Kaca:Bali-lontar-gaguritan-puyung-sugih-250ppi.pdf/12

Saking Wikisource
Kaca puniki sampun kauji-wacén

[ ᭑᭑ 11B]
᭑᭑
ᬓᬾᬗᬗ᭄ᬢᬸᬭᬶᬦ᭄᭞ᬬᬦ᭄ᬫᬯᬦ᭄ᬢᬸᬦ᭄᭞ᬧᬦ᭄ᬧᬸᬬᬸᬂᬲᬸᬕᬶᬄᬧᬸᬦᬶᬓ᭟᭐᭟᭙᭟ᬳᬶᬗ᭄ᬕᬶᬄᬫᬗ᭄ᬓᬶᬦ᭄ᬓᬳᬸᬘᬧᬂ᭞ᬩᬧᬯᬬᬦ᭄ᬧᬸᬬᬸᬂᬲᬸᬕᬶᬄ᭞ᬢᬸᬫ᭄ᬩᬾᬩ᭄ᬲᬸᬕᬶᬄᬮᬶᬦ᭄ᬢᬂᬓᭀᬭᬩ᭄᭞ᬲᭂᬫᭂᬂᬯᬯᬸᬤᬯᬸᬄᬓᬮᬶᬄ᭞ᬗᬫ᭄ᬩᭂ
ᬮ᭄ᬳᬬᬫ᭄ᬩᬶᬬᬶᬂᬓᬸᬦᬶᬂ᭞ᬧᭂᬲᬸᬓᬭᬸᬭᬸᬗᬾᬗ᭄ᬕᬸᬃ᭞ᬫᬩᭀᬂᬩᭀᬂᬗᬚᬓ᭄ᬢᬭᬸᬡ᭞ᬫᬳᬶᬤ᭄ᬓᬜ᭄ᬘᬸᬢ᭄ᬜᬗ᭄ᬓᭂ᭠ᬮᬶᬢ᭄ᬓ᭄ᬭᬶᬲ᭄᭞ᬓᬫ᭄ᬧᬸᬄᬮᬸᬯᬸᬂ᭞ᬫᬩᬶᬓᬲ᭄ᬧᭀᬮᬾᬂᬧᬦ᭄ᬤᬮᬦ᭄᭟᭐᭟᭑᭐᭟ᬧᬕᭂᬢᭂᬫ᭄ᬓ᭄ᬯᬾᬄᬫᬗᬸᬘᬧᬂ᭞ᬩᬧᬦ᭄ᬧᬸ᭠
ᬬᬸᬂᬢᬸᬫ᭄ᬩᬾᬦ᭄ᬲᬸᬕᬶᬄ᭞ᬳᬤᬚᬳᬶᬮ᭄ᬕᬸᬬᬸᬗᭂᬦ᭄ᬤᬲ᭄᭞ᬲᬋᬂᬓᬢᬄᬬᬫᬩᬮᬶᬄ᭞ᬳᬕᬸᬬᬸᬲᬮᬶᬂᬢᬫ᭄ᬩᬸᬗᬶᬦ᭄᭞ᬲᬚᬳᬶᬘᬂᬢᬸᬲᬶᬂᬦᭂᬧᬸᬓ᭄᭞ᬬᬤᬶᬦ᭄ᬤᬗ᭄ᬲᬄᬢᬸᬲᬶᬂᬳᬤ᭞ᬤᬶᬕᬸᬫᬶᬦᬾᬤᬶᬚᬳᬮᬶᬄ᭞ᬯᬶᬃᬬᬦᬸᬮᬸᬲ᭄
᭞ᬇᬥᭂᬧ᭄ᬓᬤᬶᬩᬧᬯᬬᬦ᭄᭟᭐᭟᭑᭑᭟ᬦᬾᬦ᭄ᬢᭂᬦ᭄ᬓᬶᬭᬂᬲᬦ᭄ᬤᬂᬧᬗᬦ᭄᭞ᬲᬸᬓᬢ᭄ᬳᬤᬦᬷᬮᬸᬄᬲᬸᬕᬶᬄ᭞ᬭᬯᬸᬄᬫᬺᬢᬓᬵᬤᬶᬳᬸᬚᬦ᭄᭞ᬭᬚᬩ᭄ᬭᬡᬫᬗᭂᬧᬸᬗᬶᬦ᭄᭞ᬯᬾᬦ᭄ᬢᭂᬦ᭄ᬫᬮᬶᬄᬫᬜᬯᬸᬭᬶᬦ᭄᭞ᬲᬚ

