[ ᭑᭑᭙ 119B]
᭑᭑᭙
ᬳᬶᬲ᭄ᬢ᭄ᬭᬷ᭟᭐᭟᭗᭟ᬲᬸᬫ᭄ᬬᬸᬓ᭄ᬢᬂᬲᬭᬯᬭᬮ᭄ᬯᬶᬃᬯᬃᬱᬢᬶᬩ᭞ᬇᬭᬶᬓᬕᭂᬮᬶᬲ᭄ᬫᬢᬦ᭄ᬤᬶᬂ᭞ᬲᬮᬶᬂᬳᬸᬗ᭄ᬲᬶᬫᬧ᭄ᬭᬂ᭞ᬧᬥᬓᬢᬳᬶᬂᬯᬤ᭄ᬯ᭞ᬩᬮᬶᬫ᭄ᬧᬸᬂᬮᬾᬦ᭄ᬫᬜᬸᬮᬶᬕᬶ᭞ᬮ᭄ᬬᬦ᭄ᬲᬮᬶᬂᬧᬸᬗ᭄ᬕᬮ᭄᭞ᬳ᭠
ᬮ᭄ᬯᬾᬄᬫ᭄ᬗᭂᬫᬲᬶᬦ᭄ᬫᬢᬶ᭟᭐᭟᭘᭟ᬲᬵᬫ᭄ᬧᬿᬤᬮᬸᬫᬬᬸᬤ᭄ᬥᬓ᭄ᬯᬢ᭄ᬢᬦ᭄ᬧᬭᬃᬬ᭄ᬬᬦ᭄᭞ᬲᬮᬶᬂᬳᬸᬗ᭄ᬲᭂᬂᬲᬮᬶᬂᬳᬸᬗ᭄ᬲᬶ᭞ᬫᬧ᭄ᬭᬂᬫᬳᬶᬤ᭄ᬭᬦ᭄᭞ᬯᬬᬦ᭄ᬧᬸᬬᬸᬂᬢᬦ᭄ᬫᬮᬶᬗᬸᬯᬂ᭞ᬧᬢᬶᬧᬸᬭᬸᬕ᭄ᬧᬢᬶᬳᬸᬗ᭄ᬲᬶ᭞
ᬢᬶᬗ᭄ᬕᬮᬶᬦ᭄ᬫᬧ᭄ᬭᬂ᭞ᬧᬥᬲᭂᬗᬶᬢ᭄ᬫᬢ᭄ᬦ᭄ᬤᬶᬂ᭟᭐᭟ᬗᬮᬓᬸᬮᬓᬸᬦᭀᬭᬯ᭄ᬭᬸᬄᬭᬶᬂᬳᬚᬕᬢᬦ᭄᭞ᬤᬦᬾᬗᬮᬲ᭄ᬤᬸᬓ᭄ᬯᭂᬗᬶ᭞ᬤᭀᬄᬲᬓᬶᬂᬧᬬᬸᬤ᭄ᬥᬦ᭄᭞ᬢᬶᬩᬦᬭᬶᬂᬯᬦᬦ᭄ᬢᬭ᭞ᬢᬦ᭄ᬧᬳᬶᬭᬶ
ᬗᬦ᭄ᬫᬫᬃᬕᬶ᭞ᬦᬫ᭄ᬧᬶᬤᬲᬼᬫᬄ᭞ᬭᬶᬂᬢᬩᬶᬄᬓᬬᬸᬦᬾᬗᭂᬧᬶᬮ᭄᭟᭐᭟᭑᭐᭟ᬬᬸᬤ᭄ᬥᬲᬧᬶᬄᬧᬥᬫᬢᬶᬫᬥᬥᬕᬦ᭄᭞ᬧᬜ᭄ᬚᬓ᭄ᬜᬦᬾᬧᬥᬚ᭄ᬭᬶᬄ᭞ᬫᬮᬬᬸᬰᬶᬱᬦ᭄ᬧᭂᬚᬄ᭞ᬯᬾ
[ ᭑᭒᭐ 120A]
