Kaca:Bali-lontar-gaguritan-puyung-sugih-250ppi.pdf/114

Saking Wikisource
Kaca puniki sampun kauji-wacén

[ ᭑᭑᭓ 113B]
ᬲ᭄᭞ᬯᬾᬥᬰ᭄ᬭᬸᬢᬶᬓᬧᬵᬢᬹᬢᬦ᭄᭟᭐᭟᭒᭟ᬫᬧᭀᬤ᭄ᬕᬮᬓᬃᬬᬦ᭄ᬜᬦᬾᬚᬕᬕᭂᬮᬶᬲ᭄᭞ᬳᬕᭂᬫᬦ᭄ᬪᬸᬚᬗ᭄ᬕ᭞ᬳᬤᬸᬂᬳᬾᬜ᭄ᬘᭂᬧ᭄ᬦᬭᬶᬂᬳᬢᬶ᭞ᬤᬾᬯᬰᬲᬵᬫ᭄ᬧᬸᬦ᭄ᬘᬯᬶᬲᬂ᭟᭐᭟᭓᭟ᬰᬰᬶᬄ
ᬓᬧᬢ᭄ᬩᬸᬤ᭄ᬥᬦ᭄ᬮᬦ᭄ᬤᭂᬧ᭄ᬓᬫᬃᬕᬶᬦᬶᬦ᭄᭞ᬢᬗ᭄ᬕᬮ᭄ᬓᬧᬶᬂᬤᬰ᭞ᬳᬤᬸᬗᬦ᭄ᬧ᭄ᬭᬢᬶᬢᬶᬩᭂᬘᬶᬓ᭄᭞ᬲᬵᬫ᭄ᬧᬸᬦ᭄ᬓᬃᬬᬓᬯᬸᬯᬸᬲᬦ᭄᭟᭐᭟᭔᭟ᬗᬸᬦ᭄ᬤᬂᬳᬸᬦ᭄ᬤᬂᬤᬾᬦᬶᬂᬤᬦᬾᬮᬶᬦ᭄ᬢᬂᬲᬸᬕᬶᬄ᭞ᬧᬸᬧᬸᬢᬸᬧᬓᬵᬭ᭞ᬩᬩᬦ᭄ᬢᭂ᭠
ᬦ᭄ᬚᬕᬫᬩᬺᬱᬶᬄ᭞ᬯᬬᬦ᭄ᬧᬸᬬᬸᬂᬗᬩᭂᬢ᭄ᬓᬃᬬ᭟᭐᭟᭕᭟ᬓᬤᬸᬂᬩ᭄ᬭᬬᬜᬫᬩ᭄ᬭᬬᬫᬗᬭᬯᬸᬳᬶᬦ᭄᭞ᬲᬳᬢᬸᬮᬸᬂᬓᬃᬬ᭞ᬢᬫ᭄ᬬᬸᬦ᭄ᬜᬦᬾᬢᬦ᭄ᬓᭂᬢᬶᬦᬶᬦ᭄᭞ᬫᬓᬰᬓ᭄ᬱᬶᬫᬧᭀᬤ᭄ᬕᬮ᭟᭐᭟᭖᭟
