Kaca:Bali-lontar-gaguritan-pura-dalem-abyantubuh-300ppi.pdf/39

Saking Wikisource
Kaca puniki sampun kauji-wacén

[᭓᭘ 38B]
᭓᭘
ᬦ᭄ᬢ᭄ᬯᬶᬳᬩᬸᬗ᭄ᬓᬸᬮ᭄‌ᬓᬂᬉᬭᬶᬧᬵᬓᬃᬥᬶᬦ᭄ᬯᬶᬥᬶ᭞ᬲᬓᬶᬂᬲᬦᬾᬕᬦᬮ᭄ᬳᬮᬶᬢ᭄‌ᬭᬯᬸᬳᬶᬂᬫᬗᬼᬗᬹᬢ᭄᭞ᬢ᭄ᬯᬭᬓᬩᬶᬦᬬᬂ᭞ᬫᭂᬡ᭄ᬝᬶᬓ᭄ᬳᬸᬭᬶᬧ᭄ᬧᬸᬧᬹᬢ᭄ᬫᬢᬶ᭞ᬉᬢ᭄ᬧ᭄ᬢᬶᬲ᭄ᬣᬶᬢᬶᬧᬺᬮᬶᬡ᭞ᬫᬹᬦᬃᬪᬯᬘᬓ᭄ᬭᬦᬶᬂᬳᬶᬥᬹᬧ᭄᭟ᬲᬧᬸᬦᬶᬓᬩᬸᬮᬓ᭄ᬩᬮᬶᬓ᭄ᬓ
ᬧᬶᬜ᭄ᬘᭂᬭᬂ᭞ᬳᬦ᭄ᬢᬸᬓ᭄ᬳᬶᬪ᭄ᬯᬦᬳᬕᬸᬂ᭞ᬦᬾᬢᬦ᭄ᬮᬗ᭄ᬕᭂᬂᬢᬸᬳᬸ᭞ᬯᬶᬰᬾᬱᬦ᭄ᬢ᭄ᬭᬶᬖᬹᬡᬰᬓ᭄ᬢᬶ᭞ᬲᬢ᭄ᬯᬭᬚᬄᬢᬫᬄ᭞ᬅᬃᬢ᭄ᬣᬓᬫᬵᬗ᭄ᬓᬭᬵᬦ᭄ᬥᬸᬦᬹᬢ᭄᭞ᬫᬫ᭄ᬩᬸᬢᬦᬶᬅᬢ᭄ᬫ᭞ᬚᬶᬯᬵᬫᬦᬸᬚᬸᬲᬸᬘᬶ᭞ᬗ᭄ᬕᬯᬾᬭᬓᭂᬢ᭄ᬓᬧᬶᬢᬺᬱ᭄ᬡᬦ᭄᭞ᬮᬸᬮᬹᬢ᭄ᬓ
ᬲᭀᬃᬤᬾᬦᬶᬂᬲᬤ᭄ᬭᬶᬧᬹ᭟ᬳᬶᬤᬲᬾᬦ᭄ᬤ᭄ᬭᬶᬬ᭄ᬬᬫᬗ᭄ᬮᬶᬦ᭄ᬤᬶᬄᬫᬗᬯᬶᬦᬂ᭞ᬳᬶᬧ᭄ᬢᭂᬂᬧᬶᬢᬸᬗᬸᬗ᭄ᬕᬸᬮ᭄᭞ᬫᬦᬸᬫ᭄ᬩᬸᬳᬂᬳᬚᬸ᭠ᬫ᭄᭞ᬧᬸᬜᬄᬫᬗᬯᬶᬦᬂᬚ᭄ᬭᬶᬄ᭞ᬩ᭄ᬮᬲ᭄‌ᬢ᭄ᬓᬾᬦ᭄ᬳᬃᬢ᭄ᬣ᭞ᬪᭀᬕᬵᬉᬧᬪᭀᬕᬵᬲᬸᬗ᭄ᬲᬸᬂ᭞ᬲᬓ᭄ᬲᬢ᭄ᬳᬗ᭄ᬕᬾᬦ᭄ᬤᬾᬯ᭞ᬢᬓᬹᬢ᭄ᬫᬶ
ᬧᬶᬢ᭄ᬫᬫ᭄ᬩᬸᬓ᭄ᬢᬶ᭞ᬓᬮᬶᬂᬓᬾᬩᬦᬶᬦ᭄ᬤᬦᬬᬂ᭞ᬫᬩ᭄ᬬᬵᬲᬬᬂᬫᬓᬶᬃᬣᬶᬦᬸᬮᬸᬂ᭟ᬧᬸᬦᬶᬓᬤᬹᬃᬬ᭄ᬬᬰᬚᬸᬢᬶᬦᬾᬓᬶᬦᬸᬘᬧ᭄᭞ᬪᬾᬥᬦᬶᬂᬚᬕᬢ᭄ᬳᬕᬸᬂ᭞ᬕᬕᭀᬤᬦᬾᬮ᭄ᬬᬸ᭞ᬦᬾᬭᬶᬂᬲᬂᬫᬦᬸᬚᬸᬲᬸᬘᬶ᭞ᬦᬸᬦ᭄ᬢᬸᬢ᭄ᬓᬲᬹᬓ᭄ᬱ᭄ᬫᬵᬦ᭄᭞
