᬓᬾᬢᭀ
ᬩᬧᬯᬬᬦ᭄᭞ᬧᬦ᭄ᬧᬸᬬᬸᬂᬭᬭᬶᬲ᭄ᬜᬯᬸᬭᬶᬦ᭄᭞ᬳᬧᬂᬕᬸᬤᬸᬕ᭄᭞ᬳᬧᬂᬕᭀᬦ᭄ᬤᭀᬂᬫᭀᬯᬢᬬᬂ᭟᭐᭟᭑᭖᭟ᬩᭂᬦᭂᬃᬢᬶᬤᬓ᭄ᬩᭀᬮᬾᬢᬯᬃ᭞ᬬᬦ᭄ᬲᬢᬸᬲᬾᬧ᭄ᬭᬕᬢ᭄ᬳᬚᬶ᭞ᬩᬧᬗᬶᬤᬶᬄᬧᬤᬢ᭄ᬭᬂ᭞ᬲᬤᬸ
ᬳᬋᬧ᭄ᬮᬦᬂᬳᬶᬲ᭄ᬢ᭄ᬭᬷ᭞ᬓᬚᬸᬫᬳ᭄ᬩᬧᬦᬾᬢᭂᬓᬳᬶᬦ᭄᭞ᬳᬧᬂᬳ᭄ᬤᬭᬾᬧᭀᬢ᭄ᬫᬮᬓᬸ᭞ᬫᬍᬧᭂᬄᬫᬫ᭄ᬯᬢ᭄ᬩᬦ᭄ᬢᬮ᭄᭞ᬜᬫᬩ᭄ᬭᬬᬢᬸᬲᬶᬂᬲᬓᬶᬢ᭄᭞ᬧᬂᬤᬭᬶᬓᬸᬄ᭞ᬤᬤᬶᬲᭀᬮᬄᬩᬩ᭄ᬮᬓᬲᬦ᭄᭟᭐᭟
[᭑᭓ 13A]
᭟᭑᭗᭟ᬭᬶᬂᬚᬕᬢᬾᬫᬗ᭄ᬓᬶᬦ᭄ᬓᭂᬢᬄ᭞ᬓᬮᬸᬗᬂᬮᬸᬗᬂᬦᬾᬫᬗ᭄ᬓᬶᬦ᭄᭞ᬫᬸᬜᬶᬦ᭄ᬧᬦ᭄ᬧᬸᬬᬸᬂᬧᬸᬦᬶᬓ᭞ᬳᭀᬲᬄᬢᬭᬸᬡᬦᬾᬲᬫᬶ᭞ᬦᬸᬕᬶᬓᬸᬫ᭄ᬧᬸᬮ᭄ᬧᬸᬦ᭄ᬧᬩᬶᬲᬶᬓ᭄᭞ᬢᭂᬍᬩ᭄ᬕᬸᬬᬸᬩᭂᬮᬸᬫ᭄ᬢᭂᬦ᭄ᬢᬸ᭞ᬇᬦ᭄ᬤᬬᬂᬚᬦᬶᬢᭂᬕ
ᬭᬂ᭞ᬓᬕᬾᬢ᭄ᬳᬤᬦᭂᬓᬾᬂᬳᬢᬶ᭞ᬓᬂᬲᬶᬦᭂᬩᬸᬢ᭄᭞ᬗᬭᬦ᭄ᬳᬶᬯᬬᬦ᭄ᬦᬕᬭ᭟᭐᭟᭑᭘᭟ᬢᬭᬸᬡᬲᬓᬶᬂᬕᬕᬡ᭞ᬤᬾᬰᬦ᭄ᬜᬦᬾᬭᬶᬂᬧᬲᬶᬲᬶᬃ᭞ᬫᬧᬶᬳᭀᬭᬄᬭᬶᬂᬫᬾᬫᬾᬦ᭄ᬦᬾ᭞ᬦᬸᬢᬸᬭᬂᬤᭂᬫᭂᬦᬾᬗᬶᬮᬶᬲ᭄᭞
ᬭᬶᬂᬦᬷᬯᬬᬦ᭄ᬧᬸᬬᬸᬂᬲᬸᬕᬶᬄ᭞ᬲᬓᬶᬂᬤᬾᬰᬓᬭᬂᬲᬸᬯᬸᬂ᭞ᬫᬕᭂᬦᬄᬭᬶᬂᬧᬓᬸᬩᭀᬦᬦ᭄᭞ᬢᭂᬕᬭᬶᬦ᭄ᬫ᭄ᬫᬫᬾᬫᬫᬥᬶᬓ᭄᭞ᬳᬚᬓᬶᬫᬸᬤ᭄᭞ᬫᬫᬸᬜᬶᬢᭂᬭᬂᬢᭂᬭᬗᬦ᭄᭟᭐᭟᭑᭙᭟ᬲᬓᬶᬂᬲᬸᬓᭂᬄᬫᬓᬭᬸᬡ᭞
ᬳᬶᬦᬩ᭄ᬳᬶᬧᬸᬦ᭄ᬲᬵᬫ᭄ᬧᬸᬦ᭄ᬕᬜ᭄ᬚᬶᬄ᭞ᬤ᭄ᬯᬦᬶᬂᬦᬾᬦ᭄ᬢᭂᬦ᭄ᬦᬳᭂᬦ᭄ᬳᭂᬫ᭄ᬩᬂ᭞ᬳᬦᬓᬾᬭᬯᬸᬄᬗᬗ᭄ᬕᬸᬭᬶᬦ᭄᭞ᬲᬤ᭄ᬬᬧᬤᬾᬓᬲᬗ᭄ᬕᬸᬧᬶᬦ᭄᭞ᬲᬵᬫ᭄ᬧᬸᬦᬂᬫᬦᬯᬄᬤᬶᬢᬸ᭞ᬬᬤᬶᬦ᭄ᬓᬧᭀᬳᬚᬶᬓᬸᬤ᭞ᬤᬸᬭᬸᬲᬂᬫᬾᬫᬾᬢᬢᬶ
