[᭓᭙ 39B]
᭓᭙
ᬳᬬᬸᬢᬦ᭄ᬧᬲᬶᬗ᭄ᬲᬶᬗᬶ᭞ᬩᬺᬰᬶᬄᬦᭂᬢᭂᬕᬶᬂᬕᬹᬳ᭄ᬬᬦ᭄ᬢᬵ᭞ᬲᬸᬘᬶᬕ᭄ᬦᬶᬂᬯᬶᬲᬸᬤ᭄ᬥᬵᬓᬸᬮᬸᬲ᭄᭟ᬧᬫᬭᬶᬲᬸᬥᬦᬶᬗ᭠ᬢᬶᬦᬶᬂᬚᬶᬯᬵᬗ᭄ᬕᬵ᭞ᬫᬹᬃᬘ᭄ᬙ᭄ᬬᬢᬶᬲᬮ᭄ᬯᬶᬃᬍᬢᬸᬄ᭞ᬫᬶᬦ᭄ᬭᬲᬦᬶᬂᬓᬳ᭄ᬬᬸᬦ᭄᭞ᬯᬶᬦᬰᬦᬶᬂᬭᬕᭀᬳᬢᬶ᭞ᬓᬶᬦᬸᬮᬯᬶᬲᬸᬤ᭄ᬥᬵ
ᬦᬶᬂᬗᬗ᭄ᬕᬵᬫᬦ᭄ᬤᬤᬶᬳᬕᬸᬂ᭞ᬳᬶᬦᬸᬧᬲᬓ᭄ᬲ᭄ᬬᬂ᭞ᬳᬶᬂᬅᬦ᭄ᬥᬪ᭄ᬯᬦᬵᬕᬸᬂᬳᬮᬶᬢ᭄᭞ᬳᬹᬲ᭄ᬢ᭄ᬮᬄᬕᬮᬂᬳᬧᬥᬂ᭞ᬫᬹᬓ᭄ᬢᬂᬳᬶᬥᭂᬧ᭄ᬦᬗ᭄ᬲᬬᬾᬂᬳ᭄ᬬᬸᬦ᭄᭟ᬓᬹᬘᬧ᭄ᬭᬶᬂᬓᬶᬥᬹᬂᬯᬶᬭᬵᬣᬶᬲᬓᬾᬢ᭄ᬭᬂ᭞ᬲᬹᬓ᭄ᬱ᭄ᬫᬦ᭄ᬲᬧ᭄ᬢᬵᬦᬾᬫᬸᬗ᭄ᬕᬸᬄ᭞ᬢ᭄ᬕᭂᬲ᭄ᬕᬸᬲ᭄ᬢᬶᬳᬬᬸ
ᬯᬶᬭᬵᬣᬶᬧᬘᬂᬫᬩᬸᬜ᭄ᬘᬶᬂ᭞ᬮᬯᬦ᭄ᬕᬸᬲ᭄ᬢᬶᬥᬶᬓᬵ᭞ᬳᬶᬂᬲᬤᬵᬥᬃᬫ᭄ᬫᬧᬹᬭᬵᬕᬸᬂ᭞ᬯᬶᬦᬶᬥᬷᬯᬾᬥᬦ᭞ᬤᬾᬦᬶᬂᬧᬡ᭄ᬥᬶᬣᬲᬸᬘᬶ᭞ᬓᬂᬳᬹᬲ᭄ᬮᬶᬫ᭄ᬧᬤᬶᬂᬲᬹᬡ᭄ᬬᬣ᭞ᬫᬯᬾᬥᬡ᭄ᬝᬵᬧᬭᬕᬾᬂᬢᬦᬸ᭟ᬫᬉᬃᬥᬾᬂᬪᬹᬃᬪᬸᬯᬄᬰ᭄ᬯᬄᬢᬦ᭄ᬧᬩ᭄ᬮ
ᬢ᭄᭞ᬉᬫᬶᬰ᭄ᬯᬵᬲᬗ᭄ᬓ᭄ᬯᬶᬍᬪᬹ᭞ᬦᬶᬭᬦ᭄ᬲᬗ᭄ᬓ᭄ᬭᬡᬪᬹᬄ᭞ᬲᬮ᭄ᬯᬦᬶᬂᬲᬧ᭄ᬢᬵᬪᬸᬯᬦᬶ᭞ᬫᬗ᭄ᬯ᭄ᬬᬵᬧᬶᬯ᭄ᬬᬧᬓ᭞ᬰᬭᬶᬦᬶᬂᬧᬭᬢ᭄ᬫᬫ᭄ᬢᬸ᭞ᬦᭂᬢᭂᬕᬶᬂᬦᬶᬭᬢ᭄ᬫ᭞ᬳᭀᬫᭀᬮᬶᬄᬲᬗ᭄ᬓᬦ᭄ᬧᬭᬦᬶ᭞ᬫᬸᬗ᭄ᬕᬸᬄᬭᬶᬂᬉᬱᬦᬧᬤᬵ᭞ᬦᬶᬭᬓ᭄ᬱᬧᬹ᭠
[᭔᭐ 40A]
