Kaca:Bali-lontar-gaguritan-putra-sasana-01-350ppi.pdf/60

Saking Wikisource
Kaca puniki sampun kauji-wacén

[᭕᭙ 59B]
᭕᭙
ᬧᬜ᭄ᬚᬓᬾ ᬢᬦ᭄ᬓᭂᬦᬾᬦᬵᬕ᭄ᬳᬶᬢᬸᬂ᭞ᬢᬺᬧᬶᬚᬕᬢᬾᬓᬺᬢ᭞ᬤᬾᬦᬵᬳᬶᬂᬳᬶᬤᬫᬫᬕᭂᬳᬂᬦᬾ ᬦᬾ ᬧᬢᬸᬢ᭄᭞ᬲᬂᬧ᭄ᬭᬪᬸᬦᬾ ᬲᬫᬶᬓᬦ᭄ᬤᬧᬦ᭄᭞ᬧᬥᬫ
ᬗᬢᬸᬭᬂᬪᬓ᭄ᬢᬶ᭛ᬧᬢᬶᬄᬳᬶᬤᬦᬾᬳᬸᬘᬧᬂ᭞ᬧᬥᬰᬓ᭄ᬢᬶ᭞ᬤᬦᬾᬲᬋᬂᬮᬶᬫᬂᬤᬶᬭᬶ᭞ᬯᬶᬰᬾᬱᬧᬥᬓᬲᬸᬫ᭄ᬩᬸᬂᬫᬓᬮᬮᬶᬫᬲᬬᬂ᭞ᬓᬶᬘᬾᬦ᭄ᬮᬶ
ᬗ᭄ᬕᬶᬄ᭞ᬫᬜ᭄ᬘᬤᬾᬰᬭᬶᬂᬧᬦᬗ᭄ᬕᬸ᭞ᬢᬸᬲᬶᬂᬓᬶᬘᬾᬦ᭄ᬧᬯᬘᬡ᭞ᬫᬗᭂᬩᭂᬕ᭄ᬭᬶᬂᬢᭂᬧᬶᬲᬶᬭᬶᬂ᭛ᬦᬾᬦ᭄ᬢᭂᬦ᭄ᬧᬶᬲᬦ᭄ᬓᬮᬸᬕ᭄ᬭᬳ᭞ᬫᬦᬶᬗ᭄ᬕᬮᬶᬦ᭄ᬲᬓᬶᬂᬤᬾ
ᬰᬢᭂᬧᬶᬲᬶᬭᬶᬂ᭞ᬭᬶᬂᬲᬸᬭᬢ᭄ᬲᬫ᭄ᬧᬸᬦ᭄ᬫᬳᬸᬗ᭄ᬕᬸᬄ᭞ᬲᬸᬭᬢ᭄ᬧᬶᬬᬕᭂᬫ᭄‌ᬲᬓ᭄ᬘᬧ᭄᭞ᬢ᭄ᬭᬂᬲᬫ᭄ᬧᬸᬦ᭄ᬳᬸᬩᬬᬦᬾ ᬮᬶᬦ᭄ᬢᬂᬓᬸᬓᬸᬄ᭞ᬓ᭄ᬭᬡᬓᬺᬢᬭᬶᬂᬦ
[᭖᭐ 60A]
ᬕᬭ᭞ᬩᬶᬮᬂᬢᬗ᭄ᬕᬸᬳᬤᬗ᭄ᬫᬶᬢ᭄᭞᭛ᬲᬯᬢᬭᬓᬸᬤᬂᬢᬶᬩᬦ᭄᭞ᬜᭂᬦᭂᬂᬭᬢᬸᬲᬂᬧ᭄ᬭᬪᬸᬤ᭄ᬭᬸᬫᬧᬢᬶ᭞ᬭᬶᬂᬢᬸᬢᬸᬕ᭄ᬬᬸᬱᬲᬫ᭄ᬧᬸᬦ᭄᭞ᬢᬸᬢᬸᬕ᭄ᬲᭂ
ᬗ᭄ᬓᭂᬃᬯᬶᬭᬾᬄᬢᬶᬢᬄᬲᬂᬧ᭄ᬲᬭᬪᬸᬤᬾᬯᬢᬲᬫ᭄ᬧᬸᬦ᭄᭞ᬢᬸᬃᬦᬶᬗ᭄ᬕᬮᬂᬧᬸᬢ᭄ᬭᬮᬦᬂ᭞ᬩᬕᬸᬲ᭄ᬳᬦᭀᬫ᭄ᬢᬦ᭄ᬲᬶᬦᬶᬧᬶ᭛ᬭᬚᬧᬸᬢ᭄ᬭᬓᬪᬶ
ᬱᬾᬓ᭞ᬫᬗᬦ᭄ᬢᭀᬲᬶᬦ᭄ᬲᬂᬲᬫ᭄ᬧᬸᬦ᭄‌ᬫ᭄ᬭᬕᬮᬶᬘᬶᬦ᭄᭞ᬧᬜᭂᬦᭂᬗᬾᬲᬫ᭄ᬧᬸᬢ᭄ᬧᬸᬧᬸᬢ᭄᭞ᬢᬸᬃᬲᬫᬶᬓᬪᬶᬦᬯ᭞ᬕᬚᬄᬤ᭄ᬭᬸᬫ᭞ᬧᬭᬩ᭄ᬳᬶ
ᬤᬦᬾ ᬫᬦᬶᬭᬸ᭞ᬦᬶᬭᬸᬳᬶᬤᬲᬂᬤᬾᬯᬢ᭞ᬯᬃᬡ᭄ᬦᬩᬕᬸᬲ᭄ᬳᬦᭀᬫ᭄ᬧᭂᬓᬶᬓ᭄᭛ᬳᬶᬤ᭄‌ᬳᬲᬂᬰ᭄ᬭᬶᬕᬚᬄᬤ᭄ᬭᬸᬫ᭞ᬫᬗ᭄ᬯᬗᬸᬦᬂᬧᬢᬶᬄᬳ