Kaca:Bali-lontar-gaguritan-putra-sasana-03-300ppi.pdf/9

Saking Wikisource
Kaca puniki sampun kauji-wacén

[᭘ 8B]

ᬲᬶᬤᬫᬗᬯᬶᬦᬂ᭞ᬭᬳᬬᬸᬦᬾᬧᬘᬂᬧᬗ᭄ᬕᬶᬄ᭞ᬫᬸᬗ᭄ᬕᬸᬄᬭᬶᬂᬧᬸᬢ᭄ᬭᬲᬰᬡ᭞ᬳᬗ᭄ᬕᭀᬦ᭄ᬲᬸᬮᬸᬚ᭄ᬭᭀᬦᬶᬂᬳᬸᬭᬶᬧ᭄᭟ᬲᬶᬗ᭄ᬕᬶᬄᬲᬂᬧᬡ᭄ᬥᬶᬢᬲᬤᬸ᭞ᬢᬦᬓᬸᬂᬫ᭄ᬭᬓᬺᬢᬂᬕᬸᬭᬶᬢ᭄᭞ᬧᬶᬤᬩ᭄ᬤᬩ᭄ᬧᬸᬢ᭄ᬭᬲᬰ
ᬡ᭞ᬢᬸᬳᬸᬦ᭄ᬳᬫ᭄ᬧᬸᬭᬦᭂᬦ᭄ᬢᬾᬓᬶ᭞ᬫᬫᬶᬦ᭄ᬢᬦ᭄ᬧᬓᬭᬶᬕᬸᬡ᭞ᬯᬾᬢ᭄ᬦᬶᬂᬩ᭄ᬭᬦ᭄ᬢᬦᬶᬂᬩᬸᬤᬶ᭟ᬲᬗ᭄ᬓᬦᬶᬂᬩ᭄ᬬᬧᬭᬦ᭄ᬳᬶᬗ᭄ᬲᬸᬦ᭄᭞ᬓᬤᬸᬄᬓᬶᬢᬦ᭄ᬫᬦᬶᬩᬾᬦᬶᬦ᭄᭞ᬳᬶᬤᭂᬧ᭄ᬫᬦᬶᬭᬦᬾᬲᬫ᭄ᬩᭂᬄ᭞ᬦᬶᬗᭂᬳᬂᬓᭂᬭᬸᬕ᭄ᬤᬶᬮ
ᬗᬶᬢ᭄᭞ᬢᬦ᭄ᬤᬤᬶᬳᬦ᭄ᬢᬸᬓ᭄ᬗᭂᬗ᭄ᬲᬧᬂ᭞ᬤᬶᬦᬸᬚᬸᬦᬾᬕᬮᬂᬲᬲᬶᬄ᭟ᬫᬦᬶᬭᬫᬜᬶᬮᬶᬩ᭄ᬮᬯᬸᬢ᭄᭞ᬦᬸᬚᬸᬯᬂᬲ᭄ᬧᬶᬤᬶᬫᬃᬕ᭄ᬕᬶ᭞ᬓᬤᬶᬢ᭄ᬯᬭᬚ᭄ᬦᭂᬓ᭄ᬚᬸᬫᬄ᭞ᬗᬮᬶᬮᬭᬶᬂᬧᬲᬶᬂᬯᬸᬓᬶᬃ᭞ᬲᬳᬧᬦᬓ᭄ᬧᬦᬓᬦ᭄᭞ᬓᬾᬢᬓᬫ᭄ᬭᬶ
