Kaca puniki sampun kauji-wacén
[᭘᭓ 83B]
᭘᭓
ᬳᬸᬢ᭄᭞ᬧᬢᭂᬮᬦ᭄ᬩᬳᬦ᭄ᬫᬚᬮᬦ᭄᭞ᬫᬸᬂᬧᬸᬂᬲ᭄ᬓᬮᬂᬦᬸᬳᬸᬭᬶᬧ᭄ᬢ᭄ᬓᬦᬸᬳᬸᬢ᭄᭞ᬳᬧᬂᬳ᭄ᬤᬦᬓᬸᬢᬦ᭄ᬳᭀᬃᬣ᭛ᬬᬦ᭄ᬤᬶᬚᬢᭀᬗᭀᬲᬾ
ᬲᭂᬗ᭄ᬓᬵ᭞ᬧᬢᬸᬢ᭄ᬜᬦ᭄ᬤ᭄ᬦᬕ᭄ᬤᬤᬸᬧᬓᬶᬦ᭄᭞ᬓ᭄ᬜᭂᬮ᭄ᬭᬾᬭᬾᬦᬶᬦ᭄ᬳᬚᭂᬩᭀᬲ᭄᭞ᬳᬤᬾᬂᬳᬤᬾᬂᬩᬦ᭄ᬜᬮᬦᬶᬦ᭄᭞ᬬᬦ᭄ᬧ᭄ᬮᬶᬄᬩᬦᬶᬦ᭄ᬤᬓᬶᬦ᭄᭞ᬜᬭᬾ
ᬦ᭄ᬤᬾᬂᬓᬚᬾᬂᬓ᭄ᬮᭀᬓ᭄ᬮᬩᬸᬄ᭞ᬜᬸᬗ᭄ᬓᬶᬮᬶᬂᬫᬦᭂᬧᬾᬦ᭄ᬚᬸᬭᬂ᭞ᬢᭀᬂᬤᬤᬶᬤᬩ᭄ᬤᬩᬂᬩᬸᬯᬶᬦ᭄᭞ᬳᬯᬓ᭄ᬢᬸᬬᬸᬄ᭞ᬦᬾᬦᬾᬳᬮᬶᬄᬢ᭄ᬯᬭᬩᬓᬢ᭄
᭛ᬬᬤᬶᬦ᭄ᬩᭂᬤᬸᬯᬦ᭄ᬳᬯᬸᬲᬧ᭄᭞ᬓᬾᬯᬮᬧᬕᭂᬄᬜᬮᬦᬶᬦ᭄᭞ᬗᬲ᭄ᬢᬶᬢᬶᬬᬂᬳᬘᬦ᭄ᬤᬾᬯ᭞ᬧᬶᬮᬶᬄᬳᬤᬲᬶᬄᬳ᭄ᬬᬂᬯᬶᬥᬶ᭞ᬓᬲᬶᬤᬦ᭄ᬩ
[᭘᭔ 84A]
ᬦ᭄ᬜᬮᬦᬶᬦ᭄᭞ᬲᬫᬶᬢᬸᬤᬸᬄᬢᬸᬢᬸᬃᬳᬬᬸ᭞ᬧᬗᬼᬩᬸᬭᬦ᭄ᬤᬰᬫᬮ᭞ᬢ᭄ᬭᬶᬓᬬᬰᬸᬤ᭄ᬥᬦᬾᬳᬶᬭᬶᬂ᭞ᬳᬸᬮᬄᬳᬬᬸ᭞ᬓᬩ᭄ᬥᬫᬦᬶᬲ᭄ᬢᬃᬩᬜ᭄ᬘᬦ
᭛ᬇᬥᭂᬧ᭄ᬍᬕᬫᬦᬄᬮᬶᬮᬂ᭞ᬓᬲᬸᬰᬶᬮᬦᬾᬕᭀᬕᭀᬦᬶᬦ᭄᭞ᬲᬢ᭄ᬬᬢᬸᬳᬸᬗᬭᬶᬫ᭄ᬪᬯ᭞ᬧᬕᭂᬄᬳᬗ᭄ᬕᭀᬦ᭄ᬫᬦᬲᬭᬶᬦ᭄᭞ᬓ᭄ᬮᬦᬦ᭄ᬤᬂᬧ
ᬦᬲ᭄ᬢᬶᬲ᭄᭞ᬳᬓᬾᬢᭀᬫᬸᬗ᭄ᬕᬸᬄᬤᬶᬢᬸᬢᬸᬃ᭞ᬬᬦ᭄ᬩᬜᬫᬜᬶᬥᬬᬂ᭞ᬦᬧᬓᬶᬦ᭄ᬉᬘᬧᬶᬂᬅᬚᬶ᭞ᬫᬸᬓ᭄ᬱᬄᬍᬩᬸᬃ᭞ᬫᬮᬢ᭄ᬭᬬᬦᬾ ᬤᬶᬳᬯ
ᬓ᭄᭛ᬲᬮ᭄ᬯᬶᬭᬶᬂᬫᬤᬦ᭄ᬤᬰᬫᬮ᭞ᬢᬦ᭄ᬧᬲᬾᬰᬩᬺᬱᬶᬄᬳ᭄ᬦᬶᬂ᭞ᬦᬗ᭄ᬳᬶᬂᬢᬾᬜᬦ᭄ᬢ᭄ᬯᬭᬕᬫ᭄ᬧᬂ᭞ᬦᬾᬧᬘᬂᬩᬦᬶᬦᬗ᭄ᬰᬮᬶᬦ᭄᭞ᬫᬸᬲᬸᬄᬕᬮ
