[᭒᭘ 28B]
᭒᭘
ᬢᬹᬭᬶᬂᬯᬾᬥᬢᬵᬢ᭄ᬯ᭞ᬅᬚᬶᬩ᭄ᬭᬢ᭄ᬢᬓᬝᬰᬭᬷ᭞ᬰᬭᬘᬫᬹᬰ᭄ᬘᬬᬧᬸᬧᬸᬮᬦ᭄ᬯᬶᬰᬾᬱ᭟ᬲᬷᬓ᭄ᬱ᭄ᬫᬦᬶᬂᬧᬜ᭄ᬘᬬᬚ᭄ᬜᬵ᭞ᬤᬦᬧᬹᬡ᭄ᬬᬯᬵᬦ᭄ᬲᬸᬓᬶᬃᬣᬶ᭞ᬰ᭄ᬭᬤᬗ᭄ᬕᬯᬾᬚᬳᬶᬢ᭄ᬢ᭞ᬢᬢ᭄ᬯᬦᬶᬂᬳ᭄ᬬᬸᬦ᭄ᬯ᭄ᬮᬲᬰᬶᬄ᭞ᬤᬦᬵ᭠
ᬢᬦᬵᬮᬶᬦᬵᬮᬶᬦ᭄᭞ᬭᬶᬲᬂᬯᬺᬤ᭄ᬥᬵᬚ᭄ᬜᬡᬧᬸᬢᬸᬲ᭄᭞ᬫᬗᬬᬸᬋᬱᬶᬬᬚ᭄ᬜᬵ᭞ᬲᬳᬵᬲᬸᬘᬶᬢ᭄ᬣᬦᬶᬂᬳᬢᬶ᭞ᬲᬸᬮᬓ᭄ᬲᬡᬲᬸᬘᬶᬮᬘᬭᬥᬃᬫ᭄ᬫᬶᬓᬵ᭟ᬤᬦᬧᬯᬾᬯᬾᬄᬓᬶᬦᬸᬘᬧ᭄᭞ᬫᬳᬵᬤᬶᬤᬦᬮᬶᬦ᭄ᬯᬶᬄ᭞ᬧ
ᬯᬾᬯᬾᬄᬫᬍᬯᭂᬮ᭄ᬓᬂ᭞ᬢᬶᬩᬦᬾᬫᬦᬹᬢ᭄ᬱ᭄ᬭᬬᭀᬕᬶ᭞ᬫᬨᬮᬚᬕᬢ᭄ᬳᬰᬶᬄ᭞ᬚᬦᬵᬦᬸᬭᬕᬵᬓᬯᬸᬯᬸᬲ᭄᭞ᬫᬸᬮᬶᬳᬾᬂᬥ᭄ᬬᬢ᭄ᬫᬶᬓ᭞ᬋᬡᬦᬶᬂᬳ᭄ᬬᬂᬲᬢᭀᬃᬳᬰᬶᬄ᭞ᬫᬯᬾᬄᬲᬸᬓᬂᬳ᭄ᬬᬸᬦ᭄ᬧᬦ᭄ᬪᬸᬥᬶᬓᬲᬡ᭄ᬝᬦ᭄᭟
ᬓᬢᬶᬕᬵᬧᬸᬧᬸᬢ᭄ᬳᬸᬢ᭄ᬢᬫ᭞ᬫᬳᬵᬢᬶᬤᬦᬮᬶᬦ᭄ᬯᬶᬄ᭞ᬫᬧᬸᬡ᭄ᬬᬉᬭᬶᬧ᭄ᬲᬦᬸᬗ᭄ᬕᬮ᭄᭞ᬳᬶᬦᬶᬭᬶᬂᬦᬶᬲ᭄ᬢᬺᬱ᭄ᬡᬵᬮᬮᬶᬲ᭄᭞ᬢ᭄ᬬᬕᬾᬂᬳᬢᬶᬦᬶᬃᬲᬶᬭᬶᬂ᭞ᬢᬦ᭄ᬧᬗᬺᬫ᭄ᬪᬵᬨᬮᬂᬳ᭄ᬬᬸᬦ᭄᭞ᬓᬤᬶᬲᬂᬬᬸᬤᬶᬲ᭄ᬣᬶᬭ᭞ᬳᬦᬸ
[᭒᭙ 29A]