ᬧᬸᬓᬸᬮ᭄ᬤᬰᬓᬯᬸᬯᬸᬲᬦ᭄ᬲᬵᬫᭀᬧᬸᬦ᭄ᬫᬮᬶᬗ᭄ᬕᬶᬄ᭞ᬓᬜ᭄ᬘᬦᬶᬂᬳᬾᬩᬢᬦ᭄᭞ᬳᬾᬩᬢ᭄ᬧᬢᬸᬂᬫᬸᬗ᭄ᬕᬄᬲᬫᬶ᭞ᬧᬮᬮᬯᬸᬄᬲᬚᭂᬂᬳᬭᬓ᭄᭟᭐᭟᭗᭟ᬦᬶᬮᬸᬄᬯᬬᬦ᭄ᬧᬸᬧᬸᬢ᭄ᬤᬦᬾᬫᬗᬋᬧᬶᬦ᭄᭞
[ ᭑᭑᭔ 114A]
ᬚᬵᬢᬶᬳᬦᬓ᭄ᬧ᭄ᬭᬚ᭄ᬜᬦ᭄᭞ᬜᬧᬢᬫ᭄ᬬᬸᬫᬸᬜᬶᬫᬦᬶᬲ᭄᭞ᬘᬶᬗᬓ᭄ᬩᬮᬸᬢ᭄ᬫᬸᬜᬶᬕᭂᬢᬃ᭟᭐᭟᭘᭟ᬢᬶᬦ᭄ᬤᬓ᭄ᬮᬫ᭄ᬧ᭄ᬬᬲ᭄᭞ᬲᭀᬮᬄᬳᬤᬸᬂᬫᬜᬸᬓᬦᬶᬦ᭄᭞ᬮ᭄ᬯᬶᬳᬶᬂᬫᬕᬸᬡ᭞ᬲᬫᬶᬓᬓᭀᬕ᭄ᬫᬜᬶ᭠
ᬧᬓᬶᬦ᭄᭞ᬚᬵᬢᬶᬳᬬᬸᬫ᭄ᬯᬂᬫᬕᬸᬡ᭟᭐᭟᭙᭟ᬯᬶᬘᬓ᭄ᬱᬡᬧ᭄ᬭᬚ᭄ᬜᬦ᭄ᬦᬭᬶᬂᬢᬢ᭄ᬯᬳᬚᬷ᭞ᬮᬶᬗ᭄ᬕᬶᬄᬲᬵᬫ᭄ᬧᬸᬦ᭄ᬩᬸᬩᬃ᭞ᬲᭀᬭᬾᬤᬾᬯᬰᬫᬦᬫ᭄ᬧᬶ᭞ᬓᭀᬫᬂᬮᬬᬂᬫᬧᭀᬤ᭄ᬕᬮ᭟᭐᭟᭑᭐᭟ᬜ
ᬳᬶᬯᬬᬦ᭄ᬗᬧᭀᬤ᭄ᬕᬮᬧᬸᬧᬸᬢ᭄ᬲᬫᬶ᭞ᬮᬶᬗ᭄ᬕᬶᬄᬲᬂᬩᬸᬚᬗ᭄ᬕ᭞ᬓᬪᬶᬰᬾᬓᬳᬶᬦ᭄ᬦᬾᬫᬗ᭄ᬓᬶᬦ᭄᭞ᬩᬸᬳᬗ᭄ᬕᬰ᭄ᬤᬦ᭄ᬬᬢᬗᬮᬬᬂ᭟᭐᭟᭑᭑᭟ᬲᭀᬮᬲ᭄ᬤᬶᬦᬓ᭄ᬭᬫᬦᬾᬲ᭄ᬬᬂᬮᬢ᭄ᬭᬷ᭞ᬓᬢᬄᬲᬲᭀᬮᬳᬦ᭄᭞
ᬕᭀᬂᬧᭂᬜ᭄ᬘᬓ᭄ᬕᬫ᭄ᬩᬸᬄᬩᬭᬶᬲ᭄᭞ᬘᬮᭀᬦᬭᬂᬫᬓᬍᬫᬄ᭟᭐᭟᭑᭒᭟ᬲᬂᬪᬸᬚᬗ᭄ᬕᬓᬫᬗ᭄ᬕᭂᬳᬂᬢᬢ᭄ᬯᬳᬚᬶ᭞ᬳᬕᭂᬫᬦ᭄ᬧᬡ᭄ᬥᬶᬢ᭞ᬭᬭᬶᬲ᭄ᬜᬸᬓ᭄ᬮᬩ᭄ᬭᬵᬳ᭄ᬫᬘᬭᬶ᭞ᬧᬸᬧᬸᬢ᭄ᬳᬩᬸᬮᬦ᭄ᬧᬶᬢᬸᬂ