[᭒᭕ 25B]
᭒᭕
ᬦᬹᬮᬶᬳᬾᬂᬢᬸᬢᬹᬭᬦ᭄᭞ᬦ᭄ᬢᭀᬫᬤᬦ᭄ᬧ᭄ᬭᬚ᭄ᬜᬦ᭄ᬗᬸᬧᬶᬂ᭞ᬬᬾᬦᬵᬥᬵᬦᬹᬕ᭄ᬱᬂ᭞ᬧ᭄ᬥᬲ᭄ᬢ᭄ᬯᬄᬫᬳᬢᬸᬃᬲᬶᬲᬶ᭠ᬧ᭄᭟ᬤᬾᬦᬶᬂᬲᬓ᭄ᬲᬢ᭄ᬢᬭᬸᬦᬾᬳᭀᬮᬶᬄᬤ᭄ᬓᬸᬗᬦ᭄᭞ᬲᬶᬦᬄᬳᬓᬳᬾᬢᬶᬗ᭄ᬕᬶ᭞ᬢᬦ᭄ᬧᬧᬜ᭄ᬘᭂᬃᬓ᭄ᬯᬢ᭄᭞ᬓᬾᬯ
ᬮᬾᬗ᭄ᬕᬮ᭄ᬫᬵᬩ᭄ᬯᬄ᭞ᬳᬗ᭄ᬳᬶᬂᬳᭀᬩᬄᬕᬶᬗ᭄ᬕᬂᬕᬜ᭄ᬚᬶᬄ᭞ᬓᬰ᭄ᬭᬶᬗᬦ᭄ᬧᬸᬗ᭄ᬓᬢ᭄᭞ᬢᬦ᭄ᬢᬳᭂᬦ᭄ᬩᬩᬃᬳᬗᬶᬦ᭄᭟ᬩᬶᬡᬧᬶᬲᬦ᭄ᬢ᭄ᬓᬦᬶᬂᬫᬹᬮᬵᬯᬶᬦᬶᬳᬦ᭄᭞ᬅᬲ᭄ᬮᬶᬡ᭄ᬝᬶᬓᬾᬂᬧᬺᬣᬶᬯᬶ᭞ᬧᬜ᭄ᬘᭂᬃᬳᬓᬄᬓ᭄ᬯᬢ᭄᭞ᬬᬤᬶᬦ᭄ᬲᭀᬯ᭄ᬬᬦ᭄ᬫᬩᬸ
ᬯᬄ᭞ᬗ᭄ᬳᬶᬂᬢᬳᭂᬦ᭄ᬭᬶᬂᬧᬦᬲ᭄ᬳ᭄ᬝᬶᬲ᭄᭞ᬤᬶᬦ᭄ᬲᬶᬦ᭄ᬤ᭄ᬭᬂᬧᬯᬦᬵᬲᬸᬓᬥᬦ᭄ᬫ᭄ᬧᬵᬓ᭄ᬗᬮᬦ᭄ᬢᬶᬂ᭟ᬫᬮᬶᬄᬓᬤᬶᬲᬫᬶᬦᬶᬂᬳᬶᬬᬗ᭄ᬕ᭄ᬭᬾᬓ᭄ᬪᬸᬮᬦ᭄᭞ᬲ᭄ᬓᬭᬾᬫᬗᬾᬤᬦᬶᬦ᭄᭞ᬧ᭄ᬢᬓ᭄ᬲᬭᬶᬜᬮᬂ᭞ᬚ᭄ᬦᬃᬗ᭄ᬫᬲᬶᬦ᭄ᬧᬄ᭞ᬓᭂᬫ᭄ᬩᬗᬾᬦᬸᬢᬹᬕᬵ
ᬰᬰᬶᬄ᭞ᬗᬳ᭄ᬬᬸᬦ᭄ᬳ᭄ᬬᬸᬦᬶᬦ᭄ᬢᬶᬦ᭄ᬳᬵᬮ᭄᭞ᬢᬦ᭄ᬲᬄᬳᬦ᭄ᬥᬸᬤᬸᬢ᭄ᬳᬢᬶ᭟ᬳᬗ᭄ᬳᬶᬂᬓᬾᬦ᭄ᬢᭂᬦ᭄ᬳᬸᬭᬶᬧᬾᬳᬗ᭄ᬩᬂᬗ᭄ᬩᬂ᭞ᬳᭀᬮᬶᬫᬳᬦᭂᬫ᭄ᬧᬶᬮ᭄᭞ᬦᬾᬫ᭄ᬧᬮ᭄ᬭᬶᬂᬮᬾᬦ᭄ᬓᬬ᭄ᬯᬦ᭄᭞ᬦᬾᬢᬦ᭄ᬧᬓᬤᬂᬲᬶᬭ᭞ᬫᬗ᭄ᬓᬶᬦ᭄ᬓᬮᬂᬲ᭄ᬓ
