[᭓᭑ 31B]
᭓᭑
ᬤᬹᬃᬖ᭄ᬕᬫᬓᬾᬯᬹᬄ᭞ᬫᬯᬸᬯᬸᬄᬥᬦᬨᬮ᭞ᬬᬫᬗ᭄ᬦᬾᬓᬮᬤᬾᬰᬶ᭞ᬧ᭄ᬭᬢ᭄ᬬᬾᬓᬦᬶᬓᬮᬦᬶᬤᬾᬰᬅᬕᬫ᭟ᬓ᭄ᬱᬾᬢ᭄ᬭᬤ᭄ᬯᬾᬥᬵᬦᬫᬦᬄ᭞ᬓᬩᬾᬄᬳᬬᬸᬦᬶᬓᬂᬳᬢᬶ᭞ᬫᬗᬸᬦ᭄ᬪᬵᬭᬥᬵᬦᬨ᭠
ᬮ᭞ᬤᬾᬰᬗᬭᬦᬶᬂᬪᬹᬩᬕᬶ᭞ᬳᬦᬸᬂᬭᬳᬬᬸᬲᬸᬘᬶ᭞ᬢᬶᬓᬂᬪᬹᬩᬕᬯᬶᬦᬸᬯᬸᬲ᭄᭞ᬤᬾᬰᬧᬯᬾᬳᬦᬥᬵᬦ᭞ᬓᬮᬗ᭄ᬯᬦ᭄ᬤᬾᬯᬰᬮ᭄ᬯᬶᬄ᭞ᬫᬯᬶᬢ᭄ᬫᬗᬹᬢᬭᬬᬡᬲᬂᬳ᭄ᬬᬂᬲᬹᬃᬬ᭄ᬬ᭟ᬧᬹᬃᬯ᭄ᬯᬦᬶᬂᬦ᭄ᬤᬓ᭄ᬱᬶᬡ
᭞ᬗᬭᬦ᭄ᬯᬶᬰ᭄ᬯᬬᬡᬫᬮᬶᬄ᭞ᬦᬸᬚᬸᬲᬦ᭄ᬥᬰᬶᬣᬶᬫᬹᬓᬵ᭞ᬓ᭄ᬧᬗᬦ᭄ᬬᬵᬤᬶᬦ᭄ᬕ᭄ᬭᬳᬦᬶ᭞ᬦᬶᬓᬫᬲᬦ᭄ᬫᬓᬶᬃᬣᬶ᭞ᬫᬥᬵᬦᬧᬹᬡ᭄ᬬᬦᬾᬮᬸᬳᬸᬂ᭞ᬓᭀᬘᬧ᭄ᬭᬯᬸᬄᬨᬮᬜᬮᬜ᭞ᬭᬶᬲᬂᬓ᭄ᬱᬾᬢ᭄ᬭᬮᬹᬩ᭄ᬥᬓᬶ᭞ᬫᭀᬦᬵᬧᬸᬢᬹᬲ᭄᭠
ᬮᬗ᭄ᬕᭂᬂᬦᬸᬚᬸᬰᬶᬯᬵᬮᬶᬗ᭄ᬕᬵ᭟ᬅᬕᬫᬗᬭᬦᬶᬂᬯᬭᬄ᭞ᬢ᭄ᬓᬲᬓᬾᬂᬢᬢ᭄ᬯᬚᬶ᭞ᬯᬾᬥᬵᬰ᭄ᬭᬸᬢᬶ᭠ᬦᬶᬂᬅᬓᬰ᭞ᬯᬓ᭄ᬬᬲᬸᬡ᭄ᬬᬣᬦᬶᬂᬯᬶᬥᬷ᭞ᬲᬹᬓ᭄ᬱ᭄ᬫᬦᬶᬂᬖ᭄ᬭᬁᬯᬱᬶᬝ᭄᭞ᬢᬝ᭄ᬬᬝ᭄ᬧᬫᬸᬢᬸᬲᬶᬂᬢᬸᬂᬢᬸᬂ᭞ᬯᬂᬯ᭄ᬯᬸᬂ
[᭓᭒ 32A]