ᬓ᭄‌ᬲᬸᬫᬶᬭᬶᬢ᭄᭟᭜᭟ᬤ᭄ᬫᬸᬂ᭟᭚ᬲᬫ᭄ᬧᬸᬦ᭄ᬧᬸᬧᬸᬢ᭄‌ᬤᬕᬶᬂᬕᬸᬭᬶᬢ᭄᭞ᬓᬩᬯᭀᬲᬂ᭞ᬧᬓᬃᬤ᭄ᬤᬶᬦ᭄‌ᬫ᭄ᬧᬸᬢᬦᬓᬸᬂ᭞ᬧᬺᬲᬗ᭄ᬕᬢᬶᬢ᭄ᬬᬂᬧᬸᬭᬸᬦ᭄᭞ᬗᬸᬭᬶᬢ᭄ᬧᬓᬃᬤ᭄ᬤᬶᬦ᭄ᬲᬂᬍᬯᬶᬄ᭞ᬫᬸᬕᬶᬢᬦ᭄ᬓᬘᬓᬺᬪᬯ᭞ᬢᬦ᭄ᬫ᭄ᬭᬲ
[᭙ 9A]
ᬭᬶᬂᬫᬹᬤᬧᬸᬗ᭄ᬕᬸᬂ᭞ᬢᬶᬢ᭄ᬬᬂᬳᬶᬓ᭄ᬢᬸᬢ᭄ᬭᬸᬫ᭞ᬫᬕ᭄ᬦᬄᬭᬶᬂᬤᬾᬰᬚᬰ᭄ᬭᬶ᭞ᬤᬸᬫᬤᬓ᭄ᬯᬶᬥᬶᬦᬾᬲ᭄ᬯᬾᬘ᭞ᬲᬤᬕᬶᬂᬚᬕᬢ᭄‌ᬭᬳᬬᬸ᭟ᬦᭂᬫᭀᬦᬶᬦ᭄ᬤᬶᬦᬦᬾᬩ᭄ᬘᬶᬓ᭄᭞ᬲᬤᬦᬬᭀᬕ᭞ᬋᬤᬶᬢᬾᬯᬕᬾᬦᬸᬚᬸ᭞ᬯᬭᬶ
ᬕᬦᬶᬂᬯᬸᬓᬸ᭞ᬓᬤᬰᬫᬸᬗ᭄ᬕ᭄ᬯᬶᬂᬰᬰᬶᬄ᭞ᬇᬰᬓᬫᬗ᭄ᬓᬶᬦ᭄ᬩᬯᭀᬲᬂ᭞ᬲ᭄ᬬᬸᬲᬗᬫᬢᬗ᭄ᬕᬸ᭞᭠ᬢᬗ᭄ᬕᬸᬦᬾᬧᬶᬳᬸᬮᬲ᭄᭞ᬢᬗ᭄ᬕᬮ᭄‌ᬢᬶᬕᬧᬸᬮᬸᬄᬳᬧ᭄ᬭᬶᬮ᭄᭞ᬢᬳᬸᬦ᭄‌ᬲᬗᬂᬤᬰᬮᬶᬫ᭞ᬒᬁᬤᬶᬃᬖ᭄ᬖᬵᬬᬸ
ᬲ᭄ᬯᬲ᭄ᬢ᭄ᬬᬲ᭄ᬢᬸ᭟ᬧᬸᬧᬸᬢ᭄᭞ᬚᬰ᭄ᬭᬶ᭞᭓᭐ᬳᬧ᭄ᬭᬶᬮ᭄᭞᭑᭙᭙᭕᭟ᬓᬲᬸᬭᬢ᭄‌ᬳᬦ᭄ᬢᬸᬓ᭄‌ᬳᬶᬓ᭄ᬢᬸᬢ᭄ᬭᬸᬫ᭟ᬓ᭄ᬫᬫᬵᬓ᭄ᬦᬗ᭄ᬯᬂᬫᬹᬥᬵᬮ᭄ᬨᬰᬲ᭄ᬢ᭄ᬭ᭟
ᬘᬓ᭄ᬧᬦ᭄ᬧᬸᬦᬶᬓᬶᬕᬸᬭᬶᬢ᭄ᬬᬂᬳᬗ᭄ᬕᬾᬦ᭄ᬧᬓᬾᬮᬶᬂ᭞ᬧ᭄ᬮᭂᬓᬤᬦ᭄ᬳᬶᬢᬢ᭄ᬬᬂᬲᬫ᭄ᬧᬸᬦ᭄᭞᭕᭑᭞ᬯᬃᬱ᭞ᬋᬤᬶᬢᬾ᭞ᬧᭀᬦ᭄‌ᬤᬸᬓᬸᬢ᭄‌ᬓ᭄ᬳᬸᬳ᭄ᬭᬸᬫᬯᬃᬱ᭑᭙᭔᭔᭟