[᭒᭓ 23 B]
᭒᭓
ᬦᬶᬂᬲᬓᬜ᭄ᬘᬦ᭄ᬫᬳᬸᬭᬶᬧ᭄᭞ᬗᬸᬗ᭄ᬲᬶᬳᬬᬸ᭞ᬫᬓᭂᬚᬂᬫᬗᬮᬶᬄᬍᬕ᭛ᬓᬾᬦᬾ ᬩᬳᬦ᭄ᬫᬦᬩᬸᬳᬂ᭞ᬫᬗ᭄ᬤᬾ ᬲᬸᬓᬲᬂᬫᬦᬫ᭄ᬧᬶ᭞ᬧᬢᬸᬢᬾ ᬳᬸᬕᬶᬫᬸᬜᬶᬬᬂ᭞
ᬤᬶᬲᭀᬮᬄᬗᬮᬶᬄᬳᬧᬶᬓᬶᬦ᭄᭞ᬢᬢᬶᬗ᭄ᬕᬮᬾ ᬳᬧᬂᬧᬱ᭄ᬝᬶ᭞ᬳᬧᬂᬲᭂᬍᬕ᭄ᬩᬦ᭄ᬫᬢᬩᬸᬄ᭞ᬥᬃᬫ᭄ᬫᬲᬢ᭄ᬬᬦᬾ ᬚᬮᬦᬂ᭞ᬳᬧᬂᬲᬢ᭄ᬬᬢ᭄ᬓᬾᬦ᭄ᬫᬸᬜᬶ᭞ᬫᬸᬱ᭄ᬝᬶᬢᬸ
ᬮᬸᬂ᭞ᬳᬦᬓᬾ ᬦᬾ ᬓᬤᬸᬳ᭄ᬓᬶᬢᬦ᭄᭛ᬕᬫᬧᬸᬭᬦᬤᬩ᭄ᬤᬩᬂᬳᬧᬂᬲᬶᬤ᭄ᬥᬫᭂᬮᬄᬤᬤᬶ᭞ᬳᭂᬦ᭄ᬢᭀᬫᬤᬦ᭄ᬤᬾᬯᬬᬚ᭄ᬜ᭞ᬬᬚ᭄ᬜᬫᬦᬸᬱᬦᬾ ᬩᬸᬯᬶᬦ᭄᭞
ᬫᬃᬕ᭄ᬕᬭᬸᬭᬸᬗᬾ ᬢᭂᬮᬳᬶᬦ᭄᭞ᬲᬸᬓᬦᬶᬂᬲᬂᬫᭂᬦ᭄ᬢᬲ᭄ᬤᬶᬢᬸ᭞ᬩᬾᬚᬶᬦᬾ ᬫᬲᬶᬄᬤᬩ᭄ᬤᬩᬂ᭞ᬤᬩ᭄ᬤᬩᬂᬳᬧ᭄ᬗᬩ᭄ᬘᬶᬓ᭄᭞ᬳᬧᬂᬳᬮᬸᬄ᭞ᬳᬶᬤ᭄ᬳᬤᬦᬾ ᬗᬸᬗ᭄ᬲᬶ
[᭒᭔ 24 A]
ᬫᭂᬮᬄ᭛ᬓᬾᬢᭀᬬᬰᬦᬾ ᬯᬗᬸᬦᬂ᭞ᬲᬳ᭄ᬦᬸᬦ᭄ᬤᬤᬶᬉᬭᬶᬧ᭄᭞ᬗᬯᬗᬸᬦᬂᬩᬮᬾ ᬬᬰ᭞ᬭᬶᬂᬲᬫ᭄ᬧᬶᬂᬫ᭄ᬩᬗᬦᬶᬂᬫᬃᬕ᭄ᬕᬶ᭞ᬳᬧᬂᬳᬤᬢᭀᬗᭀᬲ᭄ᬗᭂᬢᬶᬲ᭄᭞
ᬮᬾᬤᬂᬲᬂᬲᬸᬤ᭄ᬥᬶᬫᬳᬬᬸᬩ᭄᭞ᬭᬶᬂᬓᬮᬦᬶᬂᬧᬦᬲ᭄ᬳᬸᬚᬦ᭄᭞ᬳᬕᬸᬂᬍᬕᬦ᭄ᬲᬂᬫᬦᬫ᭄ᬧᬶ᭞ᬲᬸᬓᬦ᭄ᬳᬶᬧᬸᬦ᭄᭞ᬫᬢᬸᬮᬓ᭄ᬢᭂᬓᬾᬦ᭄ᬳᬶᬤᬾᬯ᭛ᬫᬓ᭄ᬭᬡᬳᬦᬓᬾ ᬧ᭄ᬭ
ᬚ᭄ᬜᬦ᭄᭞ᬲᬗ᭄ᬳ᭄ᬬᬂᬅᬚᬶᬓᬕᬸᬕ᭄ᬯᬦᬶᬦ᭄᭞ᬫᬫᬸᬜᬶᬫᬶᬯᬄᬫᬲᭀᬮᬄ᭞ᬩᬶᬱᬗᬤ᭄ᬯᬂᬳᬶᬥᭂᬧ᭄ᬧᬱ᭄ᬝᬶ᭞ᬢᬸᬯᬄᬗᬸᬢᬸᬲ᭄ᬲᬂᬳ᭄ᬬᬂᬅᬚᬶ᭞ᬬᬤᬶᬦ᭄ᬲᭂᬗ᭄ᬓᬵᬓᭀᬘᬧ᭄ᬤᬶᬢᬸ
᭞ᬫᬲᬶᬄᬧᬶᬲᬭᬢᬂᬧᬶᬲᬦ᭄᭞ᬳᬧᬂᬲᬶᬤ᭄ᬥᬩᬜᬗᬶᬭᬶᬂ᭞ᬦᬾ ᬦᬾ ᬧᬢᬸᬢ᭄ᬓᬶᬦᬸᬘᬧ᭄ᬭᬶᬂᬰᬵᬲ᭄ᬢ᭄ᬭ᭛ᬳᬤᬶᬢ᭄ᬯᬄᬫᬩᬗ᭄ᬲᬵᬓ᭄ᬱᬢ᭄ᬭᬶᬬ᭞ᬳᬥᬵ
Kaca:Bali-lontar-gaguritan-putra-sasana-01-350ppi.pdf/24
Kaca puniki sampun kauji-wacén
