[᭒᭑ 21 B]
᭒᭑
ᬦ᭄᭛ᬬᬦ᭄ᬲᬸᬩᬫᬩ᭄ᬓᭂᬮ᭄ᬥᬃᬫ᭄ᬫ᭞ᬮᬸᬯᬄᬓᬶᬚᬢ᭄ᬯᬭᬚᭂᬚᭂᬄ᭞ᬧᬶᬢ᭄ᬯᬶᬓᬳᬮᬲᬾᬯᬬᬄ᭞ᬓᬕᬸᬦᬸᬂᬓᬭᬾᬚᬾᬂᬲ᭄ᬭᬶᬧᬶᬢ᭄᭞ᬬᬤᬶᬦ᭄ᬤᬧᬲ᭄ᬬᬢᬦ᭄ᬚᬢᬶ᭞ᬓᬳ᭄ᬩᭂᬢᬾ
ᬢ᭄ᬯᬭᬢᬓᬸᬢ᭄᭞ᬳᬧᬦ᭄ᬲᬸᬩᬲᬶᬦᬄᬕᬮᬂ᭞ᬲᬶᬦᬄᬢ᭄ᬯᬭᬓᬾᬗ᭄ᬕᬸᬄᬲᬢᬶ᭞ᬲᬸᬩᬧᬸᬧᬸᬢ᭄᭞ᬲᬗ᭄ᬳ᭄ᬬᬂᬥᬃᬫ᭄ᬫᬲᬸᬩᬗ᭄ᬭᬓ᭄ᬱ᭛ᬮ᭄ᬬᬸᬲᬸᬩᬩᬳᬦ᭄ᬩᬧ᭞
ᬫᬶᬥᬃᬢ᭄ᬢᬬᬂᬲᬗ᭄ᬳ᭄ᬬᬂᬅᬚᬶ᭞ᬚᬮᬦ᭄ᬚᬦᬶᬧᬲᬚᬬᬂ᭞ᬳᬯᬓ᭄ᬘᭂᬦᬶᬗᬾ ᬲᬓᬶᬢᬶᬦ᭄᭞ᬳᭂᬥᬵᬗᬾ ᬫᬦ᭄ᬢᬸᬬᬸᬄᬲᬳᬶ᭞ᬢᬸᬬᬸᬳᬾ ᬫᬧᬮᬳᬮᬸᬄ᭞ᬳᬮᬸᬳᬾ ᬫ
ᬧᬮᬲᭂᬗ᭄ᬓᬵ᭞ᬓᬤᬶᬫᬸᬗ᭄ᬕᬸᬄᬭᬶᬂᬓᬓᬯᬶᬦ᭄᭞ᬧᬸᬧᬸᬢ᭄ᬳᬬᬸ᭞ᬢᬶᬦᬸᬘᬧ᭄ᬭᬶᬂᬧᬃᬣᬬᬚ᭄ᬜ᭛ᬧᬶᬢᬸᬢᬸᬃᬲᬂᬥᬃᬫ᭄ᬫᬯᬗ᭄ᬰ᭞ᬭᬶᬂᬲᬂᬪᬶᬫᬗᬲᬶᬳᬲᬶᬄ᭞ᬥᬸᬄ
[᭒᭒ 22 A]
ᬳᬤᬶᬲᬂᬪᬶᬫᬲᬾᬦ᭞ᬳ᭄ᬤᬗᬫᬸᬓ᭄ᬦᬾᬦᬾ ᬚᬦᬶ᭞ᬳᭂᬥᬵᬗᬸᬮᬄᬦᬕᬶᬄᬫᬢᬶ᭞ᬫᬢᬶᬚᬦᬶᬓᬤᬶᬲᬸᬯᬸᬂ᭞ᬬᬦ᭄ᬢᭀᬦ᭄ᬤᬾᬦᬵᬳᬤᬚᬮᬭᬦ᭄᭞ᬚᬮᬭᬦ᭄ᬬ
ᬳᬦᬾ ᬍᬯᬶᬄ᭞ᬦᬾ ᬦᬾ ᬧᬢᬸᬢ᭄᭞ᬩ᭄ᬓᭂᬮᬂᬗᬸᬗ᭄ᬲᬶᬳᬦ᭄ᬢᬓ᭛ᬚᬦᬶᬓᬯᬶᬢᬶᬦ᭄ᬫᬬᬰ᭞ᬲᬓᬶᬂᬤᬸᬳ᭄ᬓᬶᬢᬦᬾ ᬢᬫ᭄ᬧᬶ᭞ᬩ᭄ᬮᬶᬚᬦᬶᬗᬯᬾ ᬳᬶᬫ᭄ᬩ᭞ᬳᬶᬢᬶ
ᬯᬲ᭄ᬮᬯᬦ᭄ᬳᬶᬲᬸᬕᬶᬄ᭞ᬤᬳᬢ᭄ᬍᬗ᭄ᬓᬂᬦᬾ ᬦᬾ ᬲᬸᬕᬶᬄ᭞ᬢ᭄ᬯᬭᬤ᭄ᬫᭂᬦ᭄ᬢᭂᬓᬾᬦ᭄ᬢᬸᬬᬸᬄ᭞ᬤᬾᬦᬶᬂᬲᬸᬩᬫᬗᬦ᭄ᬤᭂᬮᬂ᭞ᬳᬶᬗᭂᬢ᭄ᬢ᭄ᬓᬾᬦ᭄ᬳᬯᬓ᭄ᬲᬸᬕᬶᬄ᭞ᬲᬭᬡ
ᬮ᭄ᬬᬸ᭞ᬩᬶᬦ᭄ᬧᬶᬤᬦ᭄ᬳᭀᬜᭀᬩᬦ᭄ᬗᬫᬄ᭛ᬳᬶᬢᬶᬯᬲ᭄ᬚᬦᬶᬢᬸᬢᬸᬭᬂ᭞ᬤᬳᬢ᭄ᬳᬦ᭄ᬢᭂᬂᬫᬧᬓᬃᬤ᭄ᬥᬶ᭞ᬳᬶᬗᭂᬢ᭄ᬢ᭄ᬓᬾᬦᬵᬳᬯᬓ᭄ᬩᭂᬮᭀᬕ᭄᭞
Kaca:Bali-lontar-gaguritan-putra-sasana-01-350ppi.pdf/22
Kaca puniki sampun kauji-wacén
