[᭔᭑ 41B]
᭔᭑
ᬧ᭄ᬢᬾᬫ᭄ᬩᭂᬭᬶᬂᬫᬦᬸᬚᬹᬢᬳᬸᬦ᭄᭟ᬲᬹᬃᬬ᭄ᬬᬦᬾᬫᬜ᭄ᬚᬶᬗ᭄ᬕᬸᬳ᭄ᬬᬢᬶᬭᬱᬵᬲᬶᬬ᭄ᬬ᭞ᬤᬤᭀᬲ᭄ᬢ᭄ᬭ᭄ᬬᬚ᭄ᬜᬡᬯᬶᬪᬹᬄ᭞ᬢᬶᬕᬦᬾᬧᬶᬂᬢ᭄ᬮᬸ᭞ᬫ᭄ᬢᬸᬦᬯᬤᬾᬯᬤᬾᬯᬷ᭞ᬲᬗ᭄ᬓᬦᬶᬂᬓᬦᬹᬢᬂ᭞ᬲᬯᬵᬱ᭄ᬝᬧᬺᬦᬯᬓᬸᬯᬸᬲ᭄᭞ᬳᬸᬗ᭄ᬕ᭄ᬯᬦᬶᬂᬫᬜ᭄ᬯ᭠
ᬱ᭄ᬝ᭞ᬰᬯᬵᬲ᭄ᬢᬸᬮᬓᬪᬱ᭄ᬫᬶ᭞ᬫᬦ᭄ᬤᬤᬶᬅᬱ᭄ᬝᬶᬯᬾᬥᬦ᭞ᬤᬹᬃᬖ᭄ᬕᬧ᭄ᬭᬚ᭄ᬚᬧᬢᬶᬳᬫᬬᬹᬂ᭟ᬲᬂᬳ᭄ᬬᬂᬯᬶᬥ᭄ᬬᬰᬩᬳᬵᬰ᭄ᬯᬶᬦ᭄ᬫ᭄ᬭᬢ᭄ᬬᬓ᭄ᬱᬬᬂ᭞ᬪᬲ᭄ᬫ᭄ᬬᬦᬶᬂᬭᬢᬶᬳᬢᬦᬹ᭞ᬲᬸᬪᬵᬲᬸᬩ᭄ᬓᬃᬫᬾᬮᬹᬓᬢᬹᬭᬾᬗ᭄ᬳ᭄ᬬᬂᬧ᭄ᬭᬚ᭄ᬚᬧᬢᬶ᭞ᬭᬹᬤᬺᬫᬹᬃᬢ᭄ᬢᬶ᭠
ᬓᬵᬮ᭞ᬰᬶᬯᬬᭀᬡᬶᬯᬓ᭄ᬢ᭄ᬭᬘᬢᬹᬃ᭞ᬥᬃᬫ᭄ᬫᬚ᭄ᬜᬡᬥᬾᬃᬬ᭄ᬬ᭞ᬯᬾᬭᬕ᭄ᬬᬦᬶᬲ᭄ᬧᬭᬶᬕ᭄ᬭᬳᬶ᭞ᬫᬃᬕ᭄ᬕᬦᬶᬂᬫᭀᬓ᭄ᬲᬓᬗᬵᬢ᭄ᬫ᭞ᬲᬥ᭄ᬬᭀᬓ᭄ᬭᬡ᭄ᬝᬶᬮᬶᬡᬦᬶᬗ᭄ᬦᬸ᭟ᬫᬗ᭄ᬓᬶᬦ᭄ᬯᬶᬦᬮ᭄ᬬᬦᬶᬂᬓᬝᬦᬾᬓᬶᬦᬸᬘᬧ᭄᭞ᬯᬢᬭᬲᬫ᭄ᬧᬹ
ᬚᬫ᭄ᬘᬢᬹᬃ᭞ᬩ᭄ᬭ᭄ᬬᬸᬫᬶᬭᬯᬸᬄ᭞ᬧᬫᭂᬦ᭄ᬤᬓᬾᬮᬦᬂᬳᬶᬲ᭄ᬢ᭄ᬭᬶ᭞ᬲᬳᭃᬢᬢᬩᬸᬳᬦ᭄᭞ᬩᬮᬕᬜ᭄ᬚᬸᬭᬾᬫᬗ᭄ᬭᬸᬤᬸᬓ᭄᭞ᬭᬶᬂᬚᬩᬦ᭄ᬧᬸᬭ᭄ᬬᬦ᭄ᬳᬶᬕᬸᬲ᭄ᬢᬶᬓᭂᬢ᭄ᬯᬧᬦᬶᬣᬶ᭞ᬫᬫᭂᬦ᭄ᬤᬓ᭄ᬲᬫ᭄ᬩᬬᬸᬢ᭄ᬤᬾᬯ᭟ᬧᬜ᭄ᬘᬮᬶᬗ᭄ᬕᬉᬢ᭄ᬢᬫ
[᭔᭒ 42A]
