Kaca:Bali-lontar-gaguritan-putra-sasana-01-350ppi.pdf/80

Saking Wikisource
Kaca puniki sampun kauji-wacén

[᭗᭙ 79B]
᭗᭙
ᬧᬜ᭄ᬚᬂᬳᬢᬸᬃ᭞ᬫᬮᬕᬸᬲ᭄ᬢᬶᬕ᭄ᬦᬄᬢᬶᬢ᭄ᬬᬂ᭞ᬫᬭᭀᬓ᭄ᬚᬶᬯᬳᬮᬄᬳᬲᬶᬄ᭛ᬓᬾᬦ᭄ᬢᭂᬦ᭄ᬤᬾᬯᬢᬫᬗ᭄ᬓᬶᬦᬦ᭄᭞ᬦᬾᬦᬾ ᬫᬗ᭄ᬓᬶᬦ᭄ᬳᬧᬂᬕᬸᬲ᭄ᬢᬶᬓᬸᬓᬸᬄᬲ
ᬫᬶ᭞ᬩᭀᬬᬢᬶᬢ᭄ᬬᬂᬲᬓᬶᬂᬗᬸᬗ᭄ᬕᬸᬮ᭄᭞ᬗᬯᬾᬕᬸᬲ᭄ᬢᬶᬓᬩᬭᬦ᭄᭞ᬫᬤᬓ᭄ᬳᬾᬗ᭄ᬕᬮ᭄᭞ᬳᬶᬦᬦ᭄ᬯᬶᬥᬶᬭᬶᬂᬳᬶᬭᬢᬸ᭞ᬲᬤ᭄ᬥᬓᬃᬬ᭄ᬬᬓᬤᬸᬮᬸᬭᬦ᭄᭞ᬓ
ᬬᬸᬦ᭄ᬧᬕᭂᬄᬲᬸᬘᬶᬳ᭄ᬦᬶᬂ᭛ᬫᬸᬮᬲᬲᬗᬶᬬᬂᬢᬶᬢ᭄ᬬᬂ᭞ᬤᬸᬓ᭄ᬢᬶᬢ᭄ᬬᬗᬾ ᬯᬳᬸᬫᬦᬸᬯᬸᬕ᭄‌ᬓ᭄ᬮᬶᬄ᭞ᬬᬦ᭄ᬢᬦ᭄ᬧᬘᬂᬳᬦᬓ᭄‌ᬲᬥᬸ᭞ᬲᬸᬰᬶᬮᬥᬃᬫ᭄ᬫ
ᬲᬢ᭄ᬬ᭞ᬫᬓᬓᬃᬫ᭄ᬫᬦ᭄᭞ᬢᬶᬢ᭄ᬬᬂᬍᬳᭂᬗᬦ᭄ᬫᬗ᭄ᬮᬮᬸ᭞ᬫᬫᬕᭂᬳᬂᬤᭂᬳᭂᬢ᭄ᬯ᭞ᬗᭂᬫ᭄ᬧᬸᬳᬯᬓ᭄ᬚᬸᬫᬄᬲᬳᬶ᭛ᬫᬮᬶᬄᬬᬦ᭄ᬕᬸᬲ᭄ᬢᬶᬜᬶᬤᬬᬂ᭞ᬓᬤᬶ
[᭘᭐ 80A]
ᬢᬸᬢᬸᬃᬢᬶᬢ᭄ᬬᬂᬭᬶᬂᬳᬚᭂᬂᬲᬫᬶ᭞ᬢᬶᬢ᭄ᬬᬂᬫᬲᬲᬗᬶᬭᬢᬸ᭞ᬕᬸᬲ᭄ᬢᬶᬩᬓᬮ᭄ᬳᬚᬓ᭄ᬮᬸᬯᬲ᭄᭞ᬳᬦ᭄ᬤᭀᬦ᭄ᬮᬗ᭞ᬜᬚᬄᬤᬾᬰᬫᬓᬮᬗᬸᬦ᭄᭞ᬲᬫ᭄ᬩᬶᬮᬂᬫᬓᬓ
ᬯᬶᬬᬦ᭄᭞ᬫᬗᬶᬓᭂᬢ᭄ᬳᬶᬓᭂᬢ᭄ᬓᬭᬰ᭄ᬫᬶᬦ᭄᭛ᬯᬾᬦ᭄ᬢᭂᬦ᭄ᬤᬾᬰᬥᬃᬫᬲᬪ᭞ᬓᬸᬳᬸᬩᬤᬸᬂᬲᬸᬩᬶᬓ᭄ᬱᬮᬶᬦ᭄ᬢᬂᬢᬺᬧ᭄ᬢᬶ᭞ᬤᬶᬢᬸᬢᭀᬗᭀᬲ᭄ᬫᬓᬸᬮᬗᬸᬦ᭄᭞
ᬲᬃᬯᬶᬗᬶᬓᭂᬢ᭄ᬧᬺᬮᬫ᭄ᬩᬂ᭞ᬲᬫ᭄ᬧᬸᬦ᭄ᬧᬸᬧᬸᬢ᭄ᬓᬲᬸᬓᬯᬢᬶᬫᬗ᭄ᬮᬯᬸᬢ᭄᭞ᬲᬃᬯ᭄ᬯᬶᬜᬶᬗᬓ᭄ᬳᬶᬫ᭄ᬬᬦ᭄ᬳᬶᬫ᭄ᬬᬦ᭄᭞ᬮᬯᬸᬢ᭄‌ᬫ᭄ᬦᬾᬓᬂᬓᬕᬸᬭᬶᬢ᭄᭛ᬬᬦ᭄ᬯᭂᬦᭂᬄᬜᬶ
ᬗᬓ᭄ᬢᭀᬦ᭄ᬢᭀᬦᬦ᭄᭞ᬮᬯᬸᬢ᭄ᬩᬸᬤᬮ᭄ᬗᬸᬗ᭄ᬲᬶᬓᬢᬫ᭄ᬧᬓ᭄ᬲᬶᬭᬶᬂ᭞ᬤᬶᬢᬸᬳᬤᬢᭀᬬᬳᭂᬫ᭄ᬩᬮ᭄᭞ᬓᬍᬩᬸᬢᬦ᭄ᬧᬯᬶᬢ᭄ᬭ᭞ᬫᬉᬢ᭄ᬢᬫ᭞ᬪᬝᬵᬭᬇᬦ᭄ᬤ᭄ᬭ