[᭔᭒ 42 B]
᭔᭒
ᬳᬸ᭞ᬦᬗ᭄ᬳᬶᬂᬲᭂᬗ᭄ᬓᬵᬫᬦᬶᬗ᭄ᬓᬳᬂ᭞ᬩᬸᬢᬳᬶᬢ᭞ᬩᭀᬩᬤᬾᬫᬓ᭄ᬭᬡᬮᬸᬳᬸᬂ᭞ᬳᬧᬂᬘ᭄ᬦᬶᬂᬫᬦᬢᬲᬂ᭞ᬓᬾᬦ᭄ᬓᬾᬦ᭄ᬩᬳᬦ᭄ᬫᬗ᭄ᬮᬧᬳᬶᬦ᭄᭛ᬤᭀᬂᬚᬫᬦ᭄ᬤᬸᬲᬾᬤᬶᬳ
ᬯᬓ᭄᭞ᬩᬳᬦ᭄ᬳᭂᬬᬾᬄ᭞ᬳᬯᬦᬦ᭄ᬤᬾᬯᬾᬓᬾ ᬩᬺᬱᬶᬄ᭞ᬓᬾᬯᬮᬫᬓ᭄ᬭᬡᬩ᭄ᬮᬸᬲ᭄᭞ᬬᬦᬶᬂᬫᬦ᭄ᬤᬸᬲᬾᬤᬶᬢ᭄ᬗᬄ᭞ᬢᭀᬉᬢ᭄ᬢᬫ᭞ᬫᬩᬺᬲᬶᬄᬩᬳᬦ᭄ᬧᬶᬢᬸᬢᬸᬃ᭞ᬲᬓ
ᬮ᭄ᬯᬶᬭᬶᬂᬤᬰᬫᬮ᭞ᬢᬦ᭄ᬧᬰᬾᬱᬩᬺᬱᬶᬄᬳ᭄ᬦᬶᬂ᭛ᬓᬶᬦᬸᬘᬧ᭄ᬤᬶᬋᬱᬶᬕᬫ᭞ᬗᬯᬾᬲᬓᬶᬢ᭄ᬗᬯᬾᬢᬶᬧᬂᬳᭂᬲᬶᬂ᭞ᬯᬶᬭᬾᬄᬲᬂᬳ᭄ᬬᬂᬳᬸᬭᬶᬧ᭄ᬧᬢᬸᬄ᭞ᬳᬶ
ᬩᬸᬭᭀᬦ᭄ᬓ᭄ᬤᬶᬲ᭄ᬫᬦᬸᬱ᭞ᬯᬶᬭᬾᬄᬢᬸᬗ᭄ᬕᬮ᭄᭞ᬧᬥᬫᬦᬓᬸᬢᬶᬦ᭄ᬩᭂᬮᬸᬲ᭄᭞ᬲᬚᬳᬤᬫᬩᬶᬦᬜ᭞ᬧᬥᬫᬫ᭄ᬯᬢᬂᬳᭂᬢᬶᬲ᭄᭛ᬬᬦ᭄ᬧᬶᬲᬦ᭄ᬳᬤᬕᬸᬡᬜ
[᭔᭓ 43 A]
᭞ᬮᬯᬢ᭄ᬘᬫ᭄ᬧᬄ᭞ᬕᭀᬭᭀᬓ᭄ᬳ᭄ᬬᬧᬭᬚᬦᬶ᭞ᬳ᭄ᬩᬾᬜᬦᬾᬧ᭄ᬭᬬᬓᬢᬸᬃ᭞ᬭᬶᬂᬓᬮᬫᬶᬯᬄᬤᬾᬯ᭞ᬭᬶᬂᬩᬩᬸᬢᬦ᭄᭞ᬫᬶᬯᬄᬧ᭄ᬭᬬᬫᬗ᭄ᬕᭀᬦ᭄ᬲᬗᬸ᭞ᬦᬸᬢᬸᬕ᭄ᬕ
ᬫᬓᬫᬦᬸᬲᬦ᭄᭞ᬳᬸᬭᬶᬧ᭄ᬜᬦᬾᬲᬸᬧᬢ᭄ᬚᬦᬶ᭛ᬬᬦ᭄ᬲᬶᬤ᭄ᬥᬦᭂᬦ᭄ᬩᬦ᭄ᬫᬺᬢᬬᬂ᭞ᬳᭂᬥᬧᬶᬲᬦ᭄ᬦᬫ᭄ᬧᬄᬫᬫᬢᬶᬫᬢᬶ᭞ᬫᬶᬯᬄᬳᭂᬥᬵᬗᬗ᭄ᬕᭀᬦ᭄ᬲ᭄ᬦᬕᬸ᭞ᬯᬢᭂ
ᬓ᭄ᬲᬦᬾ ᬫᬳᬗ᭄ᬓᬶᬳᬦ᭄᭞ᬲᬧᬂᬲᬶᬤ᭞ᬲᭀᬮᬄᬫᬸᬜᬶᬳᬧᬂᬳᬬᬸ᭞ᬢᬸᬃᬢᬸᬃᬫᬓ᭄ᬭᬡᬓ᭄ᬭᭀᬥᬳᬶᬮᬂ᭞ᬓ᭄ᬦᭂᬄᬳ᭄ᬦᬶᬂᬲᬳᬶᬲᬳᬶ᭛ᬬᬦ᭄ᬳᬶᬥᭂᬧᬾᬲᬸᬩᬕᬮᬂ᭞ᬓ
ᬳᬸᬘᬧᬂ᭞ᬧ᭄ᬭᬕᬬᬦ᭄ᬲᬢ᭄ᬯᬚᬢᬶ᭞ᬬᬦ᭄ᬳᬶᬥᭂᬧᬾ ᬓ᭄ᬭᬲ᭄ᬕᬗ᭄ᬲᬸᬄ᭞ᬢ᭄ᬯᬭᬤᬤᬶᬳᬦ᭄ᬤᭂᬕᬂ᭞ᬫᬤᬦ᭄ᬭᬚᬄ᭞ᬬᬦ᭄ᬳᬶᬥᬾᬧᬾ ᬳᭂᬦ᭄ᬤᬸᬓ᭄ᬕᬸᬬᬸ᭞ᬫᭂᬤᭂᬫ᭄ᬩᬗᬸᬦ᭄ᬢᭂᬓᬾᬦ᭄ᬗᬫᬄ
Kaca:Bali-lontar-gaguritan-putra-sasana-01-350ppi.pdf/43
Kaca puniki sampun kauji-wacén
