Kaca:Bali-lontar-gaguritan-putra-sasana-01-350ppi.pdf/70

Saking Wikisource
Kaca puniki sampun kauji-wacén

[᭖᭙ 69B]
᭖᭙
ᬦ᭄᭛ᬩᭀᬗ᭄ᬓᭀᬮ᭄ᬢᬸᬢᬸᬭᬾᬫᬓᭂᬚᬂ᭞ᬢ᭄ᬯᬄᬤᬶᬧᬃᬯ᭄ᬯᬧᬼᬓᬸᬢᬸᬲ᭄ᬫᬓᬲᬫᬶ᭞ᬧᬓᬃᬤ᭄ᬥᬶᬦ᭄ᬲᬂᬫᬳᬯᬶᬓᬸ᭞ᬪᬕᬯᬦ᭄‌ᬤ᭄ᬯᬾᬧᬬᬦ᭄᭞ᬫᬗᬃᬤ᭄ᬤᬶ
ᬦᬶᬦ᭄᭞ᬫᬗᬺᬜ᭄ᬘᬡᬢᬸᬢᬸᬃᬳᬬᬸ᭞ᬬᬦ᭄ᬢᬦ᭄ᬫᬗᭂᬦᬸᬢᬶᬦ᭄ᬧᬃᬯ᭄ᬯ᭞ᬳᭂᬦ᭄ᬢᭀᬲᬶᬦᬄᬲᬸᬩᬧ᭄ᬮᬶᬄ᭛ᬩᬱᬦ᭄ᬳᬶᬧᬸᬦ᭄ᬲᭂᬗ᭄ᬓᬧᬶᬲᬦ᭄᭞ᬳᬦ᭄ᬢᬸᬓ᭄ᬩᬱᬓᬯᬶᬢᬸᬳᬸ᭞ᬚᬦᬶᬩᬧᬓᬯᬶ
ᬓ᭄ᬢᬄ᭞ᬫᬗ᭄ᬭᬜ᭄ᬚᬶᬂᬓ᭄‌ᬳᬢᬦᬄᬩᬮᬶ᭛ᬬᬦ᭄ᬭᬶᬂᬯᬾᬥᬚᬧᬫᬦ᭄ᬢ᭄ᬭ᭞ᬓᬦ᭄ᬢᬸᬦ᭄ᬧᬶᬲᬦ᭄ᬗᬗ᭄ᬕᬾ ᬩᬱᬲᬗ᭄ᬓ᭄ᬭᬶᬢ᭄᭞ᬳᭂᬦ᭄ᬢᭀᬓ᭄ᬭᬡᬮᬶᬦ᭄ᬢᬄᬳᬾᬯᬸᬄ᭞ᬫᬦᬸᬚᬸ
[᭗᭐ 70A]
ᬯᬂᬲᬸᬓ᭄ᬱ᭄ᬫᬜ᭞ᬫᬦ᭄ᬩᭂᬓᬂ᭞ᬲᬦᬾᬳᭂᬗ᭄ᬓᭂᬦ᭄ᬧᬘᬂᬢᬸᬚᬸᬧᬘᬂᬢᬸᬚᬸ᭞ᬬᬓ᭄ᬫᬶᬩᬱᬢ᭄ᬯᬭᬢᬯᬂ᭞ᬲᬶᬦᬄᬧᬘᬂᬗᬯᬾ ᬧᬮᬶᬂ᭛ᬬᬦᬶᬂᬉᬢ᭄ᬢᬫᬦᬶᬂᬢᬢ᭄ᬯ᭞ᬲᬗ᭄ᬳ᭄ᬬᬂ
ᬯᬾᬤ᭄ᬥ᭞ᬫᬓᬉᬢ᭄ᬢᬫᬦᬶᬂᬅᬚᬶ᭞ᬫᬓᬲᬭᬶᬦ᭄ᬲᬭᬶᬦ᭄ᬢᬸᬢᬸᬃ᭞ᬬᬦᬶᬂᬲᬭᬶᬲᬭᬶᬅᬓ᭄ᬱᬭ᭞ᬢ᭄ᬯᬄᬒᬁᬗ᭄ᬓᬭ᭞ᬓᬳᬸᬘᬧᬂᬮᬶᬦ᭄ᬢᬂᬧᬸᬧᬸᬢ᭄᭞ᬬᬦᬶᬂᬩ᭄ᬯᬢᬾ ᬭᬶᬂ
ᬘᬬ᭞ᬲᬗ᭄ᬳ᭄ᬬᬂᬲᬸᬃᬬ᭄ᬬᬧᬶᬦᬶᬄᬍᬯᬶᬄ᭛ᬲᬭᬶᬦ᭄ᬧᬃᬯ᭄ᬯᬓᬓᬸᬫ᭄ᬧᬸᬮᬂ᭞ᬳᬦ᭄ᬢᬸᬓ᭄ᬳᬶᬤ᭄‌ᬳᬪᬕᬯᬦ᭄‌ᬦᬯᬭᬸᬘᬶ᭞ᬓᬭᬶᬗ᭄ᬓᭂᬲᬂᬯᬱ᭄ᬝᬦᬶᬧᬶᬦ᭄᭞ᬅ
ᬚᬶᬰᬭᬲᬫᬸᬰ᭄ᬘᬬ᭞ᬓᬩᬯᭀᬲᬂ᭞ᬫᬫᭀᬗ᭄ᬓᭀᬮᬶᬦ᭄ᬲᬃᬯ᭄ᬯᬢᬸᬢᬸᬃ᭞ᬳᬲᬶᬂᬓᬳᬸᬘᬧ᭄ᬭᬶᬂᬢᬢ᭄ᬯ᭞ᬰᬭᬲᬫᬸᬰ᭄ᬘᬬᬗᬯᬶᬢ᭄᭛ᬰᬭᬫᬳᬃ