[᭓᭐ 30B]
᭓᭐
ᬡ᭄ᬬᬦᬾᬫᬦᬹᬢ᭄ᬧᬺᬬᭀᬕᬶ᭞ᬫᬹᬦ᭄ᬍᬯᭂᬮ᭄ᬓᬗᬾᬢ᭄ᬯᬶ᭞ᬳᬕᭂᬂᬓᭀᬘᬧ᭄ᬨᬮᬦᬶᬧᬸᬦ᭄᭞ᬅᬯᬶᬦᬦᬾᬓᬶᬦᬸᬘᬧ᭄᭞ᬢᬦ᭄ᬲᬓᬾᬂᬳᬓᬾᬄᬳᬓᬶᬤᬶᬓ᭄᭞ᬳᬫᬸᬳᬭᬵᬓᬾᬄᬓ᭄ᬥᬶᬓᬂᬤᬦᬵᬨᬮᬵ᭟ᬚᬸᬕᬮᬶᬂᬓᬧᬢ᭄ᬯᬶᬮᬶᬗᬂ᭞
ᬨᬮᬳ᭄ᬬᬂᬯᬾᬥᬳᬶᬦᬚᬶ᭞ᬓᬧᬸᬚᬦ᭄ᬳ᭄ᬬᬂᬰᬶᬯᬵᬦᬮ᭞ᬫᬗ᭄ᬥᬾᬯ᭄ᬭᬸᬳᬶᬂᬫᬦ᭄ᬢᬺᬱ᭄ᬳᬶᬥᬀ᭞ᬬᬚ᭄ᬜᬵᬯᬾᬥᬶᬯᬾᬥᬦᬶ᭞ᬗᬃᬘ᭄ᬙᬡᬾᬂᬳ᭄ᬬᬂᬫᬗᬹᬦᬵᬬᬸ᭞ᬳᬬᬸᬦᬶᬂᬚᬕᬢ᭄ᬤᬶᬢ᭄ᬣ᭞ᬮᭀᬓᬧᬭᬰ᭄ᬭᬬ᭄ᬬᬵᬭᬦᬶ᭞ᬢ᭄ᬯᬶᬧᬸᬦᬶᬓᬧᬸᬡ᭄ᬬᬤᬣᬬ
ᬬᬚᬵᬫᬦ᭟ᬤᭀᬦ᭄ᬱᬲᬦᬭᬚ᭄ᬚᬩ᭄ᬭᬡ᭞ᬤᬦᬬᬂᬫ᭄ᬯᬄᬪᬶᬦᬹᬓ᭄ᬢᬶ᭞ᬫᬦᬸᬮᬸᬗᬾᬯ᭄ᬯᬂᬤᬭᬶᬤᬺ᭞ᬳᬢᬸᬮᬸᬂᬫᬳᬬᬸᬦᬕ᭄ᬭᬶ᭞ᬫ᭄ᬯᬄᬤᭀᬦᬶᬓᬗᬦᬓ᭄ᬩᬶ᭞ᬳᬶᬦᬫᬾᬢ᭄ᬤᬾᬦᬶᬓᬂᬚᬮᬸ᭞ᬳᬓ᭄ᬭᬶᬥᬵᬤᭀᬦ᭄ᬲᬸᬧᬸᬢᬺ᭞ᬤᭀᬦ᭄ᬲᬂᬳ᭄ᬬᬂ᭠
ᬳᬚᬶᬕᬶᬦᬹᬮᬶᬓ᭄᭞ᬨᬮᬂᬗᬬᬸᬲᬸᬲᬶᬮᬲᬸᬘᬄᬭᬂᬗᬸᬮᬄ᭟ᬦ᭄ᬳ᭄ᬬᬓᬭᬶᬤᭀᬦᬶᬗᬃᬢ᭄ᬣ᭞ᬬᬵᬢᬦ᭄ᬤᬦᬓ᭄ᬦᬢᬦ᭄ᬪᬸᬓ᭄ᬢᬶᬦ᭄᭞ᬫ᭄ᬯᬄᬳᬕᬯᬾᬚᬕᬢ᭄ᬳᬶᬢ᭄ᬣ᭞ᬲᬓ᭄ᬱᬢ᭄ᬭᬚ᭄ᬚᬩ᭄ᬭᬡᬫᬢᬶ᭞ᬩᬶᬡᬦᬾᬢ᭄ᬯᬶᬢᬦ᭄ᬳᬫᬶᬲ᭄᭞ᬭᬶ᭠
[᭓᭑ 31A]