ᬗ᭄ᬯ᭄ᬬᬵᬧᬓᬾᬗᬡ᭄ᬥᬵ᭞ᬪ᭄ᬯᬦᬵᬳᬕᬸᬂᬪ᭄ᬯᬦᬵᬮᬶᬢ᭄᭞ᬯᬶᬦᬗ᭄ᬲᬶᬢᬾᬂᬤᬾᬰ᭄ᬭᬶᬓᬺᬱ᭄ᬡᬵᬤ᭄ᬯᬾᬧᬬᬡ᭟ᬳᬦᬹᬂᬢᬸᬫᬲᬓᬂᬯᬭᬄ᭞ᬲᬂᬳ᭄ᬬᬂᬅᬕᬫᬵᬦ᭄ᬢᬸᬓ᭄ᬭᬫᬶ᭞ᬓ᭄ᬱᬾᬢᬺᬗᬭᬦ᭄ᬲᬂᬯᬾᬄᬥᬵᬦ᭞ᬳᬦᬸᬂᬢᬂᬲᬸᬮᬓ᭄ᬱᬡ
ᬦᬶ᭞ᬲᬸᬧᬢ᭄ᬭ᭄ᬳᬨᬮᬂᬮ᭄ᬯᬶᬄ᭞ᬥᬵᬦᬧᬸᬡ᭄ᬬᬦᬾᬮᬶᬦᬸᬳᬸᬂ᭞ᬲᬸᬘᬭᬵᬦᬹᬢ᭄ᬧ᭄ᬭᬶᬬᭀᬕᬵ᭞ᬫᬗ᭄ᬦᬾᬯᭂᬮ᭄ᬓᬗᬾᬚᬢᬶ᭞ᬢ᭄ᬯᬶᬲᬂᬤᬣᬯᬾᬄᬰ᭄ᬭᬤ᭄ᬥᬦᬶᬬᬚᬫᬦ᭟ᬦᬶᬫᬶᬢᬦᬶᬂᬳᬢᬶᬲᬬ᭞ᬇᬓᬂᬥᬵᬦᬧᬹᬡ᭄ᬬᬵᬥᬶ᭞ᬫᬓᬨᬮᬂᬗ᭠
ᬬ᭄ᬯᬾᬂᬚᬕᬢ᭄᭞ᬢᬹᬲ᭄ᬦᬶᬂᬥ᭄ᬬᬢ᭄ᬫᬶᬓᬵᬫᬯᭀᬮᬶᬄ᭞ᬢ᭄ᬧᭂᬢ᭄ᬲᬸᬪᬓᬮᬦᬶ᭞ᬲ᭄ᬓᬤᬶᬓᭀᬘᬧ᭄ᬓᬭᬸᬳᬸᬦ᭄᭞ᬫᬮᬶᬄᬯᬾᬦ᭄ᬢᭂᬦ᭄ᬳᬶᬮᬶᬗᬂ᭞ᬬᬦᬶᬂᬫᬧᬸᬡ᭄ᬬᬧᬶᬦᭂᬳᬶᬦ᭄᭞ᬫᬗ᭄ᬤᬲᬵᬫ᭄ᬧᬸᬦ᭄ᬢᬶᬩᬾᬂᬢᬦ᭄ᬲᬥᬹᬲᬚᬡ᭟ᬫᬮᬶᬄᬲᬫ᭄ᬧᬸ
ᬦ᭄ᬫᬗᬾᬤᬾᬗᬂ᭞ᬦᬫ᭄ᬩᬢ᭄ᬕᬸᬦᬦ᭄ᬭᬕᬵᬲᬸᬕᬶᬄ᭞ᬳᬯᬦᬦ᭄ᬲᬶᬤ᭄ᬥᬫᬧᬹᬡ᭄ᬬᬲᬂᬬᬚᬫᬦᬧᬂᬏᬮᬶᬂ᭞ᬦᬾᬢ᭄ᬯᬄᬧᬢᬸᬢ᭄ᬲᬶᬫ᭄ᬧᬗᬶᬦ᭄᭞ᬫᬦᬗ᭄ᬕᬧᬹᬡ᭄ᬬᬢᬦ᭄ᬲᬥᬹ᭞ᬢ᭄ᬯᬶᬢᬦ᭄ᬫᬭᬰ᭄ᬭᬬ᭞ᬭᬶᬲᬶᬭᬃᬢᬦ᭄ᬲᬸᬚᬡᬵᬢᬶ᭞ᬲᬚᬢᬶ
Kaca:Bali-lontar-gaguritan-pura-dalem-abyantubuh-300ppi.pdf/32
Kaca puniki sampun kauji-wacén
