Kaca:Bali-lontar-gaguritan-puyung-sugih-250ppi.pdf/109

Saking Wikisource
Kaca puniki sampun kauji-wacén

[ ᭑᭐᭘ 108B]
᭑᭐᭘
ᬦᬶᬂᬓᬳ᭄ᬬᬸᬦ᭄᭞ᬦᬶᬓᬳᬶᬤᬸᬧ᭄ᬚ᭄ᬭᭀᬦᬶᬂᬧᬢᬶ᭞ᬗᬭᬦ᭄ᬧᬢᬶᬚ᭄ᬭᭀᬦᬶᬂᬳᬶᬤᬸᬧ᭄᭞ᬮ᭄ᬯᬶᬃᬲᬯᬸᬂᬫᬜ᭄ᬚᬶᬗᬶᬂᬓ᭄ᬭᬶᬲ᭄᭞ᬳᬩᭀᬢ᭄ᬭᬾᬧᭀᬢ᭄ᬤᬤᬶᬯᭀᬂ᭟᭐᭟᭒᭒᭟ᬲᬧᬸᬦᬶᬓᬲᭀᬮᬳᬾᬳᬾᬮᬶᬂᬲᬢᬸᬯᬸ
ᬓ᭄᭞ᬫᬗ᭄ᬓᬾᬳᬶᬤᬸᬧ᭄ᬩᬾᬲᬸᬓ᭄ᬫᬢᬶ᭞ᬫᬗ᭄ᬓᬾᬫᬢᬶᬚ᭄ᬭᭀᬦᬶᬂᬳᬶᬤᬸᬧ᭄᭞ᬳᬧᬦᬾᬧ᭄ᬭᬮᬶᬡᬲᬳᬶ᭞ᬦ᭄ᬢᭀᬲᬸᬩᬫᬵᬤᬦ᭄ᬓᬾᬢᭀ᭟᭐᭟᭒᭓᭟ᬧᭀᬫᬧᭀᬫᬫᬓᬤᬸᬫᬦ᭄ᬫᬵᬦᬸᬱᬮᬸᬳᬸᬃ᭞ᬳᬬ᭄ᬯᬳᬾ
ᬩᬄᬗᬫᭀᬂᬩᬸᬤ᭄ᬥᬶ᭞ᬯᬢᭂᬓᬸᬭᬶᬧ᭄ᬲᬫᬶᬩᬸᬤᬸᬄ᭞ᬤᬤᬶᬫᬺᬢᬫᬗᭂᬧᬸᬗᬶᬦ᭄᭞ᬭᬶᬚᬦ᭄ᬫᬤᬸᬫᬤᬶᬓᬢᭀᬂ᭟᭐᭟᭒᭔᭟ᬧᬸᬧᬸᬢ᭄ᬲᬵᬫ᭄ᬧᬸᬦ᭄ᬫᬧᬶᬢᬸᬢᬸᬃᬤᬰᬤᬮᬸ᭞ᬓᭀᬫᬂᬮᬬᬂᬫᬗᬸᬕᭀᬦᬶ
ᬦ᭄᭞ᬫᬗᭂᬘᬧᬂᬤᬕᬶᬂᬓᬯ᭄ᬭᬸᬄ᭞ᬮ᭄ᬯᬶᬃᬓᬲᬸᬗᬦ᭄ᬲᬜ᭄ᬚᬶᬯᬦᬶ᭞ᬤᬸᬭᬸᬂᬯᬦᭂᬄᬦᬸᬦᬲ᭄ᬩ᭠ᬯᭀᬲ᭄᭟᭐᭟᭒᭕᭟ᬉᬥᬸᬄᬯᬬᬦ᭄᭞ᬢᬸᬮᬸᬂᬲᬂᬫᬧᬶᬢᬸᬢᬸᬃ᭞ᬓᬮᬶᬄᬧᬯᭀᬲ᭄ᬲᬦᬾᬓᬭᬶ᭞

[ ᭑᭐᭙ 109A]
ᬯᬶᬯᬶᬢ᭄ᬩᬩᬓᬮᬦᬶᬧᬸᬦ᭄᭞ᬧᬸᬦᬶᬓᬚ᭄ᬯᬮᬸᬕ᭄ᬭᬳᬶᬦ᭄᭞ᬫᬶᬯᬄᬪᬸᬓ᭄ᬢᬶᬲᬦᬾᬧᭀᬮᭀᬲ᭄᭟᭐᭟ᬧᬸᬧᬸᬳᬾᬤ᭄ᬭᬷ᭟᭐᭟᭑᭟ᬲᭂᬫᬸᬫᬦᬶᬲ᭄ᬯᬬᬦ᭄ᬧᬸᬬᬸᬂᬫᬸᬯᬸᬲ᭄᭞ᬳᬮᬸᬲ᭄ᬧᬗᬸᬘᬧᬾ᭞ᬩᭂᬮᬶᬓᭀᬫᬂᬧᬶ᭠
ᬋᬂᬫᬗ᭄ᬓᬾ᭞ᬩᬩᬓᬮᬦ᭄ᬯᬢᭂᬓ᭄ᬳᬶᬤᬸᬧ᭄᭞ᬧᬫᬸᬮᬶᬄᬳᬤᭂᬫ᭄ᬧᬸᬦᬶᬓᬸ᭞ᬚᬦ᭄ᬫᬲᬢᭀᬫᬶᬯᬄᬳᬶᬯᬓ᭄᭞ᬧᬓ᭄ᬱᬶᬫᬶᬯᬄᬭᬸᬶᬂᬢᬭᬸᬩᬸᬓᬸ᭞ᬦᬾᬧᬥᭂᬫ᭄ᬢᬸᬗ᭄ᬕᬮ᭄ᬳᬤᬶᬦ᭞ᬤᬤᬶᬩᬓᬮ᭄ᬓᬭᬢᭂᬗᬂ᭟᭐᭟᭒᭟
ᬩᬸᬮᬦ᭄ᬲᬹᬃᬬᬫᬶᬯᬄᬚᬕᬢ᭄ᬤᬶᬢᬸᬶᬓᬸ᭞ᬤᬤᭀᬲ᭄ᬧᬓᬓᬲ᭄ᬜᬦᬾ᭞ᬓᬵᬤᬶᬜᬓᬦ᭄‌ᬬᬦᬸᬧᬫᬶ᭞ᬤᬤᭀᬲ᭄ᬕᭂᬦᬶᬲᬳᬩᬜᬸ᭞ᬳᬸᬘᬧᬂᬳᬧᬄᬧᬸᬦᬶᬓᬸ᭞ᬳᬸᬧᬫᬧ᭄ᬭᬩᭀᬢ᭄ᬚᬫ᭄ᬩᬗᬦ᭄᭞᭠
ᬫᬓᬯᬥᬄᬗ᭄ᬭᬢᭂᬂᬳᬶᬓᬸ᭞ᬦᬢᬓᬗ᭄ᬮᬸᬫᬓᬸᬳᬓ᭄ᬡ᭞ᬗᬸᬮᬗ᭄ᬲᬂᬧᬥᭂᬫ᭄ᬳᬤᬶᬦ᭟᭐᭟ᬲᬹᬃᬬᬦᭀᬕᭀᬂᬩᬸᬮᬦ᭄ᬳᬶᬢᭂᬄᬗᬮᬸᬮᬸᬓ᭄᭞ᬫᬧᬶᬢᭂᬄᬚᬕᬢᬾ᭞ᬫᬗᬶᬤ᭄ᬭᬶᬦ᭄ᬦᭂᬫᬸᬲ