[᭑᭙ 19 B]
᭑᭙
ᬦᬸᬗ᭄ᬕᬮ᭄᭞ᬧᬦᬓ᭄ᬜᬦᬾ ᬲᬶᬦᬄᬫ᭄ᬮᬄ᭞ᬩᬸᬮᬦ᭄ᬜᬦᬾ ᬫᬦᬸᬭᬲᬶᬦ᭄᭞ᬫᬕᭀᬮᭀᬳᬦ᭄᭞ᬩᬸᬯᬶᬦ᭄ᬮᬗᬄᬮᬗᬄᬫᬢᬶ᭛ᬬᬦ᭄ᬳᬶᬓᬸᬮᬸᬓ᭄ᬗᬫᬄᬲᬓᬶᬂᬕᬯᬾᬳᬮ
᭞ᬗ᭄ᬮᬄᬗᭂᬮᬄᬧᬦᬓ᭄ᬲᭂᬍᬫ᭄ᬧᬸᬢᬶᬄ᭞ᬩ᭄ᬮᬶᬂᬫᬳᬾᬦ᭄ᬤᬳᬦ᭄᭞ᬓᬦ᭄ᬢᬶᬢ᭄ᬮᬸᬧᬢ᭄ᬮᬶᬫ᭞ᬦᬗ᭄ᬳᬶᬂᬮ᭄ᬬᬸᬲᬦᬾ ᬫᬢᬶ᭞ᬲ᭄ᬭᬶᬂᬕ᭄ᬭᬸᬩᬸᬕᬦ᭄ᬮ᭄ᬬᬸᬳᬦᬓᬾ ᬗᭂᬤᭂᬕᬶᬦ᭄᭛ᬦᬄᬳᬓᬾ
ᬢᭀᬚᬦᬶᬩᬧᬫᬶᬥᬃᬢ᭄ᬢᬬᬂ᭞ᬫᬋᬧ᭄ᬢᭂᬓᬾᬦᬵᬘᭂᬦᬶᬂᬚᬦᬶ᭞ᬘ᭄ᬦᬶᬂᬫᬦᬢᬲᬂ᭞ᬢᬶᬗ᭄ᬓᬳᬾ ᬫᬓᭂᬚᬂᬤᬤᬶ᭞ᬫᬗᬯᬾᬧᬦᬓ᭄᭞ᬳᬧᬂᬳᭂᬥᬵᬢᬦ᭄ᬤ᭄ᬭᬸᬄᬘ᭄ᬦᬶᬂ᭛ᬢᬶ
ᬢᬶᬜᬦᬾᬘ᭄ᬦᬶᬂᬧᬘᬂᬗᬸᬗ᭄ᬲᬶᬲ᭄ᬯᬃᬕ᭄ᬕ᭞ᬲᭂᬍᬕᬂᬫᬕᬫᬚᬦᬶ᭞ᬕᬫᬰᬶᬯᬩᬸᬤ᭄ᬥ᭞ᬘ᭄ᬦᬶᬂᬚᬦᬶᬦᬢᬲᬂ᭞ᬘ᭄ᬦᬶᬂᬢ᭄ᬯᬄᬤᬶᬦᬢᬄᬩᬮᬶ᭞ᬫᬰᬶᬯᬩᬸᬤ᭄ᬥ᭞ᬩᬧᬚᬦᬶ
[᭒᭐ 20 A]
ᬫᬗᭀᬭᬳᬶᬦ᭄᭛ᬳᭂᬥᬵᬘ᭄ᬦᬶᬂᬢ᭄ᬯᬭᬧᬕᭂᬄᬢ᭄ᬓᬾᬗᬫ᭞ᬕᬫᬦᬾ ᬘᬭᬩᬮᬶ᭞ᬢ᭄ᬯᬭᬤᬤᬶᬳᭂᬗ᭄ᬲᬧ᭄᭞ᬳᬧᬂᬳᭂᬥᬵᬓᬢ᭄ᬫᬄ᭞ᬭᬶᬂᬓᬯᬶᬢᬦ᭄ᬲᬦᬾᬭᬶᬳᬶᬦ᭄᭞
ᬳᭂᬦ᭄ᬢᭀᬧᬱ᭄ᬝᬶᬬᬂ᭞ᬳᬧᬂᬳᭂᬥᬵᬲᬮᬄᬮᬶᬗ᭄ᬕᬶᬄ᭛ᬓᬾᬦ᭄ᬓᬾᬦ᭄ᬩᬳᬦ᭄ᬫᬗᬶᬗᭂᬢᬦ᭄ᬢᭀᬳᬶᬕᬫ᭞ᬕᬫᬦᬾᬘᬭᬤᬶᬩᬮᬶ᭞ᬘᬭᬘᬭᬦᬶᬂᬕᬫ᭞ᬳᬧᬂᬘ᭄ᬦᬶᬂᬫᬶᬢᭂ
ᬢᭂᬲᬂ᭞ᬭᬶᬂᬅᬃᬘ᭄ᬘᬫᬶᬯᬄᬘᬡ᭄ᬥᬶ᭞ᬢ᭄ᬯᬄᬤᬶᬢᬸᬦ᭄ᬭᬗᬂ᭞ᬧᬫᬃᬕ᭄ᬕᬶᬦ᭄ᬳᬶᬤᬦᬾᬭᬶᬳᬶᬦ᭄᭛ᬬᬦᬶᬂᬘ᭄ᬦᬶᬂᬢᭀᬦ᭄ᬤᬾᬦ᭄ᬢᬢᬲ᭄ᬢ᭄ᬓᬾᬦᬵᬕᬫ᭞ᬮᬯᬸᬢᬂᬘ᭄ᬦᬶᬂᬫᬦᬗ᭄ᬓᬶᬮ᭄᭞
ᬭᬶᬂᬳᬶᬤᬲᬂᬧ᭄ᬭᬚ᭄ᬜᬦ᭄᭞ᬭᬾᬄᬳᬶᬤᬧᬢᬸᬢ᭄ᬗᬫᭂᬮᬂ᭞ᬢᬢᬓ᭄ᬭᬫᬦᬾ ᬤᬶᬩᬮᬶᬳᬸᬭᬸᬦᬦ᭄ᬤᬯ᭞ᬪᬕᬯᬦ᭄ᬤᬦᬾ ᬭᬶᬳᬶᬦ᭄᭞ᬲᬸᬩᬲᬶᬦᬄᬳᬤᬩᬸᬓ᭄ᬢᬶ
Kaca:Bali-lontar-gaguritan-putra-sasana-01-350ppi.pdf/20
Kaca puniki sampun kauji-wacén
