Kaca puniki sampun kauji-wacén
[᭘᭒ 82B]
᭘᭒
ᬳᬚᬓ᭄ᬮᬶᬬᬸ᭞ᬫᬓ᭄ᬭᬡᬲᬶᬤ᭄ᬥᬓᬃᬬ᭄ᬬ᭞ᬢᬸᬃᬫᬓ᭄ᬭᬡᬲᬶᬤ᭄ᬥᬫᬸᬜᬶ᭞ᬳᬯᬓ᭄ᬮᬘᬸᬃ᭞ᬓᬗᬼᬢ᭄ᬩᬾᬓ᭄ᬱᬫᬧᬶᬢᬸᬗᬦ᭄᭛ᬩ᭄ᬗᭀᬂᬦᭂᬕᬓ᭄ᬫᬧᬗ᭄ᬲᭂ
ᬕᬦ᭄᭞ᬦᬸᬧ᭄ᬢᬸᬧᬂᬳᬶᬥᭂᬧᬾᬧᬮᬶᬂ᭞ᬓᬲᬼᬓ᭄ᬢ᭄ᬯᬭᬫ᭄ᬩᬳᬦ᭄ᬳᬫ᭄ᬩᬄ᭞ᬫᭂᬦ᭄ᬤᭂᬧ᭄ᬢ᭄ᬯᬭᬧᭂᬲᬸᬫᬸᬜᬶ᭞ᬫᬮᬶᬳᬢ᭄ᬗᬯᬲ᭄ᬮᬗᬶᬢ᭄᭞ᬤᬤᬶᬳᬶᬗᭂᬢ᭄
ᬢ᭄ᬓᬾᬦᬾᬩᬯᬸ᭞ᬓ᭄ᬭᬫᬦᬶᬂᬓᬫᬵᬦᬸᬱᬦ᭄᭞ᬢ᭄ᬯᬄᬫᬗᬯᬾᬳᬮᬩ᭄ᬘᬶᬓ᭄᭞ᬓᬮᬶᬄᬮᬸᬗ᭄ᬕᬸᬄ᭞ᬕᬯᬾᬳᬬᬸᬫᬯᬓ᭄ᬳᬸᬩᬤ᭄᭛ᬳᬗ᭄ᬳᬶᬂ
ᬢᬾᬦᬸᬤᬳᬢ᭄ᬲᬫᬃ᭞ᬦᬸᬫᬶᬦ᭄ᬤᭂᬃᬫᬶᬦ᭄ᬤᭂᬃᬤᬶᬳᬢᬶ᭞ᬩᬸᬫᬭᬫᬢ᭄ᬭᬫᬭᬯᬢ᭄᭞ᬲᬗ᭄ᬕᬃᬧᬶᬢᬸᬗᬦᬾ ᬓᬶᬓᬶᬢ᭄᭞ᬜᬮᬦᬶᬦ᭄ᬫᬕᬯᬾ
[᭘᭓ 83A]
ᬳᬬᬸ᭞ᬬᬦ᭄ᬢᬭᬧᬘᬂᬩᬦᬶᬬᬂ᭞ᬫ᭄ᬭᬗᬶᬦᬾ ᬫᬤᬦ᭄ᬧ᭄ᬮᬶᬄ᭞ᬓᬸᬤᬸᬳᬶᬥᬸᬧ᭄᭞ᬤᬤᬶᬲᬲᬹᬃᬬ᭄ᬬᬓᬦ᭄ᬚᬕᬢ᭄᭛ᬲᭂᬗ᭄ᬓᬵᬲᬦ᭄ᬤᬤᬶᬫᬦᬸ
ᬱ᭞ᬧᬘᬂᬫᬗᬫᭀᬗᬶᬦ᭄ᬩᬸᬤ᭄ᬥᬶ᭞ᬮᬫᬸᬦ᭄ᬢ᭄ᬯᬄᬦᬸᬚᬸᬦᬾᬫ᭄ᬮᬄ᭞ᬯᬶᬭᬾᬄᬦ᭄ᬭᬓᬲ᭄ᬯᬃᬕ᭄ᬕᬤᬶᬦᬶ᭞ᬤᬶᬳᬯᬓᬾᬫᬕᬸᬫᬶ᭞ᬕᬕᭀᬤᬦ᭄ᬩᬜ᭄ᬘᬦ
ᬮᬶᬬᬸ᭞ᬧ᭄ᬢᭂᬂᬍᬫᬄᬫᬜᬥᬂ᭞ᬜᬗ᭄ᬓᬮᬾᬦ᭄ᬳᬯᬓ᭄ᬤᬶᬫᬃᬕ᭄ᬕᬶ᭞ᬗᬸᬗ᭄ᬲᬶᬳᬬᬸ᭞ᬬᬦ᭄ᬢᬦ᭄ᬧ᭄ᬭᬬᬢ᭄ᬦᬫᬚᬮᬦ᭄᭛ᬦᬄᬤᭂᬧᬂᬚᬦᬶᬮᬮᬸᬯᬂ
ᬚᬸᬫᬸᬯᬶᬦ᭄ᬗᬮᬶᬄᬦᬾ ᬩ᭄ᬘᬶᬓ᭄᭞ᬢᬸᬢᬸᬃᬳᬬᬸᬦᬾᬳᬶᬭᬶᬗᬂ᭞ᬬᬤ᭄ᬬᬧᬶᬦ᭄ᬤᬸᬃᬕ᭄ᬕᬫᬲᬶᬫ᭄ᬩᬶᬢ᭄᭞ᬳᬧᬂᬢᬯ᭄ᬦᬕ᭄ᬫᬗ᭄ᬭᬲᬦᬶᬦ᭄᭞ᬧᬓᬾᬯᭂᬄᬫᬃᬕ᭄ᬕᬦᬾᬢᬸ
