Kaca:Bali-lontar-gaguritan-pura-dalem-abyantubuh-300ppi.pdf/8

Saking Wikisource
Kaca puniki sampun kauji-wacén

[᭗ 7B]

ᬩᬮᬶᬫᬓ᭄ᬯᬾᬄᬧ᭄ᬭᬧ᭄ᬢᬶ᭞ᬯᬓᬶᬮ᭄ᬧᬓ᭄ᬪᬸᬧᬢᬶᬧ᭄ᬭᬧ᭄ᬢ᭞ᬅᬦ᭄ᬢᬭᬪᬯᬦᬵᬦᬫᬶ᭞ᬢᬍᬃᬳᬗᬸᬧᬵᬤᬾ᭠ᬰᬶ᭞ᬦ᭄ᬕᭂᬲ᭄ᬦᬫ᭄ᬩᬸᬢ᭄ᬗᬸᬘᬧ᭄ᬳᬭᬹᬫ᭄᭞ᬤᬕᬶᬂᬫᬗᬬᬸᬩᬕ᭄ᬬ᭞ᬳᭀᬮᬶᬄᬓᬲᬶᬤᬵᬦᬶᬂᬕᬢᬶ᭞ᬫᬤᬓ᭄ᬦᬸᬮᬸᬲ᭄ᬳᬬᬸᬧᬰ᭄ᬯᬾᬘᬦ᭄ᬪ᭠
ᬝᬭ᭟ᬢᬶᬦᬶᬫ᭄ᬩᬮ᭄ᬯᬓᬶᬮ᭄ᬧᬅ᭄ᬘᬫᬢ᭄᭞ᬜᬫ᭄ᬩᬸᬢ᭄ᬫᬶᬢᬸᬮᬹᬲ᭄‌ᬦ᭄ᬥᬸᬦᬶᬦ᭄᭞ᬫᬗᬬᬸᬩᬕ᭄ᬬᬭᬶᬲᬶᬭᬦ᭄᭞ᬲᬂᬦᬸᬚᬸᬫᬢ᭄ᬯᬗᬾᬯᬶᬥᬶ᭞ᬢᬍᬃᬯᬦ᭄ᬢᬄᬗᬸᬧᬥᬶ᭞ᬰ᭄ᬯᬾᬘ᭄ᬙᬦᬶᬂᬳ᭄ᬬᬂᬦᬸᬮᬸᬲ᭄ᬳᬬᬸ᭞ᬦᬶᬫ᭄ᬩᬮ᭄ᬲᬂᬫᬥ᭄ᬬᬲᬸᬝ᭞ᬳᬦᬵᬫ᭄ᬩᬸᬢ᭄ᬧ
ᬯᬶᬚᬶᬮᬭᬶᬲ᭄᭞ᬮᬫ᭄ᬧ᭄ᬬᬲ᭄ᬮᬃᬢᬍᬃᬤᬕᬶᬂᬗᬬᬸᬩᬕ᭄ᬬ᭟ᬭᬶᬂᬲᬂᬳᬤ᭄ᬯᬾᬓᬭᬡ᭞ᬳᬫᬗᬸᬦ᭄ᬧᬸᬭᬧᬸᬦᬶᬓᬶ᭞ᬪᬹᬓ᭄ᬢᬶᬫ᭄ᬩ᭄ᬯᬢᬂᬅᬕᬫ᭞ᬘᬶᬳ᭄ᬦᬦᬶᬂᬳᬢ᭄ᬯᬂᬭᬶᬂᬯᬥᬶ᭞ᬭᬹᬯᬵᬢᬦ᭄ᬗᬾᬢᬂᬗᬚ᭄ᬭᬶᬄ᭞ᬧᬦ᭄ᬮᬲ᭄ᬤᬶᬦ᭄ᬧ᭄ᬭᬫᬦᬮᬸᬮᬹᬄ᭞᭠
ᬓᬾᬯᬦ᭄ᬢᭂᬦ᭄ᬲᬶᬤᬾᬂᬧᬢ᭄ᬫ᭞ᬧᬸᬧᬸᬢᬾᬲ᭄ᬓᬤᬶᬫᬗ᭄ᬓᬶᬦ᭄᭞ᬫᬗᬯᬶᬦᬂᬮᬜ᭄ᬘᬃᬦᬾᬫᬗ᭄ᬓᬶᬦ᭄ᬧᬶᬦ᭄ᬭᬲᬦ᭄᭟ᬦᬶᬫ᭄ᬩᬮ᭄ᬧᬫᬶᬤᬃᬢ᭄ᬣᬦᬶᬲᬂᬚ᭄ᬬᬾᬱ᭄ᬝᬯᬶᬃᬬ᭄ᬬᬫᬗ᭄ᬯᬓᬶᬮᬶᬦ᭄᭞ᬧᬦᬶᬯ᭄ᬬᬲ᭄ᬓᬤᬶᬓᭀᬘᬧ᭄᭞ᬦᬾᬲᬫ᭄ᬧᬹᬦ᭄ᬭᬶᬂᬗ᭠
