Kaca:Bali-lontar-gaguritan-pura-dalem-abyantubuh-300ppi.pdf/7

Saking Wikisource
Kaca puniki sampun kauji-wacén

[᭖ 6B]

ᬢ᭄ᬘᬢ᭄ᬭᬶᬧᬸᬦᬶᬓᬯᬦᬶᬣ᭟ᬜᬾᬫᬦ᭄ᬳᬶᬢᭀᬓ᭄ᬓᭀᬫᬂᬓ᭄ᬭᬾᬫ᭄ᬧᬂ᭟ᬓ᭄ᬢᬸᬢ᭄ᬧᬳᬂᬯᬬᬦ᭄ᬧ᭄ᬭᬣᬶ᭞ᬲᬸᬧᬶᬃ᭠ᬫᬶᬯᬄᬧᬕᬸᬭ᭄ᬯᬦ᭄᭞ᬦᬶᬯᬬᬦ᭄ᬧᬸᬭᬵᬦᬶᬰᬰᬶᬄ᭞ᬩᬶᬅ᭄ᬓᬾᬜᬶᬂᬓ᭄ᬢᬸᬢ᭄ᬭᬓᬶᬄ᭞ᬦᬶᬮᬸᬄᬘᬢ᭄ᬭᬶᬓᬭᬂᬲ᭄ᬮᬸᬫ᭄ᬩᬸᬂ᭞ᬫᬤᬾᬭ᭄ᬬ
ᬗ᭄ᬲᬥᬦ᭞ᬫᬥᬾᬕ᭄ᬥᬾᬫᬥᬾᬫᬸᬲ᭄ᬢᬶ᭞ᬓᭀᬫᬂᬋᬦᬹᬫᬶᬯᬄᬕᬸᬲ᭄ᬢᬶᬩᬕᬸᬲ᭄ᬢᬦᬵ᭟ᬕᬸᬲ᭄ᬢᬶᬫᬥᬾ᭠ᬚᬕ᭄ᬫᬫ᭄ᬯᬄ᭞ᬓᭀᬫᬂᬥᬃᬫ᭄ᬫᬓᭀᬫᬂᬕᭂᬦ᭄ᬢᬶ᭞ᬫ᭄ᬯᬂᬕᬸᬲ᭄ᬢᬶᬯᬬᬦ᭄ᬲᬶᬩ᭄ᬢᬦ᭄᭞ᬩᬶᬅ᭄‌ᬚ᭄ᬮᬶᬦ᭄ᬢᬄᬓᬤᬾᬅ᭄ᬤᬶᬧᬦᬶ᭞ᬫᬓᬤᬶᬓᬂ
ᬧᬦᬶᬣᬶ᭞ᬩ᭄ᬯᬢ᭄ᬫᬢᬸᬭᬦ᭄ᬫᬩ᭄ᬭᬶᬬᬹᬓ᭄᭞ᬫᬗᬃᬬ᭄ᬬᬦᬶᬦ᭄ᬢᬦ᭄‌ᬢ᭄ᬮᬕ᭄᭞ᬳᬫᭀᬕᬵᬧᬸᬧᬸᬢᬾᬮᬭᬶᬲ᭄᭞ᬮᬜ᭄ᬘᭂᬃᬓᬤᬶᬫᬗ᭄ᬓᬶᬦ᭄ᬜᬶᬤᬬᬂᬫᬮᬲ᭄‌ᬧᬲ᭄᭟ᬭᬶᬂᬤᬶᬦᬭᬲ᭄ᬧᬢᬶᬯᬕ᭄ᬬ᭞ᬫᬤᬗ᭄ᬓᬸᬂᬢᬗ᭄ᬕᬮ᭄ᬧᬵᬢ᭄ᬰᬰᬶᬄ᭞ᬓ᭄ᬤᬰᬲ
ᬫ᭄ᬧᬹᬦ᭄‌ᬭᬄᬢᬸᬗ᭄ᬕᬮ᭄᭞ᬢᭂᬗ᭄ᬕᭂᬓ᭄ᬱ᭄ᬬᬵᬰᬓᬵᬱ᭄ᬬᬵᬩᬗ᭄ᬲᬶᬢ᭄᭞ᬲᬗ᭄ᬳᬵᬂᬤᬰᬳᬲᬶᬓᬶ᭞ᬢᬗ᭄ᬕᬮ᭄ᬦᬵᬲ᭄ᬬᭀᬦᬵᬮ᭄ᬭᭀᬂᬧᬸᬧᬸᬄ᭞ᬧᬾᬩ᭄ᬭᭀᬅᬭᬶᬢᬂᬗᬸᬮᬦ᭄᭞ᬢᬳᬸᬦ᭄‌ᬲ᭄ᬬᬸᬲᬗ᭄ᬳᭃᬱᬤ᭄ᬥᬰᬶ᭞ᬲᬗ᭄ᬳᭃᬦᬗ᭄ᬕᬸᬢ᭄ᬧᭂᬢ᭄ᬚᬫ᭄ᬮᬶ᭠
