[᭓᭘ 38 B]
᭓᭘
ᬡᬫᬦ᭄ᬢᬵᬰᬶᬮᬬᬸᬓ᭄ᬢᬶ᭞ᬓ᭄ᬭᬡᬫᬗ᭄ᬕᬶᬄᬮᬭᬚᬦᬶ᭞ᬳᬸᬮᬶᬤᬶᬚᬭᬯᬸᬄᬍᬢᬸᬄ᭞ᬩᬲᬗᭂᬢ᭄ᬤᬾᬯᬗᬡ᭄ᬥᭂᬮᬂ᭞ᬳᬦ᭄ᬢᬸᬓ᭄ᬯᬶᬓᬦᬾ ᬫᬘᬸᬓᬂ᭞ᬢ᭄ᬯᬭᬢᬳᬸ᭞ᬓ᭄ᬦ
ᬩ᭄ᬮᭀᬮᭀᬂᬓᬲᭂᬗ᭄ᬓᬮᬦ᭄᭛ᬦᬄᬓᬾᬢᭀᬳᬶᬯᬗᬾ ᬤᬾᬯ᭞ᬩᬲ᭄ᬓᭂᬡ᭄ᬥᭂᬮᬂᬭᬕᬭᬶᬭᬶᬄ᭞ᬦᬗ᭄ᬳᬶᬂᬓᬾᬧᭂᬮᬶᬳᬾ ᬳᭂᬦ᭄ᬢᭀ᭞ᬲᬓ᭄ᬱᬢ᭄ᬧᬗ᭄ᬮᬸᬓᬢᬦ᭄ᬧ
ᬱ᭄ᬝᬶ᭞ᬮᬭᬧᬦ᭄ᬮᬭᬦᬾ ᬫᬗ᭄ᬓᬶᬦ᭄᭞ᬘᬶᬭᬶᬦᬾ ᬫᬗ᭄ᬕᬶᬄᬭᬳᬬᬸ᭞ᬫᬸᬮᬤᬲᬃᬳᬸᬮᬶᬓᬯᬄ᭞ᬓᬾᬯᬮᬧᬕᭂᬳᬂᬳᬸᬕᬶ᭞ᬲᬶᬦᬄᬭᬯᬸᬄ᭞ᬧᬮᬧᬓᬃᬤ᭄ᬥᬶᬦᬾ
ᬓᬸᬦ᭛ᬩ᭄ᬭᬢᬲᬢ᭄ᬬᬦᬾ ᬧᬕᭂᬳᬂ᭞ᬲᬓᭂᬩᬸᬲ᭄ᬓᭂᬩᬸᬲᬾᬢᬫ᭄ᬧᬶ᭞ᬳᭂᬥᬵᬧᬶᬲᬦ᭄ᬤᬾᬯᬳᭀᬩᬄ᭞ᬗᬫ᭄ᬩᬸᬮᬂᬯᬲ᭄ᬢ᭄ᬭᬦᬾ ᬲᬶᬢ᭄ᬲᬶᬢ᭄᭞ᬩ᭄ᬘᬶᬓ᭄ᬳᬦ᭄ᬢᬸᬓ᭄ᬲᬓᬵ
[᭓᭙ 39 A]
ᬓᬶᬤᬶᬓ᭄᭞ᬭᬸᬲᬓ᭄ᬓᬗ᭄ᬕᬾᬬᬂᬤᬸᬫᬸᬦ᭄᭞ᬓᬤᬶᬘᬓ᭄ᬭᬦᬾ ᬕᬶᬮᬶᬗᬦ᭄᭞ᬧᬧᬶᬜ᭄ᬘᭂᬭᬦ᭄ᬲᬳᬶᬲᬳᬶ᭞ᬲᬶᬮᬃᬲᬶᬮᬸᬃ᭞ᬳᬮᬳᬬᬸᬫᬳᬶᬤᭂᬭᬦ᭄᭛ᬳᬧᬂᬫᬩᬺᬱᬶᬄ
᭞ᬳᬗ᭄ᬤᬾᬬᬂᬢ᭄ᬫᬕᬵᬩᭂᬲᬶ᭞ᬲᬲᬯᬦᬾ ᬲᬸᬧ᭄ᬲᬸᬓᭀᬢᭀᬃ᭞ᬲᬳᬶᬲᬳᬶᬧᭂᬲᬸᬢᬳᬶ᭞ᬲᬤᬶᬦᬜᬦ᭄ᬤᬂᬩᬺᬲᬶᬳᬶᬦ᭄᭞ᬍᬗᬶᬲᬶᬦ᭄ᬓᭂᬤᬲᬂᬲᬸᬢ᭄ᬲᬸᬢ᭄᭞ᬲᬶᬦᬄ
ᬳᬶᬧᬸᬦ᭄ᬤᬤᬶᬜᬮᬂ᭞ᬳᭂᬥᬵ ᬗᬩᭀᬢ᭄ᬳᭂᬓᭀᬄᬳᬢᬶ᭞ᬜᬸᬚᬸᬃᬳᬬᬸ᭞ᬢ᭄ᬯᬭᬤᬤᬶᬮᬮᬫᬾᬦᬄ᭛ᬧᬜ᭄ᬚᬂᬘ᭄ᬦᬶᬂᬬᬦᬸᬘᬧᬂᬯᬘᬦᬦ᭄ᬲᬂᬋᬱᬶ᭞ᬲᬶᬦᬄ
ᬓᬾᬢᭀᬳᬸᬧᬫᬶᬜ᭞ᬳᬯᬓ᭄ᬲᬳᬶᬧᭂᬲᬸᬤᬓᬶ᭞ᬢᬸᬢᬸᬕᬂᬘ᭄ᬦᬶᬂᬦᬾ ᬚᬦᬶ᭞ᬫᬸᬂᬧᬸᬂᬘ᭄ᬦᬶᬂᬳ᭄ᬦᬸᬳᬶᬥᬸᬧ᭄᭞ᬳᬸᬭᬶᬧᬾᬚᬳᬗ᭄ᬕᭀᬦ᭄ᬰ᭄ᬭᬡ᭞ᬫᬓᬰ᭄ᬭᬡᬗᬮᬶᬄ
Kaca:Bali-lontar-gaguritan-putra-sasana-01-350ppi.pdf/39
Kaca puniki sampun kauji-wacén
