[᭕ 5B]
᭕
ᬳᬤᬩᬕᬸᬲ᭄ᬫᬗᬸᬭᬦᬂ᭞ᬜᬮᬾᬬᬾᬕ᭄ᬫᬲᭂᬩᭂᬂᬓᭂᬜᬶᬃ᭞ᬢᬍᬓ᭄ᬢᭂᬓᬂᬩᬕᬸᬲ᭄ᬫᬢᬄ᭞ᬩᬳᬦ᭄ᬧᬕᬯᬾᬦᬾᬗᬹᬦᬶ᭞ᬲᭀᬓ᭄ᬫᬓᬫᬸᬮᬗᬧᬶᬓ᭄᭞ᬢ᭄ᬯᬭᬫᬗᬶᬦ᭄ᬢᬸᬗᬂᬢᬸᬬᬸᬄ᭞ᬫᬜᬫ᭄ᬧ
ᬢ᭄ᬫᬭᬧᬹᬲᬶᬓᬦ᭄᭞ᬢ᭄ᬯᬭᬫᬗᬚᬶᬦᬂᬯᬶᬥᬶ᭞ᬲᬗ᭄ᬓᬦᬩᬕᬸᬲ᭄᭞ᬩᭂᬮᭀᬕ᭄ᬢ᭄ᬯᬭᬫᬗᭂᬮᬄᬯᬗ᭄ᬰ᭟ᬳᬤᬦᬓ᭄ᬢᬶᬭᬶᬂᬪᬝᬭ᭞ᬢᬶᬢᬶᬓ᭄ᬫᬳᬢᬸᬭᬦ᭄ᬲᬳᬶ᭞ᬢ᭄ᬯᬭᬫᬤᬸᬮᬸᬭᬦ᭄ᬤᬸᬧ᭞ᬓᬸ
ᬫᭂᬮ᭄ᬗᬗ᭄ᬕᭀᬓᬫ᭄ᬩᭂᬦ᭄ᬤᬓᬶ᭞ᬓᬾᬦᬾᬲᬮᬄᬦᬾᬤᬸᬫᬤᬶᬲᬸᬕᬶᬄ᭞ᬳᬗ᭄ᬳᬶᬂᬲᬓᬶᬢ᭄ᬭᬸᬫ᭄ᬧᬸᬄ᭞ᬢᭀᬂᬤᬤᬶᬫᬢᬶᬦ᭄ᬤᬓᬦ᭄᭞ᬓᬾᬯᬮᬳᬶᬤᬸᬧ᭄ᬩᬵᬦ᭄ᬫᬸᬜᬶ᭞ᬫᭂᬤᭂᬫ᭄ᬩᬗᬸᬦ᭄᭞ᬲᭀᬓ᭄ᬢ᭄ᬯᬭᬓᬸᬯᬗᬦ᭄ᬳ
ᬫᬄ᭟ᬦᬾᬩᬕᬸᬲ᭄ᬚᭂᬕᬾᬕ᭄ᬫᬗᬬᬂ᭞ᬢᬸᬃᬫᬦᬶᬂᬬᬧ᭄ᬭᬚ᭄ᬜᬦ᭄ᬭᬶᬭᬶᬄ᭞ᬓᬳᬦᬦ᭄ᬳᬱ᭄ᬝᬓᭀᬲᬮ᭞ᬓᬾᬦᬾᬧᬮᬤ᭄ᬜᬦᬾᬍᬯᬶᬄ᭞ᬫᬩ᭄ᬭᬢᬰᬶᬯᬭᬵᬢ᭄ᬭᬶ᭞ᬢᭂᬮᬲ᭄ᬩᬓ᭄ᬢᬶᬭᬶᬂᬲᬂᬧ᭄ᬭᬪᬸ᭞ᬫ
[᭖ 6A]
ᬓᬤᬶᬭᬶᬂᬲᬂᬧᬡ᭄ᬟᬶᬢ᭞ᬭᬯᬸᬳᬶᬂᬪᬝᬭᬯᬶᬥᬶ᭞ᬲᬗ᭄ᬓᬦ᭄ᬢᬸᬳᬸ᭞ᬫᬯᬗ᭄ᬰᬓᬲᬸᬩᬂᬚᬕᬢ᭄᭟ᬳᬯᬓ᭄ᬩᭀᬘᭀᬓ᭄ᬓᬓᬄᬤᬸᬗ᭄ᬓᬄ᭞ᬢᬾᬢᬾᬄᬳᬍᬧ᭄ᬬᬫᬫᬸᬜᬶ᭞ᬢᬸᬯᬄᬧᬕ
ᬯᬾᬦᬾᬓᬸᬦ᭞ᬢᬶᬯᬲ᭄ᬢᭀᬂᬢᬳᬾᬦ᭄ᬫᬫᬮᬶᬂ᭞ᬓᬧᬶᬲᬕᬫᬫᬶᬂ᭞ᬤᭂᬫᭂᬦ᭄ᬫᬦᬶᬗᭂᬳᬂᬓᬶᬤᬸᬂ᭞ᬲᬗ᭄ᬓᬦ᭄ᬩᭂᬮᭀᬕ᭄ᬧᬯᬓᬦ᭄᭞ᬧᬳᬶᬢᬸᬗᬦ᭄ᬜᬦᬾᬭᬶᬭᬶᬄ᭞ᬢᬶᬗ᭄ᬓᬄᬳᬮᬸᬲ᭄᭞ᬩᭀ
ᬘᭀᬓ᭄ᬢᭀᬂᬳᬤᬓᬯᬗ᭄ᬰᬦ᭄᭟ᬦᬾᬦᬾᬧᬾᬭᭀᬢ᭄ᬧᬾᬗ᭄ᬓᭀᬄᬧᬶᬜ᭄ᬘᬂ᭞ᬢᬸᬤᬸᬄᬧᬕᬯᬾᬦᬾᬗᬸᬦᬶ᭞ᬮᬗ᭄ᬓᬩ᭄ᬢᭂᬓᬾᬦ᭄ᬓᬫᬶᬫᬶᬢᬦ᭄᭞ᬓ᭄ᬭᭀᬥᬜᭂᬓ᭄ᬚᭂᬓ᭄ᬫᬦᬶᬜ᭄ᬚᬓᬶᬦ᭄᭞ᬳᭂᬦ᭄ᬢᭀ
ᬢᭂᬫ᭄ᬯᬂᬚᬦᬶ᭞ᬫᬮᬶᬄᬲᬦᬾᬢᬶᬓᭂᬮ᭄ᬢᬸᬓᬸᬂ᭞ᬦᬾᬫᬢᬶᬲᬓᬮᬯᬲ᭄᭞ᬕᬯᬾᬦᬾᬗᬸᬦᬶᬫᬫᬮᬶᬂ᭞ᬤᬤᬶᬳᬶᬩᬸᬓ᭄᭞ᬓ᭄ᬭᬡᬦᬾᬚᬦᬶᬢᭂᬫ᭄ᬯᬂ᭟ᬦᬾᬧᬾᬘᬾᬂᬩᬸᬢᬓᬸᬢᬶ
Kaca:Bali-lontar-gaguritan-purwa-karma-300ppi.pdf/6
Kaca puniki sampun kauji-wacén