ᬰᬯᬮᬬ᭄ᬯᬦᬾᬩ᭄ᬗᬸ᭞ᬫᬮᬶᬄᬢᬦ᭄ᬧᬤᭀᬦ᭄ᬧᬶᬲᬦ᭄᭞ᬯᬶᬰᬾᬱᬦᬶᬲᬂᬓᬲᬓ᭄ᬢᬶᬦ᭄᭞ᬬᬦ᭄ᬢᬦ᭄ᬲᬶᬤ᭄ᬥᬗᬲᭀᬭᬂᬲᬢ᭄ᬭᬸᬦᬾᬓᭀᬧᬵ᭟ᬢᬍᬃᬲᬂᬫᬢᬸᬢᬸᬃᬳᬚ᭄ᬬᬵ᭞ᬢᬦ᭄ᬧᬤᭀᬦ᭄ᬬᬵᬢᬦ᭄ᬜᬸᬮᬸᬳᬶ᭞ᬭᬶᬂᬥᬃᬫ᭄ᬫᬲᬤᬦᬂᬳᬸᬮᬄ᭞
ᬫᬗ᭄ᬓᬵᬯᬶᬧ᭄ᬭᬚ᭄ᬜᬡᬪᬸᬤ᭄ᬥᬶ᭞ᬢ᭄ᬯᬶᬓᬦ᭄ᬧᬤᭀᬦ᭄ᬚᬢᬶ᭞ᬬᬢᬦ᭄ᬗᬮᬄᬇᬦ᭄ᬤ᭄ᬭ᭄ᬬᬦᬶᬂᬳ᭄ᬬᬸᬦ᭄᭞ᬫ᭄ᬯᬂᬲᬶᬭᬚᬄ᭠ᬢᬫᬄ᭞ᬫ᭄ᬮᬳᬶᬄᬳᬶᬓᬂᬲᬃᬯ᭄ᬯᬪᬸᬓ᭄ᬢᬶ᭞ᬢ᭄ᬯᬶᬢᬦ᭄ᬧᬤᭀᬦ᭄ᬬᬢᬦ᭄ᬗ᭄ᬕ᭄ᬯᬾᬓᬯᬹᬭᬶᬧᬦ᭄᭟ᬫᬮᬶᬄᬯᬾᬦ᭄ᬢᭂᬦ᭄ᬳᬶᬦᬭ
ᬦ᭄᭞ᬅᬪᬬᬤᬦᬵᬮᬶᬦ᭄ᬯᬶᬄ᭞ᬓᬂᬓᬯᬶᬮᬄᬤᬦᬵᬲᬸᬭᬵ᭞ᬧᬯᬾᬯᬾᬄᬢᬦ᭄ᬓ᭄ᬭᬱᬾᬂᬳᬢᬶ᭞ᬢᬦᬸᬫᬢᬵᬯᬓ᭄ᬦ᭄ᬤᬦᬵᬳᬶᬭᬶᬂᬲᬯ᭄ᬯᬪᬯᬦᬶᬂᬪᬹᬄ᭞ᬲᬯᬢᭂᬓ᭄ᬧ᭄ᬭᬡᬶᬤᬦᬵ᭞ᬢᬹᬲ᭄ᬢᬸᬲ᭄ᬦᬶᬂᬲᬃᬯ᭄ᬯᬫᬍᬝᬶᬓ᭄᭞ᬕᬦᬮᬵ
ᬮᬶᬢ᭄ᬢᬦᬧᬶᬮ᭄ᬬᬵᬰᬶᬄᬲᬶᬄᬲᬶᬳᬦ᭄᭟ᬧᬸᬦᬶᬓᬵᬥᬦᬧᬹᬡ᭄ᬬᬯᬵᬦ᭄᭞ᬢᬦ᭄ᬓᬢᬫᬦ᭄ᬪᬬᬾᬂᬪᬹᬫᬶ᭞ᬫᭀᬕᬲᬃᬯ᭄ᬯᬧ᭄ᬭᬡᬶᬚᬕᬢ᭄᭞ᬳᬦᬓᬸᬮᬵᬪᬓ᭄ᬢᬶᬳᬲᬶᬄ᭞ᬲᬧᬭᬦ᭄ᬮᬦᬹᬲ᭄ᬮᬭᬶᬲ᭄᭞ᬢᬦᬦᬵ᭠
Kaca:Bali-lontar-gaguritan-pura-dalem-abyantubuh-300ppi.pdf/31
Kaca puniki sampun kauji-wacén
