Kaca:Bali-lontar-gaguritan-putra-sasana-01-350ppi.pdf/71

Saking Wikisource
Kaca puniki sampun kauji-wacén

[᭗᭐ 70B]
ᬣᬯᬶᬰᬾᬱ᭞ᬰᬫᬸᬰ᭄ᬘᬬᬧᬓᬸᬫ᭄ᬧᬸᬮᬦ᭄ᬲᬃᬯ᭄ᬯᬗᭂᬦ᭄ᬤᬶᬄ᭞ᬦᬾ ᬫᬓ᭄ᬭᬡᬗᭂᬦ᭄ᬤᬶᬄᬫᬸᬭᬸᬩ᭄᭞ᬫᬶᬚᬶᬮ᭄ᬓᬤᬶᬲᬗ᭄ᬳ᭄ᬬᬂᬲᬹᬃᬬ᭄ᬬ᭞ᬫᬓᬮᬶᬬᬄᬫᬗᬶ
ᬮᬗᬂᬧ᭄ᬢᭂᬂᬳᬶᬩᬸᬢ᭄᭞ᬲᬓᬜ᭄ᬘᬦ᭄‌ᬧ᭄ᬢᭂᬗᬾᬳᬶᬮᬂᬧᬮᬓᬃᬫ᭄ᬫᬓᬕᬸᬕᭀᬦᬶᬦ᭄᭛ᬧᬮᬓᬃᬫ᭄ᬫᬦᬾ ᬢᭀᬢᭀᬦᬦ᭄᭞ᬳᭂᬦ᭄ᬢᭀᬩ᭄ᬓᭂᬮ᭄‌ᬢ᭄ᬯᬭ
ᬤᬤᬶᬚ᭄ᬯᬂᬧᬮᬫᬶᬯᬄᬢ᭄ᬯᬭᬤᬤᬶᬳᭂᬥᬸᬫ᭄᭞ᬢᬦ᭄ᬲᬶᬤ᭄ᬥᬩᬦ᭄ᬫᬢᭂᬫ᭄ᬧᬶᬮᬂ᭞ᬫᬮᬕ᭄ᬮᬄ᭞ᬓᬶᬚᬮ᭄ᬯᬲ᭄ᬳᬶᬬᬦᬸᬢᬸᬕ᭄᭞ᬳᭂᬗ᭄ᬓᭂᬩᬶᬦ᭄ᬢᭀᬂᬜᬶᬥᬬᬂ᭞
ᬢᭀᬓᬾᬗ᭄ᬓᬾᬦᬂᬫᬗᭂᬮᬶᬤᬶᬦ᭄᭛ᬓ᭄ᬭᬡᬳᭂᬥᬫᬲᭂᬮ᭄ᬲᭂᬮᬦ᭄᭞ᬳᭂᬥᬵᬍᬕᬳᬮᬳᬬᬸᬦᬾ ᬦᬶᬗ᭄ᬕᬮᬶᬦ᭄᭞ᬫᬸᬱ᭄ᬝᬶᬢᬫ᭄ᬧᬶᬳᬲᬶᬂᬭᬯᬸᬄ
[᭗᭑ 71A]
ᬢᬳᬦᬂᬘ᭄ᬦᬶᬂᬢᬳᬦᬂ᭞ᬯᬶᬭᬾᬄᬩ᭄ᬓᭂᬮ᭄ᬲᬸᬩᬦᬸᬢᬸᬕ᭄᭞ᬫᬸᬮᬳᬶᬂᬭᬕᬫᬓᬢᬂ᭞ᬳᬧᬂᬳᬶᬗᭂᬢ᭄ᬘ᭄‌ᬘ᭄ᬦᬶᬂᬦᬫ᭄ᬧᬶ᭛ᬓ᭄ᬭᬡᬳᭂᬥᬫᬧᬶᬭᬶᬬᬦ᭄᭞ᬳᭂ
ᬥᬩᬾᬜ᭄ᬚᬸᬮ᭄᭞ᬢ᭄ᬓᬾᬦᬵᬓᬤᬂᬩ᭄ᬭᬬᬕᬸᬲ᭄ᬢᬶ᭞ᬭᬶᬂᬓᬮᬫᬗ᭄ᬕᬶᬄᬧᬓᬾᬬᬸᬄ᭞ᬬᬦᬶᬂᬓᬢᬶᬩᬦ᭄ᬲᬗ᭄ᬓᬮ᭞ᬬᬦ᭄ᬓᬲᬶᬥ᭄ᬳᬦ᭄᭞ᬘ᭄ᬦᬶᬂᬳᬧᬂᬳᬾᬗ᭄ᬕᬮ᭄‌ᬦᬸ
ᬮᬸᬂ᭞ᬳᬲᬶᬂᬓᬢ᭄ᬓᬦ᭄ᬤᬸᬳ᭄ᬓᬶᬢ᭞ᬲᬶᬥᬬᬂᬳᬸᬕᬶᬚᬸᬯᬗᬶᬦ᭄᭛ᬳᭂᬦ᭄ᬢᭀᬓᭂᬃᬢ᭄ᬢᬶᬩ᭄ᬭᬢᬬᬰ᭞ᬬᬦ᭄ᬓᬲᬶᬤ᭄ᬥᬦ᭄‌ᬫᬜᬮᬦᬂᬯ᭄ᬮᬲᬲᬶᬄ᭞ᬲᬸᬓ
ᬦᬸᬮᬸᬂᬳᬶᬯᬂᬮᬘᬸᬃ᭞ᬳᭂᬦ᭄ᬢᭀᬩᬮ᭄ᬬᬦ᭄ᬫᬳᬸᬢ᭄ᬢᬫ᭞ᬭᬶᬂᬯᭂᬓᬲᬦ᭄᭞ᬳᭂᬦ᭄ᬢᭀᬳᬮᬓᬃᬫ᭄ᬫᬢᬸᬳᬸ᭞ᬳᬲᬶᬂᬲᭀᬮᬳᬂᬭᬶᬯ᭄ᬓᬲ᭄᭞ᬳᬶᬤᬤᬦᬾ