[᭒᭙ 29B]
᭒᭙
ᬱ᭄ᬝ᭟ᬫᬮᬶᬄᬯᬾᬦ᭄ᬢᭂᬦ᭄ᬤᬦᬧᬹᬡ᭄ᬬ᭞ᬢ᭄ᬯᬭᬧᬢᬶᬫᬓᬾᬯᭂᬳᬶᬦ᭄᭞ᬍᬗᬶᬲ᭄ᬩᬢᬸᬯᬺᬣᬶᬢᭀᬬ᭞ᬭᬶᬂᬤᬫᬃᬲᬓ᭄ᬮ᭄ᬯᬶᬭᬶᬂᬗᭂᬦ᭄ᬥᬶᬄ᭞ᬧᬸᬦᬶᬓᬓᭀᬘᬧ᭄ᬫᭀᬮᬶᬄ᭞ᬫᬲᬸᬓᬦ᭄ᬓᬢ᭄ᬧᬹᬓ᭄᭞ᬢ᭄ᬓᬾᬦᬶᬂᬓᬤᬂᬯᬃᬕ᭄ᬕ᭞ᬲᬧᬸᬦᬶᬓᬓᭀ᭠
ᬘᬧ᭄ᬩᬾᬜ᭄ᬚᬶᬂ᭞ᬓᬧᬶᬳᬜᬤᬹᬃᬮ᭄ᬮᬪᬵᬫᬾᬯᭂᬳᬶᬂᬢᭀᬬ᭟ᬲᬗ᭄ᬓᬦᬶᬂᬯᬾᬦ᭄ᬢᭂᬦ᭄ᬲᬮᬶᬮᬵᬳᬗ᭄ᬕᬾᬦᬶᬂᬫᬬᬰᬵᬓᬶᬃᬣᬶ᭞ᬫᬨᬮᬢᬺᬧ᭄ᬢᬶᬢᬦ᭄ᬓᬶᬭᬂ᭞ᬩᬜᬸᬢᬶᬲ᭄ᬳᬶᬂᬲᬧᬫᬃᬕ᭄ᬕᬶ᭞ᬫ᭄ᬯᬄᬫᬧᬹᬡ᭄ᬬᬮᬶᬮᬶᬦ᭄᭞ᬘᭀᬮᭀᬓ᭄ᬲᬮ᭄ᬯᬶ
ᬭᬶᬂᬲᬸᬲᬸᬮᬸᬄ᭞ᬫᬨᬮᬢ᭄ᬭᬂᬦᬶᬂᬢᬶᬗ᭄ᬳᬮ᭄᭞ᬲᬸᬢᬾᬚᬮᬸᬫᭂᬂᬳᬫᬦᬶᬲ᭄᭞ᬚ᭄ᬕᬾᬕ᭄ᬩᬕᬸᬲ᭄ᬢᬩᬸᬄᬳᬾᬲᭂᬫ᭄ᬧ᭄ᬬᬃᬰᬺᬗ᭄ᬕᬭᬵ᭟ᬬᬦ᭄ᬲ᭄ᬓᬃᬭᬲᭂᬧ᭄ᬲᬸᬕᬦ᭄ᬤᬵ᭞ᬮᬯᬦᬶᬂᬩᬩᭀᬭᬾᬄᬫᬶᬳᬶᬓ᭄᭞ᬯᬰ᭄ᬘ᭄ᬭᬓᬫ᭄ᬋᬄᬤᬸᬮᬸᬭᬜ᭞ᬮᬯ᭠
ᬦᬶᬂᬲ᭄ᬓᬭᬶᬦᬗ᭄ᬕᬶᬢ᭄᭞ᬥᬭᬡᬧᬢ᭄ᬭᬡᬵᬥᬶ᭞ᬨᬮᬧᬸᬡ᭄ᬬᬮᬶᬢᬸᬳᬬᬸ᭞ᬮᬦᬹᬲ᭄ᬦᬶᬂᬘᬾᬤᬗᬵᬗ᭄ᬕᬵ᭞ᬭᬹᬧᬯᬦ᭄ᬲᬸᬪᬯᬵᬮ᭄ᬯᬶᬄ᭞ᬓᬶᬦᬲᬶᬳᬦ᭄ᬤᬾᬦᬶᬂᬭᬵᬢ᭄ᬫᬯᭀᬮᬶᬄᬮᬸᬗ᭄ᬕ᭄ᬯᬵ᭟ᬬᬦ᭄ᬧᬬᬸᬂᬅᬃᬢ᭄ᬣᬗ᭄ᬕᬾᬦ᭄ᬋᬡ᭄ᬬ᭞ᬭᬶ
[᭓᭐ 30A]
