Kaca puniki sampun kauji-wacén
[᭕᭒ 52B]
᭕᭒
ᬦ᭄ᬲᬦᬾᬧᬢᬸᬢ᭄᭞ᬬᬦᬶᬂᬚᬦ᭄ᬫᬳᬶᬯᬂᬧᬲᬂ᭞ᬳᬶᬘᬾᬦ᭄ᬳᬶᬧᬸᬦ᭄ᬢᬸᬢᬸᬃᬥᬃᬫ᭄ᬫ᭛ᬬᬦᬶᬂᬲᬸᬩᬦᬯᬂᬳᬸᬗ᭄ᬕ᭄ᬯᬦᬶᬂᬳᬬᬸ᭞ᬳᬲᬶᬂᬮᬓ᭄ᬱᬡᬦᬾ ᬤᬤᬶᬬᬫᬧ
ᬮᬩ᭄ᬘᬶᬓ᭄᭞ᬧᬮᬦ᭄ᬜᬦᬾᬤᬳᬢ᭄ᬳᬕᬸᬂ᭞ᬩ᭄ᬯᬶᬦ᭄ᬢ᭄ᬯᬭᬩᬶᬱᬲᬸᬭᬸᬤ᭄᭞ᬲᬓᬺᬂᬘ᭄ᬦᬶᬗᬾᬗᬮᬧ᭄᭞ᬬᬦ᭄ᬚᬸᬯᬗᬶᬦ᭄ᬲᬬᬦ᭄ᬮᬶᬬᬸ᭞ᬓᬾᬢᭀᬘ᭄ᬦᬶᬂᬬ
ᬦᬶᬂᬥᬃᬫ᭄ᬫ᭞ᬲᬂᬳ᭄ᬬᬂᬅᬚᬶᬫᬗᭀᬚᬭᬂ᭛ᬳᬤᬢᬶᬗ᭄ᬓᬄᬥᬃᬫ᭄ᬫᬦᬶᬂᬓᬲᬥᬸᬦ᭄᭞ᬬᬦ᭄ᬓᬮᬫᬤᬳᬃ᭞ᬳᭂᬥᬵᬤᭀᬭᭀᬧᭀᬦ᭄ᬫᬗᬫ᭄ᬩᬶᬮ᭄᭞ᬭᬶᬂ
ᬤᬾᬯᬫᬢᬸᬭᬦ᭄ᬫᬮᬸ᭞ᬭᬶᬂᬧᬶᬗᬚᭂᬂᬓᬭᬂᬮᬯᬸᬢ᭄᭞ᬫᬗ᭄ᬭᬭᬶᬲ᭄ᬭᬶᬂᬳᬦᬓ᭄ᬢ᭄ᬯ᭞ᬭᬶᬂᬯᭀᬂᬭᬭᬾᬫᬗ᭄ᬮᬯᬸᬢ᭄᭞ᬭᬶᬂᬳᬶᬫᬾᬫᬾᬳᬶᬕᬸᬭᬸᬢᬦ᭄ᬲᬄ᭞ᬓᬾ
[᭕᭓ 53A]
ᬢᭀᬕᬢᬦᬾ ᬫᬤᬳᬃ᭞᭛ᬓᬾᬦᬾᬢᬶᬗ᭄ᬓᬄᬢᬢᬦᬾᬫᬕᬸᬭᬸ᭞ᬳᭂᬥᬵᬧᬶᬲᬦ᭄ᬫᬦᬸᬤᬸᬳᬂ᭞ᬳᬲᬶᬂᬕᬯᬾᬳᬕᬸᬂᬳᬮᬶᬢ᭄᭞ᬤᬩ᭄ᬤᬩᬂᬢᬶᬗ᭄ᬓᬳᬾ
ᬫᬢᬸᬃ᭞ᬳᭂᬥᬵᬓᭀᬢᭀᬃᬫᬶᬯᬄᬕᬗ᭄ᬲᬸᬄ᭞ᬢᬸᬦᬲᬂᬳᬸᬕᬶᬮᬸᬕ᭄ᬭᬳ᭞ᬬᬦ᭄ᬢᬦ᭄ᬮᬸᬕ᭄ᬭᬵᬳᭂᬥᬮᬚᬸ᭞ᬳᭂᬥᬵᬫᬗᬗ᭄ᬕᭀᬯᬂᬳᬯᬓ᭄᭞ᬳᬧᬂᬘ᭄ᬦᬶᬂᬫᬦᬢ
ᬲᬂ᭛ᬳᭂᬥᬵᬮᬗ᭄ᬕ᭄ᬬᬭᬶᬂᬳᬶᬤᬳ᭄ᬬᬂᬕᬸᬭᬸ᭞ᬫᬕᭂᬳᬂᬪᬓ᭄ᬢᬶᬦᬾ᭞ᬫᬸᬜᬶᬦᬾ ᬜᬦ᭄ᬤᬂᬧᬶᬢᭂᬢᬶᬦ᭄᭞ᬳᭂᬥᬵ ᬩ᭄ᬭᬓᬧᬓ᭄ᬫᬳᬢᬸᬃ᭞ᬳᬧᬕᬯᬾᬫᬸᬱ᭄ᬝᬶ
ᬫᬢᬸᬃ᭞ᬫᬶᬯᬄᬳᭂᬥᬵᬫᬢᬸᬃᬩᭀᬩᬤ᭄᭞ᬳᭂᬥᬫᬫᬶᬰᬸᬦᬫᬢᬸᬃ᭞ᬳᭂᬦ᭄ᬢᭀᬜᬦ᭄ᬤ᭄ᬦᬕ᭄ᬳᬺᬢ᭄ᬧᬶᬲᬦ᭄᭞ᬲᭀᬭᭀᬄᬫᬸᬜᬶᬦᬾᬦᬾᬧᬢ᭄ᬧᬢ᭄᭞