[᭘ 8A]
ᬚᭂᬂᬗᬸᬦᬶ᭞ᬫᬗ᭄ᬓᬶᬦ᭄ᬭᬭᬶᬲ᭄ᬢᬹᬫᬸᬮᬶᬄ᭞ᬢᬶᬢ᭄ᬬᬂᬓᬰᬋᬂᬗᬫᬸᬯᬸᬲ᭄᭞ᬜᬫ᭄ᬩᬸᬢ᭄‌ᬗ᭄ᬕᬢ᭄ᬭᬗ᭄ᬕᬢ᭄ᬭᬬᬂ᭞ᬲᬫᬺᬢᬶᬦᬶᬂᬓᬶᬤᬶᬓ᭄ᬓᬶᬤᬶᬓ᭄᭞ᬲᬹᬓ᭄ᬱ᭄ᬫᬦᬶᬂᬧᬸᬭᬤᬍᬫ᭄ᬧ᭄ᬭᬚ᭄ᬚᬧᬢ᭄ᬬ᭟ᬅᬫ᭄ᬧᬹᬭᬬᬂᬲᬋᬂᬲᬫ᭄ᬬᬦ᭄᭞ᬳᬦ᭄ᬢᬸᬓ᭄ᬧᬫᬗ᭄ᬕᬶᬳᬾᬓᬶᬜ᭄ᬘᬶᬢ᭄᭞
ᬢᬸᬳᬸᬦ᭄ᬲᭀᬓ᭄ᬓᬾᬯᬦ᭄ᬢᭂᬦ᭄ᬓᬸᬘᬧ᭄᭞ᬯᬶᬓᬹᬯ᭄ᬓᬲ᭄ᬫᬸᬥᬵᬧᬶᬗ᭄ᬕᬶᬃ᭞ᬗ᭄ᬳᬶᬂᬤᬵᬢ᭄ᬲᬬᬂᬧᬸᬘᬶᬗᬶᬦ᭄᭞ᬧᬫ᭄ᬭᬶᬳᬶᬂᬲᬂᬦᬸᬚᬸᬳᬬᬸ᭞ᬓᬹᬘᬧ᭄ᬫᬗᬸᬭᬸᬂᬥᬃᬫ᭄ᬫ᭞ᬧᬶᬢ᭄ᬓᭂᬢ᭄ᬮᬶᬂᬫᬳᬵᬬᬢᬶ᭞ᬦᬾᬗᬯᬶᬦᬂᬗ᭄ᬮᬮᬸᬳᬶᬤᬹᬃᬫ᭄ᬫᬗᬢᬸᬭᬂ᭚᭜᭚ᬲ
ᬓᬶᬂᬗᬯᬶᬢ᭄ᬳᬶᬧᬹᬱ᭄ᬧᬵᬤᬹᬃᬫ᭄ᬫᬗᬵᬢᬸᬭᬂ᭞ᬰ᭄ᬯᬮᬶᬗ᭄ᬕᬦ᭄ᬳ᭄ᬬᬂᬧ᭄ᬭᬚ᭄ᬚᬧᬢᬶ᭞ᬧᬥ᭄ᬫᬬᭀᬡᬶᬓᬧᬢ᭄᭞ᬯᬵᬓ᭄ᬢ᭄ᬭᬢᬗ᭄ᬲᬄᬭᬶᬂᬓᬦᬦ᭄᭞ᬧᬸᬭᬤᬍᬫ᭄‌ᬤᬹᬃᬖ᭄ᬕᬵᬧᬢᬶ᭞ᬫᬳᬃᬤ᭄ᬥᬦᬾᬰ᭄ᬯᬃᬬ᭞ᬰᬶᬯᬵᬓᬵᬮᬭᬹᬤᬺᬫᬹᬃᬢ᭄ᬢᬶ᭟ᬫ᭠
ᬤᬶᬲ᭄ᬢᬦᬮᬶᬦᬶᬗ᭄ᬕᬭᬶᬂᬓ᭄ᬭᭀᬥᬤᬾᬰ᭞ᬢᬸᬳᬸᬦ᭄ᬓᬮᬶᬓᬵᬚᬸᬢᬶ᭞ᬰᬭᬡᬘᬭᬓ᭞ᬫᬾᬗᭂᬢ᭄ᬚ᭠ᬕ᭄ᬭᬗᬾᬮᬶᬗᬂ᭞ᬫᬱᬧ᭄ᬭᬮᬶᬡᬦᬶᬂᬚᬦ᭄ᬫᬶ᭞ᬢ᭄ᬓᬦᬶᬂᬳᬦ᭄ᬢᬓ᭞ᬰᬭᬶᬭᬫᬳᬩᭀᬳᬫᬶᬲ᭄᭟ᬫᬤᬹᬃᬖ᭄ᬕᬵᬡ᭄ᬤᬵᬲ