ᬲᬂᬳᬸᬲ᭄ᬫᬤ᭄ᬯᬶᬚᬢᬶ᭞ᬫᬦ᭄ᬢᬸᬓ᭄ᬭᬶᬂᬇᬦ᭄ᬤ᭄ᬭᬪᬯᬦ᭞ᬳᬶᬦᬯᬸᬩᬦ᭄ᬳᬾᬬᬂᬳᬰᬶᬄ᭞ᬓᬶᬦᬢ᭄ᬯᬗᬦ᭄ᬯᬶᬥ᭄ᬬᬥᬭᬶ᭞ᬫ᭄ᬯᬄᬢᬭᬹᬫ᭄ᬧᬄᬤᬦᬵᬳᬬᬸ᭞ᬲᬮ᭄ᬯᬶᬃᬮᬫᬓ᭄ᬧᬤᬵ᭞ᬧᬹᬡ᭄ᬬᬬᬂᬓᭀᬘᬧ᭄ᬫᬯᭀᬮᬶᬄ᭞ᬧᬭᬶᬧᬹᬃᬡ᭄ᬦᬫᭀᬮᬶᬄᬳᬯᬦ᭄᭠
ᬰ᭄ᬯᬃᬕ᭄ᬕᬚ᭄ᬫᬄ᭟ᬳᬗ᭄ᬳᬶᬂᬤᬸᬮᬸᬭᬶᬦ᭄ᬩᬵᬦ᭄ᬫᬦᬄᬦᬾᬫᬳᬵᬤᬦ᭄ᬲᬸᬘᬶᬕ᭄ᬦᬶᬂ᭞ᬬᬤ᭄ᬬᬧᬶᬦ᭄ᬋᬓᬾᬢ᭄ᬮᬲᬂ᭞ᬤ᭄ᬯᬾᬦᬾᬤᬦᬬᬂᬲᬫᬶ᭞ᬬᬦ᭄ᬓᬭᬶᬳᬮᬶᬳᬮᬶᬦ᭄᭞ᬓᬭᬶᬦᬕᬶᬄᬓᬤᬾᬦ᭄ᬳᬚᬸᬫ᭄᭞ᬩᬢᭂᬓ᭄ᬫᬾᬭᬗᬾᬭᬗᬦ᭄᭞ᬫ
ᬓᬤᬶᬤᬲᬃᬧᬸᬮᬶᬝᬶᬓ᭄᭞ᬪᬡ᭄ᬥᬵᬕᬶᬡᬳᬬ᭄ᬯᬵᬮᬶᬂᬦᬶᬂᬲᬂᬥᬃᬫ᭄ᬫᬶᬓᬵ᭟ᬫᬮᬶᬄᬩ᭄ᬯᬢ᭄ᬧᬢᬹᬢ᭄ᬳᬶᬮᬗᬂ᭞ᬫᬰᬦᬶᬂᬫᬧᬹᬡ᭄ᬬᬮ᭄ᬯᬶᬄ᭞ᬫᬵᬦᬹᬢ᭄ᬤᬾᬰᬓᬮᬧᬢᬺ᭞ᬧᬢᬺᬤᭀᬦ᭄ᬢᬸᬚ᭄ᬯᬦᬾᬲᬸᬫᬶᬸᬘᬶ᭞ᬕᬾᬦ᭄ᬢᬲ᭄ᬢᬦ᭄ᬳᬮᬶᬦᬵᬮᬶᬦ᭄᭞ᬦᬸᬚᬸᬲᬂ
ᬓ᭄ᬱᬾᬢᬺᬧᬸᬢᬸᬲ᭄᭞ᬲᬸᬤ᭄ᬥᬵᬓᬬᬯᬵᬓ᭄ᬫᬦᬄ᭞ᬓᬤᬶᬫᬯᬶᬪᬹᬭᬶᬂᬫᬃᬕ᭄ᬕᬶ᭞ᬮᬕᬲ᭄ᬮᬮᬶᬲ᭄ᬦᬶᬂᬗ᭄ᬕᬮᬶᬦ᭄ᬢᬦ᭄ᬓᬭᬓᭂᬢᬦ᭄᭟ᬓᬮᬶᬗᬦ᭄ᬱᬺᬤ᭄ᬥᬦᬶᬂᬫᬦᬄ᭞ᬦᬾᬦᬾᬧᬘᬂᬫᭀᬮᬶᬄᬯᭀᬮᬶᬄ᭞ᬅᬤ᭄ᬬᬧᬶᬦ᭄ᬋᬓᬾᬲᬫᬢᬺ᭞ᬧᬹ᭠
Kaca:Bali-lontar-gaguritan-pura-dalem-abyantubuh-300ppi.pdf/30
Kaca puniki sampun kauji-wacén