ᬫ᭄ᬮᬗ᭄ᬕᭂᬂᬦᬶᬃᬍᬢᬸᬄ᭟ᬫᬹᬃᬡ᭄ᬦᬶᬢᬶᬚ᭄ᬜᬡᬵᬥᬶᬲᬹᬡ᭄ᬬᬵᬢ᭄ᬫᬓᬵ᭞ᬧᬦᬶᬲ᭄ᬧᬭᬶᬕ᭄ᬭᬳᬾᬂᬢᬦᬸ᭞ᬅᬧᬦ᭄ᬳᬸᬃᬲᬵᬦ᭄ᬫᬸ᭞ᬲᬸ᭠ᬲᬡ᭄ᬥᬶᬢ᭄ᬧᭂᬢᬾᬗᬢᬶ᭞ᬢ᭄ᬯᬶᬩᬕ᭄ᬬᬫᬵᬡ᭄ᬝ᭞ᬲᬸᬓᬵᬢᬦ᭄ᬥᬸᬄᬓᬵᬫᬯᬦ᭄ᬢᬸᬦ᭄᭞ᬓᬾᬦ᭄ᬢᭂᬦ᭄ᬳ᭄ᬬᬦ᭄ᬳᬸᬲᬶᬤ᭄ᬥᬵ᭞ᬕᬸᬲ᭄ᬢᬶᬥᬶᬓᬵᬫ
ᬩᬸᬜ᭄ᬘᬶᬂ᭞ᬮᬯᬦ᭄ᬕᬸᬲ᭄ᬢ᭄ᬬᬵᬬᬸᬘᬶᬭᬵᬢ᭄ᬢ᭄ᬬᬵ᭞ᬓᬧᬸᬢᬸᬲᬦ᭄ᬮᬸᬋᬢ᭄ᬯᬶᬦᬸᬯᬸᬲ᭄᭚᭜᭚ᬩ᭄ᬭᬵᬳ᭄ᬫᬖ᭄ᬦᬵᬲ᭄ᬢᬸᬢᬶ᭟ᬯᬶᬤ᭄ᬬᬸᬢ᭄ᬫᬮ᭛᭜᭛ᬅᬁᬰᬶᬯᬵᬧᬸᬬ᭄ᬚᬝᬯᬾᬥ᭞ᬅᬓ᭄ᬱᬶᬪᬓ᭄ᬢᬶᬗ᭄ᬓᬸᬭᬶᬲᬗ᭄ᬳ᭄ᬬᬂ᭞ᬲᬗ᭄ᬳᬸᬫᬵᬯᬶᬸᬯᬓ᭄ᬮᬶᬭᬶᬂᬢᬾᬚᬵ
ᬳᬹᬫᬥᬗ᭄ᬳᬶᬢ᭄ᬭᬶᬮᭀᬓᬳ᭄ᬬᬂ᭛ᬪᬵᬲ᭄ᬯᬭᬃᬤ᭄ᬥᬳ᭄ᬬᬂᬗᬤᬶᬢ᭄ᬬ᭞ᬯᬵᬲ᭄ᬓᬶᬢᬧ᭄ᬯᬾᬓᬯᬵᬢᬸᬦ᭄ᬬ᭞ᬚᬶᬯᬶᬢᬵᬦᬶᬂᬤᬤᬶᬮᭀᬓ᭞ᬦ᭄ᬬᬧᬭᬵᬕᬦ᭄ᬢᬦᬹᬓ᭄ᬱ᭄ᬫᬾᬂᬚ᭄ᬭᭀ᭛ᬦ᭄ᬬᬵᬱ᭄ᬝᬦᬵᬳ᭄ᬬᬂᬭᬶᬓᬵᬦᬾᬂᬯ᭄ᬯᬂ᭞ᬮᬹᬳ᭄ᬬᬭᬶᬕᬸᬳ᭄ᬬᬦᬶᬂᬕᬃᬪ᭞ᬭᬶᬂ
ᬦᬪᬷᬯᬶᬡ᭄ᬥᬸᬭᬵᬳᬱ᭄ᬬ᭞ᬬ᭄ᬬᬵᬗ᭄ᬓᭂᬦᬵᬘᬶᬓ᭄ᬳ᭄ᬬᬦᬶᬂᬓᬹᬡ᭄ᬥ᭛ᬳ᭄ᬬᬂᬲ᭄ᬯᬳᬵᬦᬵᬫᬦᬶᬤᬾᬯᬶ᭞ᬫᬫ᭄ᬫᬦᬶᬫᬲ᭄ᬯᬳᬵᬫᬦ᭄ᬢ᭄ᬭ᭞ᬲ᭄ᬢᬸᬢ᭄ᬬᬦᬶᬂᬲᬗ᭄ᬳ᭄ᬬᬂᬗᬵᬖ᭄ᬦᬶᬓ᭞ᬤᬵᬫ᭄ᬧᬢᬶᬦ᭄ᬢᬤ᭄ᬥᬦᬾᬰ᭄ᬯᬃᬬ᭄ᬬ᭛ᬓᬢ᭄ᬭᬶᬭᬹᬧᬵᬦ᭄ᬢᬫᬹᬃᬢ᭄ᬢᬶᬳ᭄ᬬᬂ᭞ᬩ᭄ᬭᬵᬳ᭄ᬫᬯᬶᬱ᭄ᬡ᭄ᬯᬶ
Kaca:Bali-lontar-gaguritan-pura-dalem-abyantubuh-300ppi.pdf/40
Kaca puniki sampun kauji-wacén