ᬦ᭄ᬢᭂᬦ᭄ᬦᬦ᭄ᬤᬂᬲᬗ᭄ᬰᬭ᭞ᬤᬳᬦ᭄ᬤᬸᬳᬸᬦ᭄ᬦᬦ᭄ᬤᬂᬓᬦᬶᬦ᭄᭞ᬢᬶᬗ᭄ᬕᬮᬶᬦ᭄ᬩ᭄ᬭᬬ᭞ᬜᭂᬮ᭄ᬲᭂᬮ᭄ᬳᬯᬓ᭄ᬧᬤᬶᬤᬶᬳᬶᬦ᭄᭟᭐᭟᭑᭑᭟ᬫᬾᬄᬭᬳᬶᬡᬲᭂᬫᬸᬳᬩᬂᬲᬂᬳ᭄ᬬᬂᬲᬹᬃᬬ᭄ᬬ᭞ᬓᬳᬸᬩᬦ᭄ᬕᬸᬍᬫ᭄ᬢᬶᬧᬶᬲ᭄᭞᭠
ᬮ᭄ᬯᬶᬃᬭᬸᬤᬶᬭᬭᬓ᭄ᬢ᭞ᬫᬲ᭄ᬭᭀᬭᭀᬢ᭄ᬓᬤᬶᬫᭂᬫ᭄ᬩᬄ᭞ᬲᬂᬳ᭄ᬬᬂᬲᬹᬃᬬ᭄ᬬᬳᬶᬦᬩ᭄ᬲᭂᬤᬶᬄ᭞ᬜᬶᬗᬓ᭄ᬲᬂᬧᭂᬚᬄ᭞ᬮᬸᬄᬧᬸᬬᬸᬂᬓᭀᬘᬧ᭄ᬫᬗ᭄ᬓᬶᬦ᭄᭟᭐᭟᭑᭒᭟ᬫᬗᬺᬋᬫᬶᬄᬢᭂᬗᬳᬶᬂᬳᬮᬲ᭄ᬮᬶᬦ᭄ᬢᬂᬰᬹᬦ᭄ᬬ᭞ᬲᬲ
ᬫ᭄ᬩᬢᬾᬗᬲᬶᬄᬳᬲᬶᬄ᭞ᬳᬥᬸᬄᬫᬾᬫᬾᬩᬧ᭞ᬤᭀᬂᬘᬶᬗᬓ᭄ᬓᬸᬤᬢᬶᬢ᭄ᬬᬂ᭞ᬫᬗ᭄ᬕᬸᬄᬮᬘᬸᬃᬓᬵᬤᬶᬫᬗ᭄ᬓᬶᬦ᭄᭞ᬫᬾᬄᬗᭂᬫᬲᬶᬦ᭄ᬧᭂᬚᬄ᭞ᬲᬶᬭᬳᭀᬮᬲ᭄ᬫᬦᬸᬮᬸᬂᬗᬶᬦ᭄᭟᭐᭟᭑᭓᭟ᬤᬾᬯᬦ᭄ᬳ᭠
ᬮᬲ᭄᭞ᬤᬾᬯᬦ᭄ᬢᬭᬸᬢᬸᬮᬸᬂᬢᬶᬢ᭄ᬬᬂ᭞ᬲᬗ᭄ᬰᬭᬓᬲᬶᬄᬳᬲᬶᬄ᭞ᬫᬶᬯᬄᬩᬸᬭᭀᬦ᭄ᬳᬮᬲ᭄᭞ᬬᬤᬶᬦ᭄ᬲᬂᬕᬭᬸᬤᬲᬶᬂᬳ᭞ᬬᬦ᭄ᬢᬦ᭄ᬳᭀᬮᬲ᭄ᬫᬦᬸᬮᬸᬗᬶᬦ᭄᭞ᬤᬸᬭᬸᬲᬂᬩᬓ᭄ᬱ᭞ᬳᬧᬂᬓᬳᬳᬶᬫᬗᭂᬫ
Kaca:Bali-lontar-gaguritan-puyung-sugih-250ppi.pdf/120
Kaca puniki sampun kauji-wacén