[᭑᭒ 12A]
ᬩᭂᬓᭂᬮ᭄ᬳᬦᬓ᭄ᬮᬸᬯᬸᬂ᭞ᬬᬤᬶᬦ᭄ᬤᬶᬚᬓᬲᬬᬸᬩᬦ᭄᭞ᬯᬶᬥᬶᬦᬾᬲᬳᬶᬫᬲᬳᬶᬂ᭞ᬬᬫᬲᬳᬸᬢ᭄᭞ᬧᬦ᭄ᬧᬸᬬᬸᬂᬫᬲᬳᬸᬃᬕᭂᬢᬃ᭟᭐᭟᭑᭒᭟ᬫᬜᬫ᭄ᬩ᭄ᬯᬓᬂᬭᬶᬂᬧᬗ᭄ᬕᬸᬭᬦ᭄᭞ᬫᬸᬜᬶᬦ᭄ᬜᬦᬾᬦᭂᬓᬾᬂᬳᬢᬶ᭞ᬦᬄᬓᬾᬦᬾᬘ᭠
ᬳᬶᬫᬓᭂᬚᬂ᭞ᬳᬧᬂᬢᬳᬸᬳᬸᬮᬶᬂᬚᬦᬶ᭞ᬦᬾᬢ᭄ᬭᬸᬡᬚ᭄ᬯᬂᬬᬤᬤᬶ᭞ᬮᬓᬃᬳᬗ᭄ᬕᭀᬦ᭄ᬩᬧᬫᬦ᭄ᬢᬸ᭞ᬓᬾᬯᬮᬦᬸᬧᬥᬩᬚᬂ᭞ᬳ᭄ᬤᬚᬮᬓᬃᬩ᭄ᬯᬶᬦ᭄ᬫᬫᬥᬶᬓ᭄᭞ᬲᬓᬶᬂᬳᬮᬸᬄ᭞ᬧ᭄ᬭᬕᬢ᭄ᬓᬧᬶᬂᬩᬧᬤᭀᬯᬂ᭟᭐᭟᭑᭓᭟ᬓᬾ
ᬢᭀᬚᬵᬢᬶᬇᬥᭂᬧ᭄ᬩᬧ᭞ᬳᬮᬶᬳᬂᬤᬾᬯᬰᬫᬮ᭄ᬯᬶᬦ᭄᭞ᬲᬦᬾᬚᬵᬢᬶᬫᬵᬤᬦ᭄ᬫᭂᬮᬄ᭞ᬩᬩᬦ᭄ᬢᭂᬦ᭄ᬫᬮᬸᬲᭂᬤ᭄ᬬᬳᬶᬦ᭄᭞ᬉᬧᬓᬭᬳᬧᬂᬫᬸᬲ᭄ᬢᬶ᭞ᬧᬲᬓᬧᬦ᭄ᬢᬸᬯᬄᬳᬜᬶᬬᬸ᭞ᬕᬸᬮᬶᬂᬳᬚᬶᬮᬶᬫᬂᬳᬢᬓ᭄᭞
ᬢᬸᬲᬶᬂᬤᬤᬶᬩ᭄ᬯᬶᬦ᭄ᬳᭂᬮᭀᬗᬶᬦ᭄᭞ᬳᬚᬶᬲᬢᬸᬲ᭄᭞ᬭᬶᬗ᭄ᬕᬶᬢ᭄ᬢ᭄ᬯᬭᬤᬤᬶᬢᬯᬄ᭟᭐᭟᭑᭔᭟ᬧᬸᬧᬸᬢ᭄ᬢᭂᬓᬦᬶᬂᬤᬾᬯᬰ᭞ᬮᬦ᭄ᬢᬲᬂᬦᬢᬩ᭄ᬧᬺᬚᬦᬶ᭞ᬚᬸᬯᬂᬚᬦᬶᬦᭀᬭᬲᬗ᭄ᬓᬾᬬᬦ᭄᭞ᬢᬸᬲᬶᬂᬩᬧᬫ