Kaca:Bali-lontar-gaguritan-putra-sasana-01-350ppi.pdf/58

Saking Wikisource
Kaca puniki sampun kauji-wacén

[᭕᭗ 57B]
᭕᭗
ᬧᬗᬯᬶᬢᬾ ᬫᬗ᭄ᬭᬡᬬᬂᬯᬶᬥᬶᬳᬲᬶᬄ᭞ᬳᬩᬮ᭄ᬬᬦ᭄ᬳᬧᬗᬲᬥᬸ᭞ᬫᬗᬯᬾ ᬲ᭄ᬕᭂᬃᬲᬢᬸᬳᬸᬓ᭄᭞ᬦᬶᬃᬫ᭄ᬫᬮᬇᬥᭂᬧᬾᬕᬮᬂ᭞ᬕᬮᬂᬢᬦ᭄ᬓᬳᬦᬦ᭄‌ᬍᬢᬸᬄ
᭞ᬍᬢᬸᬳᬾ ᬲᬫ᭄ᬧᬸᬦ᭄ᬫᬢᬶᬗ᭄ᬕᬮ᭄᭞ᬲᬫ᭄ᬧᬸᬦ᭄ᬢᭂᬮᬲ᭄ᬓᬳᬜᬸᬤᬂ᭞᭛ᬩᬮ᭄ᬬᬦ᭄ᬯᬦ᭄ᬢᬄᬫᬗᬃᬬ᭄ᬬᬦᬶᬦ᭄ᬳᬶᬤᬸᬧ᭄᭞ᬍᬕᭂᬫᬸᬯᬄᬲ᭄ᬕᭂᬭᬾ᭞ᬳᭂᬦ᭄ᬢᭀᬯ᭄ᬦᬢᬄᬓᬳ
ᬲ᭄ᬢᬶᬢᬶ᭞ᬲᬸᬓᬳᭀᬮᬲ᭄ᬭᬶᬂᬯᭀᬂᬮᬘᬸᬃ᭞ᬫᬶᬯᬄᬢ᭄ᬓᬾᬦᬵᬳᬦᬓ᭄ᬤᬸᬲᬸᬦ᭄᭞ᬳᭂᬦ᭄ᬢᭀᬓ᭄ᬭᬡᬜᬦ᭄ᬤᬂᬧᬶᬲᬦ᭄᭞ᬩ᭄ᬭᬢᬦᬾ ᬜᬦ᭄ᬤᬂᬯᬶᬦᬗᬸᬦ᭄᭞ᬳᭂᬥᬵᬗᬯᬕ᭄ᬫᬤ
ᬳᬭᬦ᭄᭞ᬢᬸᬦᬳᬶᬦ᭄ᬜᬮᬦᬂᬇᬦ᭄ᬤ᭄ᬭᬶᬬ᭛ᬤᬕᬶᬂᬳᬶᬲᬢᭀᬯᬦ᭄ᬢᬄᬗᬸᬢᬸᬄ᭞ᬓᬧᬢᬸᬳᬂᬢ᭄ᬓᬾᬦ᭄ᬩᬗ᭄ᬓᬾ᭞ᬲᬦᬾ ᬭᬶᬂᬲ᭄ᬫᬦᬾ ᬚᬢᬶ᭞ᬬᬦᬶᬂᬫᬤᬳᬗ᭄ᬭᬧᬸ
[᭕᭘ 58A]
᭞ᬲᬃᬯ᭄ᬯᬋᬕᭂᬤᬾᬫᬤᬸᬕ᭄ᬤᬸᬕ᭄᭞ᬤᬶᬩᬲᬗᬾ ᬲᬢ᭄ᬲᬢ᭄ᬲ᭄ᬫ᭞ᬬᬦ᭄ᬳᬶᬦ᭄ᬤ᭄ᬭᬶᬬᬦᬾ ᬢᭀᬢᬸᬯᬸᬢ᭄᭞ᬢᬦ᭄ᬳᬸᬭᬸᬂᬍᬢᬸᬳᬾ ᬩᬓᬢ᭄᭞ᬦᭂᬓᭂᬢ᭄ᬤᬶᬳᬢ᭄ᬫᬰ
ᬭᬶᬭ᭛ᬬᬦ᭄ᬲᬸᬩᬘ᭄ᬦᬶᬂᬓᬤᭂᬓᭂᬢ᭄‌ᬍᬢᬸᬄ᭞ᬳᬶᬤᬪᬝᬵᬭᬦᬾ ᭞ᬳᬤᭀᬄᬧᬘᬂᬜ᭄ᬯᬾᬘᬦᬶᬦ᭄᭞ᬬᬦᬶᬂᬳᬶᬤᬲᬗ᭄ᬳ᭄ᬬᬂᬳᬬᬸ᭞ᬓᬮᬄᬤᬶ
ᬚᬢᬶᬲ᭄ᬯᬭ᭞ᬫᬶᬯᬄᬭᬶᬂᬮᬓ᭄ᬱᬡᬳᬬᬸ᭞ᬢᬶᬩᬤᬶᬳᬶᬥᭂᬧ᭄ᬦᬶᬃᬫ᭄ᬫᬮ᭞ᬤᬶᬢᬸᬯᬶᬤᬶᬦᬾ ᬫᬮᬶᬗ᭄ᬕ᭛ᬬᬦ᭄ᬲᬸᬩᬦᬾ ᬦᬾ ᬢᬢ᭄ᬮᬸᬳᬬᬸ᭞ᬳᭂᬦ᭄ᬢᭀ
ᬫᬤᬦ᭄ᬩᬮ᭄ᬬᬦ᭄᭞ᬜᬶᬤᬬᬂᬦᬸᬮᬸᬗᬶᬦ᭄ᬲᬓᬶᬢ᭄᭞ᬫᬸᬯᬄᬜᬶᬥᬬᬂᬫᬫᬸᬕ᭄ᬧᬸᬕ᭄᭞ᬳᬲᬶᬂᬤᬸᬓ᭄ᬓᬶᬢᬓᬚᬩᬸᬢ᭄᭞ᬳᬲᬶᬂᬳᬦᬓᬾ ᬤᬸᬳ᭄ᬓᬶᬢ᭞