[᭖᭑ 61]
᭖᭑
ᬫᬧᬫᬶᬢ᭄᭞ᬭᬶᬂᬫᬃᬕ᭄ᬕᬶᬦᬾ ᬢᬦ᭄ᬓᬯᬸᬯᬸᬲ᭄᭞ᬲᬕᬾᬢ᭄ᬭᬯᬸᬄᬭᬶᬂᬩᬜ᭄ᬘᬶᬗᬄ᭞ᬮ᭄ᬯᬶᬃᬫᬚᬜ᭄ᬚᬂ᭞ᬫᬓᬮᬮᬶᬫᬲᬫ᭄ᬧᬸᬦ᭄ᬭᬯᬸᬄ᭞ᬭᬭᬶᬲ᭄ᬢᬗ᭄ᬓᬶᬮ᭄ᬭᬶᬂᬲᬂᬦᬵᬣ᭞ᬗ
ᬢᬸᬭᬂᬳᬶᬦ᭄ᬤᬶᬓᬾ ᬲᬫᬶ᭛ᬧ᭄ᬭᬪᬸᬳᬦᭀᬫ᭄ᬫᬳᬶᬋᬗᬂ᭞ᬮᬶᬦ᭄ᬢᬂᬫᬗ᭄ᬕᭂᬄᬢᬸᬃᬗᬦ᭄ᬤᬶᬓᬳᬶᬤᬕ᭄ᬮᬶᬲ᭄᭞ᬘᬳᬶᬧᬢᬶᬄᬳᭂᬥᬲᬸᬭᬸᬤ᭄ᬓᭂᬫᬩ᭄ᬯᬶᬦ᭄ᬫᬢᬸᬮᬓ᭄᭞ᬢ
ᬋᬕ᭄ᬢᭂᬕᬂᬳᬧᬂᬢ᭄ᬭᬂᬚᬢᬶᬢᬸᬳᬸ᭞ᬬᬦᬶᬂᬲᬚᬤᬦᬾᬢᬸᬮᬓ᭄᭞ᬳᭂᬦ᭄ᬢᭀᬧᬶᬢᭂᬢᭂᬲᬂᬩᬸᬯᬶᬦ᭄᭛ᬕᬸᬲ᭄ᬢᬶᬳᬦᭀᬦ᭄ᬢᬦᬗᬸᬘᬧ᭄᭞ᬚᬕ᭄ᬫᬧᬫᬶᬢ᭄ᬮᬶᬯ
ᬢ᭄ᬕᬜ᭄ᬘᬗᬾᬭᬶᬂᬫᬃᬕ᭄ᬕᬶ᭞ᬢᬦ᭄ᬘᬭᬶᬢᬲᬂᬮᬸᬫᬓᬸ᭞ᬕ᭄ᬮᬶᬲᬶᬂᬘᬭᬶᬢ᭞ᬕᬸᬲ᭄ᬢᬶᬳᬦᭀᬫ᭄᭞ᬭᬶᬂᬚ᭄ᬭᭀᬓᬕᬾᬢᬦ᭄ᬭᬯᬸᬄ᭞ᬤᬦᬾ ᬕᬸᬲ᭄ᬢᬶᬧᬢᬶᬄᬯᬺᬤ᭄ᬥ᭞ᬓᬕ᭄ᬬ
[᭖᭒ 62A]
ᬢ᭄ᬓᬬᬸᬦᬾ ᬜᬶᬗᬓᬶᬦ᭄᭛ᬳᬢᬸᬃᬤᬤᬾᬢᬦᬧᬜ᭄ᬚᬂ᭞ᬲᬂᬓᬳᬸᬢᬸᬲ᭄ᬳᬶᬕᬸᬲ᭄ᬢᬶᬢ᭄ᬭᬗᬂᬫᬗ᭄ᬓᬶᬦ᭄᭞ᬧᬸᬦᬧᬶᬳᬶᬕᬸᬲ᭄ᬢᬶᬧᬸᬭᬸᬦ᭄᭞ᬭᬶᬂᬳᬶᬤ᭄ᬳᬤ᭄ᬯᬕᬸᬂᬧᬸᬢ᭄ᬭ᭞ᬫ
ᬗ᭄ᬤᬲᬶᬦᬄᬓ᭄ᬦᬶᬩ᭄ᬘᬶᬓ᭄ᬢᬶᬢ᭄ᬬᬂᬫᬢᬸᬃ᭞ᬭᬶᬂᬲᬂᬫᬗᬸᬢᬸᬲ᭄ᬢᬶᬢ᭄ᬬᬂ᭞ᬫᬗ᭄ᬤᬢᬦᬶᬃᬕ᭄ᬕᬯᬾᬫᬮᬶᬄ᭛ᬕᬸᬲ᭄ᬢᬶᬧᬢᬶᬄᬮᬶᬗ᭄ᬲᬶᬃᬗᬸᬘᬧ᭄᭞ᬥᬳᬢ᭄ᬳᬭᬶᬲ᭄᭞ᬳᬤᬸᬄᬕᬸ
ᬲ᭄ᬢᬶᬲᬂᬓᬮ᭄ᬯᬶᬄ᭞ᬳᬤᭀᬄᬧᬭᬢᬶᬢ᭄ᬬᬂᬧᬸᬭᬸᬦ᭄᭞ᬭᬶᬂᬳᬶᬤᬤᬾᬯᬕᬸᬂᬧᬸᬢ᭄ᬭ᭞ᬫᬓᬫᬶᬯᬄᬭᬶᬂᬳᬶᬤᬲᬂᬲᬾᬤᬧᬸᬢᬸᬲ᭄᭞ᬫᬓᬢᬡ᭄ᬥᬢᬶᬢ᭄ᬬᬂᬳᬢ᭄ᬯᬂ᭞
ᬭᬶᬂᬮᬶᬗ᭄ᬕᬶᬄᬳᬶᬤᬲᬂᬮᬶᬘᬶᬦ᭄᭛ᬧᬸᬦᬶᬓᬶᬲᬸᬭᬢ᭄ᬳᬢᬸᬭᬂ᭞ᬲᬳᬢᭂᬡ᭄ᬥᬲ᭄ᬧᬸᬗ᭄ᬕᭂᬮᬦ᭄ᬢᬶᬢ᭄ᬬᬗᬾ ᬫᬗ᭄ᬓᬶᬦ᭄᭞ᬫᬗ᭄ᬤᬢᬶᬗ᭄ᬓᬶᬮ᭄ᬭᬶᬂᬲᬂᬧ᭄ᬭᬪᬸ᭞ᬧᬸᬦᬶᬓᬶᬤᬾ
Kaca:Bali-lontar-gaguritan-putra-sasana-01-350ppi.pdf/62
Kaca puniki sampun kauji-wacén
