[ ᭑᭒᭐ 120B]
᭑᭒᭐
ᬲᬶᬦ᭄᭟᭐᭟᭑᭔᭟ᬢᬶᬕᬂᬤᬶᬦᬢᬶᬕᬂᬤᬮᬸᬜᬸᬲᬸᬯᭀᬳᬮᬲ᭄᭞ᬫ᭄ᬯᬂᬧᬗ᭄ᬓᬸᬂᬚᬸᬭᬂᬢᬺᬩᬶᬲ᭄᭞ᬲᬵᬫ᭄ᬧᬸᬦ᭄ᬓᬮᬶᬯᬢᬦ᭄᭞ᬓᭂᬦᬲ᭄ᬜᬦᬾᬧᬩ᭄ᬭᬲᬢ᭄᭞ᬧᬘᬼᬗᬸᬓ᭄ᬫᬶᬦᬩ᭄ᬜᬧᬢᬶᬦ᭄᭞ᬭᬶᬂᬲᬂᬓᬲᬗ᭄ᬰ᭠
ᬭᬦ᭄᭞ᬫᬸᬜᬶᬦ᭄ᬲᬸᬕᭂᬫ᭄ᬫᬗᬸᬭᬸᬕᬶᬦ᭄᭟᭐᭟᭑᭕᭟ᬫᬜᬮᬾᬫ᭄ᬧᭀᬄᬕᭂᬧᬸᬤᬦᬾᬜᬸᬲᬸᬧ᭄ᬳᬮᬲ᭄᭞ᬦᬾᬫᬗ᭄ᬓᬶᬦ᭄ᬤᬦᬾᬳᬾᬮᬶᬂ᭞ᬫᬫᬶᬦᭂᬳᬶᬦ᭄ᬳᬯᬓ᭄᭞ᬳᬕᭂᬢᬾᬢᬸᬢᬸᬕ᭄ᬲᬗ᭄ᬰᬭ᭞ᬲᬸᬓ᭠
ᬤᬸᬓᬲᬳᬶᬧᬗ᭄ᬕᬶᬄ᭞ᬦ᭄ᬢᭀᬫᬸᬮᬕᭂᬮᬄ᭞ᬜᬾᬦ᭄ᬓᬾᬮᬓᬃᬢᬶᬓᬸᬮᬶᬦ᭄᭟᭐᭟᭑᭖᭟ᬫᬸᬮᬕᭂᬮᬄᬢᭂᬓᬳᬶᬦ᭄ᬕᭂᬮᬄᬢ᭄ᬯᬄᬕᭂᬮᬄᬳᬯᬓ᭄᭞ᬳᬯᬓ᭄ᬚᬦᬶᬫᬗᬗ᭄ᬓᭂᬦᬶᬦ᭄᭞ᬫᬫᭀᬦ᭄ᬤᭀᬂ
ᬲᬗ᭄ᬰᬭ᭞ᬦᬄᬦᬾᬚᬦᬶᬢᬳᬦᬂ᭞ᬲᬦᬾᬗᬹᬦᬷᬫᭂᬮᬄᬢᭂᬧᬸᬓᬶᬦ᭄᭞ᬍᬕᬭᬶᬂᬫᬦᬄ᭞ᬤᬤ᭄ᬯᬕᭂᬮᬳᬾᬲᬳᬶ᭟᭐᭟᭑᭗᭟ᬉᬥᬸᬄᬳᬯᬓ᭄᭞ᬜᬾᬦ᭄ᬚᬦᬶᬲᬫ᭄ᬩᬢ᭄ᬲᬫ᭄ᬩ
[ ᭑᭒᭑ 121A]
ᬢ᭄᭞ᬜᬾᬦ᭄ᬲᬾᬩ᭄ᬯᬶᬦ᭄ᬮᬓᬃᬲᬥ᭄ᬯᬶᬦ᭄᭞ᬳᬯᬓ᭄ᬜᬫ᭄ᬩᬢ᭄ᬳᬯᬓ᭄᭞ᬢ᭄ᬯᬄᬳᬶᬥᭂᬧ᭄ᬳᬯᬓ᭄ᬲᬸᬓ᭄ᬮ᭞ᬤᬶᬢᬸᬤᬦᬾᬫᬲᬶᬮᬢᬶᬤᬶᬂ᭞ᬫᬳᬋᬧ᭄ᬧᬹᬃᬯ᭄ᬯ᭞ᬗᬶᬦ᭄ᬓᬶᬦᬂᬫᬗᬲ᭄ᬢᬶᬢᬶ᭟᭐᭟ᬧᬸᬧᬸᬄᬫᬕ᭠
ᬢ᭄ᬭᬸᬄ᭟᭐᭟᭑᭟ᬫᬲᬶᬥᭂᬓᭂᬧ᭄ᬳᬲ᭄ᬢᬦ᭄ᬤᬦᬾᬓᬮᬶᬄᬲᬵᬫ᭄ᬧᬸᬦ᭄᭞ᬫᬗ᭄ᬭᬡᬰᬶᬓᬫᬫᬸᬱ᭄ᬯᬶ᭞ᬤ᭄ᬬᬦᬬᭀᬕᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬳᬦᬭᬶᬂᬚ᭄ᬭᭀᬦᬶᬂᬲᬵᬫᬥᬶ᭞ᬳᬜ᭄ᬭᬄᬳᬗ᭄ᬕᬚᬶᬯᬧᭀᬮᭀ
ᬲ᭄᭟᭐᭟᭒᭟ᬲᬫᬦ᭄ᬢᬭᬯᭂᬗᬶᬦ᭄ᬜᬦᬾᬫᬥ᭄ᬬᬤᬮᬸ᭞ᬦᭀᬭᬮᬶᬬᬦ᭄ᬓᬂᬳᬶᬦᬶᬲ᭄ᬢᬶ᭞ᬋᬱᬶᬩᬸᬥᬶᬕᬸᬭᬸᬳᬕᬸᬂ᭞ᬚ᭄ᬭᭀᬦᬶᬂᬩᬸᬤ᭄ᬥᬶᬦᬶᬂᬪᬦᬮ᭄ᬯᬶᬄ᭞ᬲᬓᭂᬤᬧ᭄ᬦᬸᬮ᭄ᬬᬓᬢᭀᬦ᭄᭟᭐᭟᭓᭟ᬰᬩ᭄ᬥᬚᬵ
ᬢᬶᬭᬶᬂᬧᬦ᭄ᬢᬭᬢ᭄ᬯᬶᬓᬭᬸᬗᬸ᭞ᬯᬬᬦ᭄ᬧᬸᬬᬸᬂᬳᬚᬮᬮᬶ᭞ᬲᬧᬭᬦ᭄ᬫᬫᬗ᭄ᬕᬸᬄᬓᬾᬯᬸᬄ᭞᭠ᬓᬾᬯᬮᬮᬭᬧᬦ᭄ᬳᬾᬮᬶᬂ᭞ᬢᬦ᭄ᬢᬸᬮᬸᬲ᭄ᬫᬫᬗ᭄ᬕᬸᬄᬓᬯᭀᬦ᭄᭟᭐᭟᭔᭟ᬓᬜ᭄ᬘᬦ᭄ᬓᬾᬯᭂᬄᬦᬭᬶᬂᬳᬮ
Kaca:Bali-lontar-gaguritan-puyung-sugih-250ppi.pdf/121
Kaca puniki sampun kauji-wacén