ᬮᬓ᭄ᬲᬸᬓᬦᬶᬂᬰ᭄ᬯᬃᬕ᭄ᬕᬶ᭞ᬲᬸᬓᬾᬂᬳ᭄ᬬᬸᬦ᭄ᬤᬦᬸᬭᬶᬧ᭄ᬢᬶᬦᬶᬩᬾᬂᬓᬯᬄ᭟ᬪᬓ᭄ᬢᬶᬢ᭄ᬬᬕᬵᬢᬦ᭄ᬓᬧᬮᬂ᭞ᬲᬗ᭄ᬓᬦᬶᬂᬫᬮᬶᬗᭂᬩ᭄ᬯᬮᬶ᭞ᬓᬯᬳᬾᬫᬦ᭄ᬤᬤᬶᬰ᭄ᬯᬃᬕ᭄ᬕᬦ᭄᭞ᬫᬳᬵᬮᭀᬓᬵᬚᬕ᭄ᬚᬧᬗ᭄ᬕᬶᬄ᭞ᬓᬗ᭄ᬓᬶᬤ᭄ᬓᬤᬗᬾᬲᬫᬶ᭞ᬫ᭄ᬩᬸᬓ᭄ᬢᬶᬧ᭠
ᬮᬂᬤᬦᬳᬕᬸᬂ᭞ᬗᬭᬦ᭄ᬫᬳᬵᬢᬶᬤᬦ᭞ᬓᬾᬦ᭄ᬢᭂᬦ᭄ᬲᬂᬫᬓᬶᬦ᭄ᬓᬶᬦ᭄ᬤᬃᬫ᭄ᬫᬶ᭞ᬦᬾᬭᬶᬂᬬᬢᬺᬬᬤ᭄ᬬᬧᬶᬭᬯᬸᬄᬧᬭᬢᬺ᭟ᬳᬦᬶᬂᬫᬧᬹᬡ᭄ᬬᬪᭀᬚᬦ᭞ᬭᬶᬓᬮᬤᬹᬃᬪᬶᬓ᭄ᬱᬾᬂᬦᬕ᭄ᬭᬶ᭞ᬮᬯᬦ᭄ᬬᬦ᭄ᬫᬋᬡ᭄ᬬᬳ᭄ᬫᬲ᭄᭞ᬭᬶᬓᬮᬲᬸᬪᬶ
ᬓ᭄ᬲᬂᬦᬕ᭄ᬭᬶ᭞ᬨᬮᬦᬾᬫᬗ᭄ᬭᬶᬳᬶᬦᬶᬦ᭄᭞ᬫᬦᬶᬜ᭄ᬘᬧ᭄ᬪᬸᬄᬮᭀᬓᬵᬯᬶᬱ᭄ᬡᬸ᭞ᬫᬮᬶᬄᬓᬂᬅᬥᬶᬧᬸᬡ᭄ᬬᬵ᭞ᬍ᭠ᬫ᭄ᬩᬸᬦᬾᬧᬸᬢᬶᬄᬓᬫ᭄ᬩᭂᬦᬶᬦ᭄᭞ᬧᬓᬓᬲᬶᬦ᭄ᬫᬸᬜ᭄ᬘᬓ᭄ᬢᬦ᭄ᬥᬸᬓᬾᬩᬦ᭄ᬳ᭄ᬫᬲ᭄᭟ᬲᬳᬵᬓᬗ᭄ᬰᬡᬩᬚᬡ᭞ᬯ
ᬯᬦᬶᬂᬳᬫᭂᬄᬨᬮᬦᬶᬂ᭞ᬭᬶᬧ᭄ᬦᬵᬧᬘᬂᬪᬸᬓ᭄ᬢ᭄ᬬᬂ᭞ᬜᬶᬤᬬᬂᬳᬲᬶᬂᬥ᭄ᬫᭂᬦᬶᬦ᭄᭞ᬮ᭄ᬯᬃᬥᬵᬳ᭄ᬬ᭄ᬦᬕ᭄ᬦᬡ᭄ᬥᬶᬡᬶ᭞ᬍᬀᬩᬸᬫᬗ᭄ᬯᬢ᭄ᬯᬂᬲᬓᬬᬸᬦ᭄᭞ᬤ᭄ᬯᬾᬫ᭄ᬦᬸᬳᬶᬂᬚᬕᬢ᭄᭞ᬓᬢ᭄ᬓᬦ᭄ᬲᬶᬂᬲᬥ᭄ᬬᬾᬓᬵᬧ᭄ᬢᬶ᭞ᬫᬳᬵᬚ᭄ᬜᬡᬢᬸᬮ᭄ᬬᬲᬂᬋᬱᬶᬯᬲᬶ
Kaca:Bali-lontar-gaguritan-pura-dalem-abyantubuh-300ppi.pdf/29
Kaca puniki sampun kauji-wacén