ᬦᬶᬧᬸᬦ᭄᭟ᬳᬸᬫᬶᬚᬶᬮᬭᬶᬲ᭄ᬫᬫᬃᬕᬶᬓᬳᬶᬭᬶᬗᬂ᭞ᬧᬗᬺᬫ᭄ᬧᭂᬕ᭄ᬳᬶᬲ᭄ᬢ᭄ᬭᬶᬓᬓᬹᬂ᭞ᬢᬢᬩᬸᬳᬦ᭄ᬫᬸᬳᬸᬕ᭄᭞ᬢᬦ᭄ᬧ᭠ᬢ᭄ᬫᬗᬸᬘᬶᬢᬶᬢᬶᬃ᭞ᬳᬦᬹᬢ᭄ᬫᬮᭀᬦ᭄ᬮᭀᬦᬦ᭄᭞ᬫᬫᬃᬕᬶᬦ᭄ᬳᬓ᭄ᬱᬶᬡᬦᬸᬚᬸ᭞ᬫᬘᬫ᭄ᬧᬹᬓ᭄ᬭᬶᬂᬤᬵᬮᬦ᭄᭞ᬘᬢᬹᬲ᭄ᬧᬝᬦᬶᬂ
ᬫᬃᬕ᭄ᬕᬶ᭞ᬦᬾᬲᬓᬶᬂᬓᬶᬤᬸᬮ᭄ᬫ᭄ᬯᬄᬯᬾᬢᬦ᭄᭞ᬲᬫᬶᬗ᭄ᬕᬯᬩᬦ᭄ᬢᭂᬦ᭄ᬲᬫ᭄ᬩᬬᬹᬢ᭄᭟ᬲᬸᬘᬶᬲ᭄ᬫᬶᬣᬢᬦ᭄ᬫᬭᬶᬓᬳᬚᭂᬗᬂ᭞ᬉᬢᬫᬩᬦ᭄ᬢᭂᬦ᭄ᬓᬳᬢᬹᬃ᭞ᬧᬸᬮᬕᬾᬫ᭄ᬩᬮ᭄ᬲᬸᬫ᭄ᬩᬸ᭞ᬲ᭄ᬓᬃᬢᬫᬦ᭄ᬓᬼᬧᬶᬓ᭄ᬘᭂᬗ᭄ᬓᬶᬃ᭞ᬩᬩᬮᬶᬫᬕᬬᬄ᭞ᬕᬸᬮᬶᬂᬧᬩᬗ᭄ᬓᬶ
ᬢᬾᬓᬢᬹᬃ᭞ᬫᬬᬦᬶᬂᬢ᭄ᬭᬶᬪ᭄ᬯᬦ᭞ᬲᬹᬃᬬ᭄ᬬᬘᬵᬦ᭄ᬤ᭄ᬭᬢ᭄ᬭᬗ᭄ᬖᬡᬶ᭞ᬳᬯᬸᬦᬵᬯᬸᬦ᭄ᬳᬶᬦ᭄ᬤᬺᬘᬧᬵ᭞ᬢᬾᬚᬕᬸᬮᬶᬂᬗᬤᭂᬕ᭄ᬓᬸᬓᬹᬯᬸᬂ᭟ᬫᬓᬰᬭᬶᬲᬜ᭄ᬚᬣᬦᬯᬤᬾᬯᬣ᭞ᬩᬚᬺᬱᬶᬓᬗᬶᬦ᭄ᬫᬸᬗ᭄ᬕᬸᬄ᭞ᬜᬮᬂᬧᬸᬢᬶᬄᬗᭂᬦ᭄ᬧᬹᬃ᭞ᬤᬾᬯᬦᬾᬇᬰ᭄ᬯ
ᬭᬮ᭄ᬯᬶᬄ᭞ᬥᬹᬧᬵᬰ᭄ᬢ᭄ᬭᬫᬶᬰᭀᬭ᭞ᬭᬶᬂᬗᬕ᭄ᬦ᭄ᬬᬯᬃᬡ᭄ᬦᬤᬤᬹ᭞ᬥᬡ᭄ᬥᬵᬰ᭄ᬢ᭄ᬭᬤᬓ᭄ᬱᬶᬡ᭞ᬩ᭄ᬭᬳ᭄ᬫᬵᬭᬯᬶᬸᬓ᭄ᬢᬯᬃᬡ᭄ᬦᬗᭂᬦ᭄ᬤᬶᬄ᭞ᬦᬾᬢᬶᬝᬶᬫᭀᬓ᭄ᬲᬮᬭᬹᬤᬺ᭞ᬓᬧᬹᬭᬦ᭄ᬢᬯᬃᬡ᭄ᬦᭀᬯᬸᬫᬸᬭᬹᬩ᭄᭟ᬧᬰᬧᬵᬰ᭄ᬘᬶᬫᬦᬾᬓᬸᬦᬶᬂᬫᬳᬵ᭠
Kaca:Bali-lontar-gaguritan-pura-dalem-abyantubuh-300ppi.pdf/42
Kaca puniki sampun kauji-wacén
