[ ᭑᭑᭘ 118B]
᭑᭑᭘
ᬩᬸᬓ᭄ᬱᬫᬶ᭞ᬳᬦᬭᬶᬂᬓᬭᬂᬲᬸᬯᬸᬂ᭞ᬕᬾᬜ᭄ᬚᭀᬂᬢᬦ᭄ᬧᬚᬶᬯᬲᬫᬶ᭞ᬲᬸᬫᬲᬢ᭄ᬕᬸᬫᬶᬳᬸᬯᬸᬕ᭄᭞ᬧᬦ᭄ᬦᬶᬧᬸᬬᬸᬂᬩᬦ᭄ᬢᬢ᭄ᬩᬶᬦ᭄ᬢᬶᬢ᭄᭞ᬲᬸᬓᬦᬾᬫᬗ᭄ᬕᬸᬄᬧᬓᬾᬯᬸᬄ᭞ᬫᬮᬦ᭄ᬢᬭᬦ᭄ᬫᬗ᭄ᬕᬸᬄᬓᬤᭀ᭟᭐
᭟ᬧᬸᬧᬸᬄᬥᬸᬃᬫ᭟᭐᭟᭑᭟ᬓᭂᬢᬸᬕ᭄ᬮᬶᬦᬸᬄᬓᬮᬸᬤ᭄ᬓᭀᬘᬓ᭄ᬯᬾᬦᬶᬂᬲᬵᬕᬭ᭞ᬧ᭄ᬭᬘᬶᬭᬶᬗ᭠ᬕᬯᭀᬓᬶᬦ᭄᭞ᬕᬕᬓ᭄ᬳᬲ᭄ᬮᬶᬯᭂᬭᬦ᭄᭞ᬳᬲᬸᬦᬾᬫᬕᬸᬮᬸᬗᬦ᭄᭞ᬫᬗᬸᬮᬸᬦ᭄ᬲᬮᬶᬂᬢᬫ᭄ᬩᬸᬗᬶᬦ᭄᭞ᬓᭀ᭠
ᬘᬧ᭄ᬲᬂᬦᬵᬣ᭞ᬫᬶᬯᬄᬯᬤ᭄ᬯᬦᬾᬲᬫᬶ᭟᭐᭟᭒᭟ᬫᬕ᭄ᬭᬶᬬᬸᬗᬦ᭄ᬫᭀᬢᭀᬃᬜᬦᬾᬧᬥᬳᬶᬫᬂ᭞ᬗᭂᬢᬸᬢ᭄ᬦᬶᬧᬸᬬᬸᬂᬲᬸᬕᬶᬄ᭞ᬭᬭᬶᬲ᭄ᬓᬢᬸᬢᬸᬕᬦ᭄᭞ᬫᭀᬢᭀᬭᬾᬓᬢᬸᬩ᭄ᬭᬸᬓ᭄ᬭᬸᬲᬓ᭄᭞ᬯᬬ᭠
ᬦ᭄ᬧᬸᬬᬸᬂᬭᬭᬶᬲ᭄ᬓᬵᬫ᭄ᬩᬶᬮ᭄᭞ᬤᬶᬢᬸᬓᬩᬾᬕᬮ᭄᭞ᬓᬲᬫ᭄ᬮᬾᬄᬳᬶᬓᭂᬭᬸᬤ᭄ᬫᬢᬶ᭟᭐᭟᭓᭟ᬲᬸᬧᬶᬃᬜᬦᬾᬦᬸᬮ᭄ᬬᬓᭂᬢᭂᬲ᭄ᬫᬗᬤᬫ᭄ᬧᬮ᭄᭞ᬯᬬᬦ᭄ᬧᬸᬬᬸᬂᬚᭂᬭᬶᬢ᭄ᬚᭂᬭᬶᬢ᭄᭞ᬤᬶᬚᬮ᭠
[ ᭑᭑᭙ 119A]
ᬦ᭄ᬓᬭᬂᬬᬦᬂ᭞ᬓᬘᬸᬦ᭄ᬤᬸᬓ᭄ᬮ᭄ᬯᬶᬃᬧᬚᭀᬕᬂ᭞ᬫᬭᬶᬂᬧ᭄ᬭᬪᬸᬲᬸᬦ᭄ᬤᬂᬪᬸᬫᬶ᭞ᬲᬓᬶᬂᬳᬦ᭄ᬢᬄᬓ᭄ᬭᬡ᭞ᬫᬭᬃᬬ᭄ᬬᬦ᭄ᬲᬮᬶᬂᬢᬓᭀᬦᬶᬦ᭄᭟᭐᭟᭔᭟ᬧ᭄ᬭᬪᬸᬚᬢᬶᬮᬦᬸᬮᬶᬬᬭᬭᬶᬲ᭄ᬳᬢᬜ᭞ᬲ᭄ᬬᬧᬓᬶᬢ᭠
ᬳᬗᬮᬗᬶᬦ᭄᭞ᬢᬓᬶᬢᬯᭀᬂᬧᬭᬦ᭄᭞ᬫ᭄ᬯᬄᬲ᭄ᬬᬧᬓᬂᬳᬭᬦ᭄᭞ᬲᬂᬲᬸᬦ᭄ᬤᬂᬪᬸᬫᬶᬜᬯᬸᬭᬶᬦ᭄᭞ᬯ᭄ᬯᬂᬳᬦ᭄ᬢᬄᬓ᭄ᬭᬡ᭞ᬳᬓᬸᬇᬓᬶᬫᬭᬪᭀᬦᬶᬦ᭄᭟᭐᭟᭕᭟ᬜᬤ᭄ᬬᬳᬓᬸᬫᬫᬥᬶᬓ᭄ᬓᬲᬸ
ᬯᬸᬂᬤᬾᬰ᭞ᬫᬥᬶᬓ᭄ᬦᬶᬧᬸᬬᬸᬂᬲᬸᬕᬶᬄ᭞ᬲᬂᬚᬢᬶᬮᬦᬂᬕᬮ᭄᭞ᬓᬬᬳᬧᬓᬋᬧ᭄ᬫ᭞ᬬᬦᬶᬂᬓᬫᬸᬯᬦᬶᬫᬢᬶ᭞ᬳᬤᬾᬂᬧᬧ᭄ᬭᬗᬦ᭄᭞ᬫᬧᬕᬸᬢ᭄ᬳᬦᬾᬚᬦᬶ᭟᭐᭟᭖᭟ᬬᬦ᭄ᬦᬶᬧᬸᬬᬸᬂᬳᭀ
ᬮᬶᬄᬳᬓᬸᬫᬗ᭄ᬭᬫ᭄ᬧᬲ᭄᭞ᬮᬓᬶᬦ᭄ᬜᬦᬾᬯᬸᬲ᭄ᬫᬢᬶ᭞ᬬᬦ᭄ᬓᬶᬢᬢᬳᬋᬧ᭄ᬗᬮᬧ᭄᭞ᬧ᭄ᬭᬬᬢ᭄ᬦᬚᬸᬕᬓᬶᬢ᭞ᬬᬦ᭄ᬤᬸᬭᬸᬂᬋᬫ᭄ᬧᬓ᭄ᬳᬲ᭄ᬢᬓᬮᬶᬄ᭞ᬲᬫ᭄ᬩᬯᬓᬶᬢ᭞ᬳᭀᬮᬶᬄᬗᬮᬧ᭄ᬯᭀᬂ
Kaca:Bali-lontar-gaguritan-puyung-sugih-250ppi.pdf/119
Kaca puniki sampun kauji-wacén