[᭗ 7A]
ᬫᬵᬧᬶᬦ᭄ᬭᬲᬦ᭄᭟ᬅᬢ᭄ᬬᬦ᭄ᬢᬭᬫ᭄ᬬᬫᭂᬭᬶᬬᬄ᭞ᬲᬂᬭᬯᬸᬄᬫ᭄ᬗᬢᬹᬃᬪᬓ᭄ᬢᬶ᭞ᬓ᭄ᬭᬶᬕᭂᬦ᭄ᬤᬕᬶᬂᬘᬓᬺᬱ᭄ᬮᬢᬦ᭄᭞ᬦᬾᬫᬯᬶᬢ᭄ᬫᬤᬲᬃᬪᬓ᭄ᬢᬶ᭞ᬭᬶᬤᬍᬫ᭄ᬧ᭄ᬭᬚᬧᬢ᭄ᬣᬶ᭞ᬢᬸᬯᬶᬗᬬᭀᬦᬶᬧᬦ᭄ᬥᬸᬮᬸ᭞ᬫᬦᬸᬢ᭄ᬢᬩᬸᬄᬰ᭄ᬭᬗ᭄ᬕᬭᬵ᭞ᬲᬸᬲᬶᬮᬦᬶᬂᬢ
ᬢᬵᬓ᭄ᬭᬫᬶ᭞ᬫᬜᬶᬳ᭄ᬦᬬᬂᬲᬸᬘᬶᬢ᭄ᬣᬰ᭄ᬭᬸᬲᬾᬂᬪᬝᬭ᭟ᬢᬫ᭄ᬬᬸᬮ᭄ᬯᬃᬤᬾᬰᬓᬝᬄ᭞ᬭᬶᬂᬚᬩᬦ᭄ᬧᬸᬭᬦᬾᬢᬶᬢᬶᬩ᭄᭞ᬳᬢᬢᬵᬮᬸᬗ᭄ᬕᬸᬳᬾᬳᬢᬧ᭄᭞ᬧᬭᬫᬗ᭄ᬕᬮᬦᬾᬮᬶᬗ᭄ᬕᬶᬄ᭞ᬲᭂᬲᭂᬓ᭄ᬫᬧᬶᬦ᭄ᬢᬶᬧᬶᬮ᭄ᬧᬶᬮ᭄᭞ᬭᬶᬂᬗᬚᭂᬂᬢ᭄ᬯᬶᬫᬵ
ᬦᬹᬢ᭄ᬮᬸᬗ᭄ᬕᬸᬄ᭞ᬦᬾᬲᬓᬶᬂᬘᬓᬺᬯᬾᬢᬦ᭄᭞ᬘᬓᬺᬮᬾᬃᬓᬸᬮᭀᬦ᭄ᬗ᭄ᬭᬯᬸᬳᬶᬦ᭄᭞ᬫᬶᬯᬄᬯᬓᬶᬮ᭄ᬧᬅ᭄ᬘᬫᬢ᭄ᬘᬓ᭄ᬭᬦᬕᬭᬵ᭟ᬫᬗ᭄ᬕᬮᬵᬤᬶᬦᭂᬲ᭄ᬳᬕᬫ᭞ᬇᬡ᭄ᬥᬸᬩᬮᬶᬪᬸᬤ᭄ᬥᬧ᭄ᬭᬧ᭄ᬢᬶ᭞ᬲᬂᬫᬥ᭄ᬬᬵᬢ᭄ᬫᬚᬓᬶᬦᬸᬘᬧ᭄᭞ᬢᬸᬭᬦᬫ᭄ᬩᬸᬢ᭄ᬗᬸ᭠
ᬧᬤᬾᬰᬶ᭞ᬫᬮᬶᬄᬓ᭄ᬧᬮᬤᬾᬰᬶ᭞ᬘᬓᬺᬤᬓ᭄ᬱᬶᬡᬢ᭄ᬯᬶᬭᬯᬸᬄ᭞ᬲᬓᬶᬂᬓᬶᬝᬫᬢᬭᬫ᭄᭞ᬓᬝᬄᬢᬫ᭄ᬬᬸᬫᬗ᭄ᬭᬫ᭄ᬬᬦᬶ᭞ᬧᬭᬧ᭄ᬮᬚᬃᬲ᭄ᬓᭀᬮᬄᬫᬦ᭄ᬗᬄᬅᬢᬲ᭄᭟ᬧᬭᬲᬶᬱ᭄ᬬᬵᬧᬾᬕᬾᬆ᭞ᬇᬡ᭄ᬥᬸ᭠