[᭓᭙ 39A]
ᬯᬶᬥᬶᬅᬕᬫᬢᬶᬦᬸᬢᬹᬃ᭞ᬤᬾᬲᬂᬫᬦᬵᬘᬶᬓᬵᬧᬸᬢ᭄ᬭᬫᬳᬃᬱᬶᬮ᭄ᬯᬶᬄ᭞ᬓᬂᬳᬹᬲ᭄ᬫᬳᬦ᭄ᬲᬫ᭄ᬬᬵᬕ᭄ᬜᬡ᭞ᬳᬶᬂᬧᬹ᭠ᬭᬡᬩ᭄ᬭᬵᬄᬫᬦ᭄ᬢᬶᬦᬸᬢᬹᬃ᭟ᬮᬶᬂᬦᬶᬂᬯᬾᬥ᭄ᬬᬵᬥᬶᬢᬵᬢ᭄ᬯᬦᬾᬗᬹᬘᬧᬂ᭞ᬲᬧ᭄ᬢᬵᬢᬶᬲᬧ᭄ᬢᬵᬥᬫᬵᬕᬸᬂ᭞ᬲᬧ᭄ᬝᬵᬗᬭᬦ᭄ᬧᬶ᭞
ᬢᬸ᭞ᬲᬧ᭄ᬢᬵᬕᬫ᭄ᬪᬃᬮᬮᬶᬂᬰ᭄ᬯᬭᬶ᭞ᬲᬧ᭄ᬢᬵᬗᬭᬦ᭄ᬯᬶᬫ᭄ᬩᬵ᭞ᬧᬢᭂᬄᬭᬶᬂᬮᬸᬯᬢ᭄ᬓᬤᬸᬮᬸ᭞ᬲᬧ᭄ᬢᬵᬫᬱᬯᬸᬮᬦ᭄᭞ᬲᬧ᭄ᬢᬵᬫᬬᬦᬾᬫᬮᬶᬄ᭞ᬲᬧ᭄ᬢᬵᬰ᭄ᬯᬭᬦᬾᬫᬦᬸᬗ᭄ᬕᬮ᭄᭞ᬯᬮᬶᬫᬮᬶᬄᬲᬧ᭄ᬢᬵᬳᬶᬂᬮᬸᬳᬸᬃ᭟ᬲᬧ᭄ᬢᬵᬖ᭄ᬦᬶᬲᬧ᭄ᬢᬵᬲᬹᬃᬬ᭄ᬬᬲᬧ᭄ᬢᬵ
ᬰᬗ᭄ᬓᬵᬲᬧ᭄ᬢᬵᬢᬶᬢ᭄ᬣᬵᬉᬫᬸᬫ᭄ᬪᬸᬮ᭄᭞ᬲᬧ᭄ᬢᬵᬢ᭄ᬫᭀᬳᬸᬫ᭄ᬢᬸ᭞ᬲᬧ᭄ᬢᬵᬑᬁᬓᬭᬗᬹᬜ᭄ᬘᬭᬶ᭞ᬲᬧ᭄ᬢᬵᬯᬶᬡ᭄ᬥᬸᬲᬸ᭠ᬡ᭄ᬬ᭞ᬤ᭄ᬯᬶᬦᬥᬫᬥᬸᬭᬶᬂᬢᬸᬗ᭄ᬢᬸᬂ᭞ᬦᬶᬃᬲᬲ᭄ᬢ᭄ᬭᬖ᭄ᬭᬁᬯᬱᬝ᭄᭞ᬯᬶᬮᬗ᭄ᬕᭂᬧᬶᬂᬲᬧ᭄ᬢᬵᬢᬶ᭞ᬧᬜ᭄ᬘᬢ᭄ᬭᬶᬭ᭄ᬯᬵᬫᬧᬱᬄ᭞ᬏᬓᬵᬲᬶᬗ᭄ᬲᭂ
ᬢ᭄ᬕᬧᬹᬮ᭄ᬲᬸᬧᬸᬮᬹᬂ᭟ᬫᬦᬹᬓ᭄ᬱ᭄ᬫᬾᬂᬕᬗ᭄ᬕᬵᬫᬺᬢ᭄ᬣᬵᬲᬜ᭄ᬚᬶᬯᬦ᭄ᬬᬵ᭞ᬚ᭄ᬭᭀᬦ᭄ᬱ᭄ᬮᬜ᭄ᬘᬫᬵᬲ᭄ᬢᬢᬹᬃ᭞ᬲᬸᬫ᭄ᬦᬵᬭᬶᬂᬓᬬᬸᬦ᭄᭞ᬢᬸᬮ᭄ᬬᬫᬺᬢ᭄ᬣᬵᬫᬜᬸᬉᬭᬶᬧ᭄᭞ᬲᬭᬫᬳᬵᬭᬡ᭞ᬧᬦ᭄ᬥᬸᬲᬶᬦ᭄ᬫᬦ᭄ᬤᬤᬶᬩᬕᬸᬲ᭄᭞ᬰ᭄ᬮᬾᬄᬦᬶᬲ᭄ᬧᬳ᭄ᬬᬲᬦ᭄᭞