[᭓᭒ 32 B]
᭓᭒
ᬢ᭄ᬯᬭᬫᬢᬳᬦᬦ᭄ᬲᬓᬶᬢ᭄᭞ᬲᬗ᭄ᬳ᭄ᬬᬂᬳᬬᬸ᭞ᬲᬓ᭄ᬱᬢ᭄ᬫᬶᬜᬓ᭄ᬚᬚᭂᬭᬸᬓᬦ᭄᭛ᬤᬶᬲᬸᬩᬦᬾᬳᬶᬤ᭄ᬳᬩᬸᬤᬮ᭄᭞ᬲᬂᬳᬢ᭄ᬫᬕ᭄ᬮᬶᬲ᭄ᬫᬫᬃᬕ᭄ᬕᬶ᭞ᬭᬯᬸᬄᬭᬶᬂᬫᬃᬕ᭄ᬕᬶᬦᬾ ᬲ
ᬗ᭞ᬳᬓᬾᬄᬭᬯᬸᬄᬫᬫᭂᬦ᭄ᬤᬓᬶᬦ᭄᭞ᬯᬶᬥ᭄ᬬᬥᬭᬯᬶᬥ᭄ᬬᬥᬭᬶ,ᬲᬋᬧ᭄ᬲᬫᬶᬳᭀᬮᬲ᭄ᬦᬸᬦ᭄ᬢᬸᬦ᭄᭞ᬧ᭄ᬭᬬᬧᬘᬂᬫᬗᬶᬭᬶᬗᬂ᭞ᬫᬦᬸᬚᬸᬳᬶᬦ᭄ᬲ᭄ᬯᬃᬕ᭄ᬕᬍᬯᬶᬄ᭞ᬲᬫ᭄ᬧᬸ
ᬦ᭄ᬭᬯᬸᬄ᭞ᬭᬯᬸᬄᬭᬶᬂᬇᬦ᭄ᬤ᭄ᬭᬪᬯᬡ᭛ᬯᬢᭂᬓ᭄ᬤᬾᬯᬫᬜᬬᬗᬂ᭞ᬳᬲᬶᬂᬢᬸᬦᬲ᭄ᬓᬲ᭄ᬯᬾᬘ᭄ᬘᬦᬶᬦ᭄᭞ᬓᬸᬤᬂᬢᬶᬩᬦ᭄ᬫᬸᬓ᭄ᬢᬶᬫ᭄ᬮᬄ᭞ᬫᬫᬋᬓᬦ᭄ᬭᬶᬂᬳ᭄ᬬᬂᬯᬶᬥᬶ᭞ᬬᬦ᭄
ᬲᬸᬩᬢᬸᬢᬸᬕ᭄ᬕᬦ᭄ᬢᬶ᭞ᬫᬦᬯᬶᬢᬓᬸᬤᬂᬢᬳᬸᬦ᭄᭞ᬭᬭᬶᬲ᭄ᬓᬳᬸᬤᬸᬄᬫᬜ᭄ᬚᬦ᭄ᬫ᭞ᬲᬓᭂᬦᭂᬄᬧᬘᬂᬫᬶᬮᬶᬳᬶᬦ᭄᭞ᬭᬶᬂᬲᬂᬧ᭄ᬭᬪᬸ᭞ᬫᬶᬯᬄᬭᬶᬂᬯᬶᬓᬸᬧᬡ᭄ᬥᬶᬢ᭛
[᭓᭓ 33 A]
ᬩᬕᬸᬲ᭄ᬲᬸᬕᬶᬄᬢᬸᬭᬶᬂᬧ᭄ᬭᬚ᭄ᬜᬦ᭄᭞ᬢᬦ᭄ᬲᬄᬥᬦᬗ᭄ᬕᬯᬾᬳᬲᬶᬄ᭞ᬩᬶᬱᬗᬸᬮᬦᬶᬦ᭄ᬳᬦᬓ᭄᭞ᬲᬶᬂᬫᬸᬜᬶᬬᬂᬗᬍᬕᬳᬶᬦ᭄᭞ᬓ᭄ᬫᬶᬓᬦᬾ ᬜᬸᬜᬸᬃᬫᬦᬶᬲ᭄᭞ᬥᬃᬫ᭄ᬫᬲᬸᬰᬶ
ᬮᬦᬾᬧᬸᬧᬸᬢ᭄᭞ᬳᬯᬦᬦ᭄ᬘᭂᬦᬶᬂᬳᬯᬦᬦ᭄ᬦᬾᬦᬾ ᬚᬦᬶᬤᬩ᭄ᬤᬩᬂᬩ᭄ᬯᬶᬦ᭄᭞ᬳᬧᬂᬳᬬᬸ᭞ᬮᬓ᭄ᬱᬡᬫᬸᬜᬶᬫᬓᭂᬚᬂ᭛ᬦᬄᬳᬓᬾᬢᭀᬩᬳᬦ᭄ᬩ
ᬧ᭞ᬫᬦᬸᬭᬸᬭᬶᬦ᭄ᬘᭂᬦᬶᬂᬚᬦᬶ᭞ᬳᭂᬥᬵᬢ᭄ᬯᬭᬫᬗᬶᬗᭂᬢᬂ᭞ᬫᬸᬱ᭄ᬝᬶᬘ᭄ᬦᬶᬂᬫᬗᬸᬕᭀᬦᬶᬦ᭄᭞ᬓᬃᬫ᭄ᬫᬧᬮᬦᬾ ᬲᬸᬚᬢᬶ᭞ᬳᭂᬦ᭄ᬢᭀᬳᬶᬗᭂᬃᬳᬧᬂᬢᬸᬳᬸ᭞ᬦᬾᬦᬾᬫᬤ
ᬦ᭄ᬓᬃᬫ᭄ᬫᬧᬮ᭞ᬳᭂᬥᬵᬧᬶᬲᬦ᭄ᬫᬫᭀᬬᬦᬶᬦ᭄᭞ᬬᬦ᭄ᬢᬦ᭄ᬗᬸᬕᬸ᭞ᬳᭂᬦ᭄ᬢᭀᬫᬤᬦ᭄ᬚᬦ᭄ᬫᬘᬫ᭄ᬧᬄ᭛ᬳᭂᬥᬲᬗᭂᬢ᭄ᬩᬜᬘᬫ᭄ᬧᬄ᭞ᬫᬶᬯᬄᬳᭂᬥᬵᬗᭂᬚᭀᬢ᭄ᬲ
Kaca:Bali-lontar-gaguritan-putra-sasana-01-350ppi.pdf/33
Kaca puniki sampun kauji-wacén
