[᭒᭖ 26 B]
᭒᭖
ᬓᬸᬄᬳᬤᬫᬜᭂᬫᬓ᭄᭞ᬳᬾᬄᬳᬾᬄᬘᬭᬮᬶᬦ᭄ᬤᬸᬂᬚᬢᬶ᭞ᬢᬸᬫ᭄ᬩᬾᬦᬵᬚᬦᬶᬦᬯᬂᬕᬚᬄ᭞ᬩᬸᬯᬶᬦ᭄ᬳᬤᬜᭂᬫᬓ᭄ᬘᬮᬶᬂ᭞ᬳᬶᬩᬸᬢᬮᬯᬸᬢ᭄ᬫᬫᬸᬜᬶ᭞ᬘᬭᬓᬬᬸᬦᬾ ᬫ
ᬧ᭄ᬮᬸᬢ᭄᭞ᬢᬫ᭄ᬩᬸᬮᬾᬮᬾᬦᬾ ᬓᬚᭂᬫᬓ᭄᭞ᬳᬶᬕᬚᬄᬘᬭᬮᬮᬶᬧᬶ᭞ᬫᬸᬜᬶᬦ᭄ᬳᬶᬧᬸᬦ᭄᭞ᬳᬶᬩᬸᬢᬳᬚᬓ᭄ᬮᬮᬶᬫ᭛ᬳᬶᬩᬸᬢᬩᬸᬯᬶᬫᬤᬦ᭄ᬤᬦ᭄᭞ᬲᬳᬲᬵ
ᬫᬜᭂᬫᬓ᭄ᬓᬸᬧᬶᬂ᭞ᬫᬭᬚᬦᬶᬦᬯᬂᬕᬚᬄ᭞ᬘᬭᬳᬶᬮᬶᬄᬓᬳᬸᬲᬸᬤᬶᬦ᭄᭞ᬩᬸᬯᬶᬦ᭄ᬳᬶᬩᬸᬢᬜᬕ᭄ᬚᬕᬶᬦ᭄᭞ᬢᭂᬦ᭄ᬤᬲ᭄ᬳᬶᬕᬚᬄᬓᬳᬸᬲᬸᬤ᭄᭞ᬓᭂᬡ᭄ᬥᭂᬮ᭄ᬧᬶᬲᬦ᭄ᬢᬶᬢ᭄ᬬᬂᬤᬾ
ᬯ᭞ᬢᬢᬲ᭄ᬢ᭄ᬓᬾᬦ᭄ᬕᬚᬄᬚᬦᬶ᭞ᬘᬭᬧᬬᬸᬓ᭄᭞ᬩᬦᬶᬧᬶᬲᬦ᭄ᬫᬶᬢᬸᬯᬶᬬᬂ᭛ᬓᬾᬢᭀᬚᬦᬶᬩᬵᬦᬸᬢᬸᬭᬂ᭞ᬳᬶᬩᭂᬮᭀᬕ᭄ᬫᬧᬶᬦᬭᬶᬭᬶᬄ᭞ᬳᬯᬓ᭄ᬩᬸᬢ
[᭒᭗ 27 A]
ᬫᬧᬶᬘᭂᬮᬂ᭞ᬦᬗ᭄ᬳᬶᬂᬢ᭄ᬯᬭᬦᬯᬂᬚᬢᬶ᭞ᬩᬦ᭄ᬢᬲ᭄ᬫᬦᬯᬂᬤᬶᬓᭀᬧᬶᬂ᭞ᬲᬸᬩᬩᬦᬶᬗᬓᬸᬯ᭄ᬭᬸᬄ᭞ᬘᬭᬧᬬᬸᬓ᭄ᬳᬶᬕᬚᬄ᭞ᬩᬶᬮᬂᬢ᭄ᬓᬓᬢᬸᬢᬸᬭᬶᬦ᭄᭞ᬩᬢᬸᬓᭂᬫ᭄ᬩᬸᬂ᭞ᬓᬩᬸ
ᬢᬶᬢᬂᬢ᭄ᬯᬭᬢᬯᬂ᭛ᬲᭂᬓᭂᬦᬂᬘ᭄ᬦᬶᬂᬲᭂᬓᭂᬦᬂ᭞ᬘ᭄ᬦᬶᬂᬧᬘᬂᬫᬸᬭᬓ᭄ᬚᬦᬶ᭞ᬩᭀᬗ᭄ᬓᭀᬮ᭄ᬫᬸᬜ᭄ᬘᬸᬓ᭄ᬫᬸᬯᬄᬩᬗ᭄ᬓ᭄ᬬᬂ᭞ᬳᬧᬂᬲ᭄ᬓᭂᬦ᭄ᬫᬗᬶᬗᭂᬢᬶᬦ᭄᭞ᬳᬸᬮᬶᬩᭀᬗ᭄ᬓᭀᬮ᭄
ᬫᬳᬸᬭᬸᬓᬶᬦ᭄᭞ᬳ᭄ᬥ᭄ᬳᬵᬤᭀᬂᬓ᭄ᬮᬂᬧᬢᬶᬚ᭄ᬮᬫᬸᬢ᭄᭞ᬢᬸᬦᬲᬂᬘ᭄ᬦᬶᬂᬢᬸᬦᬲᬂ᭞ᬲᬂᬧ᭄ᬭᬚ᭄ᬜᬳᬶᬤᬢᬸᬦᬲᬶᬦ᭄᭞ᬳᬧᬂᬦ᭄ᬭᬸᬦ᭄ᬢᬸᬦ᭄᭞ᬘ᭄ᬦᬶᬂᬫᬳᬸᬭᬸᬓᬂᬳᬯᬓ᭄᭛ᬤᬲᬭᬶ
ᬦ᭄ᬳᬶᬬᬩᬦ᭄ᬲᭀᬮᬄ᭞ᬓᬾᬦᬾᬲᭀᬮᬄᬳᬦᬾ ᬩ᭄ᬘᬶᬓ᭄᭞ᬳᭂᬥᬵᬩᬦᬶᬓᬾᬦᬵᬧᬕᬸᬃᬯᬦ᭄᭞ᬢᭂᬍᬓᬂᬫᬦᬄᬳᬪᬓ᭄ᬢᬶ᭞ᬫᬶᬯᬄᬓᬾᬦ᭄ᬳᬦᬓ᭄ᬮᬶᬗ᭄ᬲᬶᬃ᭞ᬳᭂᬥᬵ
Kaca:Bali-lontar-gaguritan-putra-sasana-01-350ppi.pdf/27
Kaca puniki sampun kauji-wacén
