[᭓᭔ 34B]
᭓᭔
ᬧᬹᬃᬡ᭄ᬦᬯᬸᬲᬧᬾᬂᬳᬯᬵᬓ᭄᭞ᬫᬗᬦ᭄ᬯᬶᬚᬵᬓᬭᬵᬰᬭᬶ᭞ᬓᬫᬲᬫ᭄ᬧᬢ᭄ᬲᬸᬲᬶᬮᬵᬘᬭᬅᬕᬫ᭟ᬅᬖ᭄ᬦᬶᬖᬗ᭄ᬕᬵᬫᬭᬝ᭞ᬩ᭄ᬭᬵᬳ᭄ᬫᬵᬯᬶᬱ᭄ᬡᬸᬇᬰ᭄ᬯᬭᬦᬶ᭞ᬯᬮᬸᬬᬤᬤᬶᬅᬖᬫ᭞ᬧᬗ᭄ᬕᬬᬦ᭄ᬲᬂᬳ᭄ᬬᬂᬢ᭄ᬭᬶᬫᬹᬃᬢ᭄ᬢ᭞ᬫᬢ᭄ᬯᬾᬂᬚᬯᬶ᭠
ᬳᬸᬫᬜ᭄ᬚᬶᬂ᭞ᬤᬤᬶᬇᬥᭂᬧ᭄ᬲᬩ᭄ᬥᬩᬬᬸ᭞ᬫᬸᬗ᭄ᬕ᭄ᬯᬶᬂᬕᬸᬳ᭄ᬬᬦ᭄ᬢᬕᬃᬪᬦ᭄ᬳᬶᬫᬦᬸᬱᬧᬲ᭄ᬢᬶᬉᬭᬶᬧ᭄᭞ᬢ᭄ᬭᬶᬲᬏᬓᬲᬝ᭄ᬫ᭄ᬬᬤᬤᬶᬅᬢ᭄ᬫᬚᬶᬯᬵ᭟ᬧᬸᬦᬶᬓᬦᬾᬲᬸᬗ᭄ᬲᬸᬂᬩ᭄ᬯᬢᬂ᭞ᬫᬗ᭄ᬤᬾᬦᬾᬭᬳᬬᬸᬫᬸᬭᬶᬧ᭄᭞ᬳᬢ᭄ᬯᬗᬶᬦ᭄ᬢᬸᬃᬓᬶᬦᬪᬓ᭄ᬢ᭄ᬬᬦ᭄᭞ᬫᬗ᭄ᬤᬦᬾ
ᬮᬗ᭄ᬕᭂᬂᬢᬦ᭄ᬮᬮᬶᬲ᭄᭞ᬧᬶᬸᬧᬕᭂᬄᬢᬦ᭄ᬫᬦᬶᬗ᭄ᬕᬮᬶᬦ᭄᭞ᬢᬦᬶᬦᬹᬲᬶᬦ᭄ᬲ᭄ᬬᬂᬤᬮᬸ᭞ᬫᬶᬦᭂᬄᬧᬗᬸᬧᬚᬶᬯᬵ᭞ᬳᬢ᭄ᬯᬗᬾᬭᬶᬂᬳ᭄ᬬᬂ᭞ᬢ᭄ᬭᬶᬫᬹᬃᬢ᭄ᬢᬶ᭞ᬳᬕᬸᬂᬳᬮᬶᬢ᭄ᬮᬯᬸᬤ᭄ᬭᬶᬂᬲᬃᬯ᭄ᬯᬧ᭄ᬭᬡᬶᬗ᭄ᬭᬵᬢ᭄᭟ᬧ᭄ᬭᬡᬶᬪᬯᬦᬶᬂᬉᬢᬫ᭞ᬫᬗ᭄ᬯᬶᬰᬾᬱᬯᬢᭂᬓ᭄ᬧ᭄ᬭᬡᬶ
᭞ᬲᬃᬯ᭄ᬯᬪᬯᬭᬶᬓᬾᬂᬚᬕᬢ᭄᭞ᬗᬭᬦ᭄ᬫᬦᬸᬱᬲᬶᬦᬵᬓ᭄ᬢᬶ᭞ᬲᬂᬯᬶᬧ᭄ᬭᬫᬳᬵᬋᬱᬶ᭞ᬧᬕᭂᬄᬫᬵᬚ᭄ᬜᬵᬡᬵᬳᬸᬲ᭄ᬳᬮᬹᬮ᭄᭞ᬫᭀᬮᬶᬄᬲᬩ᭄ᬥᬵᬓᬰ᭞ᬲᬹᬓ᭄ᬱ᭄ᬫᬲ᭄ᬦᬦᬶᬯᬶᬥᬶ᭞ᬢ᭄ᬯᬶᬢᬦ᭄ᬮ᭄ᬬᬦ᭄ᬳᬶᬤᬲᬂᬰ᭄ᬭᬶᬤ᭄ᬯᬾᬧᬬᬡ᭟ᬓᬂᬓᬶᬦᬸᬘᬧ᭄ᬕᬃᬪᬵ
[᭓᭕ 35A]
ᬚᬝᬄ᭞ᬲ᭄ᬓᬤᬶᬓᭀᬘᬧ᭄ᬓᬭᬶᬳᬶᬦ᭄᭞ᬫᬗ᭄ᬓᬾᬓ᭄ᬭᬶᬥᬵᬩᬧᬩ᭄ᬬᬂ᭞ᬫᬗ᭄ᬕᬾᬳᬹᬲᬦ᭄ᬓᬃᬮᬗᬶᬢ᭄᭞ᬫᬗ᭄ᬓᬾᬮᬭᬶᬲᬸᬫᬶᬚᬶᬮ᭄᭞ᬫᬗ᭄ᬓᬾᬤᬾᬯᬰᬳᬹᬲ᭄ᬧᬸᬢᬹᬲ᭄᭞ᬫᬵᬚ᭄ᬜᬡᬓᬧᬡ᭄ᬤᬶᬣᬦ᭄᭞ᬢᬲᬓ᭄ᬭᬶᬂᬯᬾᬥᬧᬭᬕᬶ᭞ᬢᬢ᭄ᬯᬢᬸᬃᬢᬸᬃᬲ
ᬓᬾᬚ᭄ᬭᭀᬦᬶᬓᬂᬱᬤ᭄ᬓᭀᬱ᭟ᬲᬶᬭᬫᬯᬭᬳᬶᬳ᭄ᬬᬂ᭞ᬫᬲ᭄ᬢᬸᬧᬹᬡᬄᬓᬦ᭄ᬬᬯᬮᬶ᭞ᬧᬵᬦ᭄ᬭᬫᬫᬗ᭄ᬓᬾᬳᬦᬶᬗ᭄ᬕᬮ᭄᭞ᬧᬵᬦ᭄ᬲᬶᬭᬫᬕ᭄ᬕᬯᬰᬦᬶ᭞ᬧᬭᬰᬭᬲᬂᬋᬱᬶᬲ᭄ᬬᭀᬚᬦᬵᬕᬦ᭄ᬤᬶᬲᬂᬳᬶᬩᬸ᭞ᬫᬗ᭄ᬓᬾᬲᬂᬫᬳᬃᬱ᭄ᬬᬵ᭞ᬩ᭄ᬬᬰᬗᭂ
ᬫ᭄ᬩᬂᬅᬕᬫᬶ᭞ᬅᬫᬹᬃᬯ᭄ᬯᬵᬯ᭄ᬯᬶᬢ᭄ᬲᬓᬾᬂᬯᬾᬥᬵᬨᬢ᭄ᬯᬾᬥᬡ᭄ᬝᬵ᭟ᬋᬕ᭄ᬬᬵᬚᬹᬃᬓ᭄ᬱᬫᬵᬃᬢ᭄ᬣᬯᬵ᭞ᬯᬶᬦᬾᬄᬲᬶᬱ᭄ᬬᬲ᭄ᬯᬂᬲᬯᬶᬚᬶ᭞ᬓᬘᬢᬹᬃᬲᬫ᭄ᬬᬵᬗ᭄ᬕᭂᬮᬃ᭞ᬧᬹᬃᬯ᭄ᬯᬋᬕ᭄ᬯᬾᬥᬵᬳᬶᬦᬚᬶ᭞ᬤᬾᬲᬂᬧᬹᬮᬳᬵᬋᬱᬶ᭞ᬧᬶᬦᬸᬚᬾᬂᬳ᭄ᬬᬂᬯᬶ
ᬥᬶᬳᬕᬸᬂ᭞ᬤᬓ᭄ᬲᬶᬡᬵᬇᬬᬚᬹᬃᬯᬾᬥᬵ᭞ᬪᬕᬯᬦ᭄ᬯᬾᬰᬫ᭄ᬧᬬᬦᬶ᭞ᬓᬗᬵᬗᬚᬶᬲᬃᬯ᭄ᬯᬚ᭄ᬜᬵᬰ᭄ᬯᬧᬓᬾᬂᬧᬹᬚ᭟ᬧᬲ᭄ᬘᬶᬫᬓ᭄ᬱᬫᬵᬯᬾᬥᬵ᭞ᬪᬕᬯᬵᬦ᭄ᬚᬾᬫᬶᬡᬶᬗ᭄ᬳᬚᬶ᭞ᬰ᭄ᬯᬭᬵᬚ᭄ᬜᬵᬯᬶᬦᬓᭀᬤ᭄ᬕᬝ᭞ᬉᬢ᭠
Kaca:Bali-lontar-gaguritan-pura-dalem-abyantubuh-300ppi.pdf/35
Kaca puniki sampun kauji-wacén