[᭒᭖ 26A]
ᬭᬗᬮᬶᬓ᭄᭞ᬤᬤᬓᬦ᭄ᬳ᭄ᬬᬧᬸᬗ᭄ᬓᬢ᭄᭞ᬢᬭᬹᬦᬾᬕ᭄ᬦᬄᬫᬮᬶᬮᬶᬢ᭄᭟ᬢᬦ᭄ᬧ᭄ᬭᬶᬯᬗ᭄ᬤᬾᬳᬶᬬᬗ᭄ᬕ᭄ᬭᬾᬓ᭄ᬲ᭠ᬰᬶᬓᬮᬬ᭄ᬯᬦ᭄᭞ᬤᬾᬦᬶᬂᬉᬭᬶᬧ᭄ᬗᬮᬦ᭄ᬢᬶᬂ᭞ᬦᬾᬫ᭄ᬧᬾᬮ᭄ᬭᬶᬂᬮᬾᬦ᭄ᬓᬬᬸᬦ᭄᭞ᬫᬯᬶᬢ᭄ᬢᬦ᭄ᬕᬸᬡᬓᬬ᭞ᬫᭂᬦ᭄ᬢᬶᬓ᭄ᬲᬓᬾᬪᬸ
ᬧᬺᬣᬶᬯᬶ᭞ᬓᬾᬦ᭄ᬢᭂᬦ᭄ᬳᬦ᭄ᬤᬾᬜ᭞ᬳᬦᬓᬾᬧ᭄ᬥᬲ᭄ᬢᬦ᭄ᬢᬶᬮᬶᬓ᭄᭟ᬲᬗ᭄ᬓᬦ᭄ᬤᬾᬯᬫᬗ᭄ᬤᬾᬧᬺᬢ᭄ᬬᬵᬓ᭄ᬲᬥᬵ᭠ᬳᬫ᭄ᬧᬄ᭞ᬗᬫ᭄ᬧᬳᬂᬢ᭄ᬭᬶᬖᬸᬦᬵᬥᬶ᭞ᬲᬅ᭄ᬢᬂᬓᬬᬶᬓᬵᬤ᭄ᬯᬶᬢᬂᬯᬘᬶᬓᬵ᭞ᬓᬢ᭄ᬭᬶᬦᬶᬫᬦᬘᬶᬓᬦᬶ᭞ᬦᬶᬢ᭄ᬬᬳᬧᬂᬢ᭠
ᬗᬃ᭞ᬗᬫᭀᬗᬶᬦ᭄ᬥᭃᬫ᭄ᬩᬳᬂᬧ᭄ᬮᬶᬄ᭟ᬧᬂᬲᬸᬩᬦᭂᬦ᭄ᬳ᭄ᬬᬵᬫᬦ᭄ᬤᬤᬶᬢ᭄ᬭᬶᬪᬾᬥᬵᬦ᭞ᬬᬦᬶᬂᬲᬶᬤᬵᬉᬢ᭄ᬧ᭄ᬢᬶ᭞ᬤᬤᬶᬦᬶᬂᬢ᭄ᬭᬶᬓᬬ᭞ᬧᬭᬶᬲᬸᬤ᭄ᬥᬦᬶᬂᬦᬄ᭞ᬳᬗ᭄ᬕᭀᬦ᭄ᬫᬓᬵᬰ᭄ᬭᬬᬾᬂᬗᬸᬭᬶᬧ᭄᭞ᬤᬶᬪᬸᬫᬶᬲᬓᬮ᭞ᬓᬮᬵᬳᬶᬩᬧᬵ
ᬫᬢᬶ᭟ᬦᬳᬓᬾᬦ᭄ᬢᭂᬦ᭄ᬫᬮᬸᬦᬾᬫᬗ᭄ᬓᬶᬦ᭄ᬧᬸᬧᬸᬢᬂ᭞ᬧᬸᬗ᭄ᬓᬸᬭᬦ᭄ᬩᬸᬯᬶᬦ᭄ᬲᬫ᭄ᬩᬸᬗᬶᬦ᭄᭞ᬬᬦᬶᬂᬯᬾᬦ᭄ᬢᭂᬦ᭄ᬩ᭄ᬯᬢ᭄᭞ᬇᬥᭂᬧ᭄ᬦᬦᬵᬓ᭄ᬦᬓᭀᬦᬂ᭞ᬩ᭄ᬯᬶᬜᬬᬦ᭄ᬩᬧᬦᬹᬉᬭᬶᬧ᭄᭞ᬲᬓᬲᬶᬤᬦ᭄ᬲᬶᬤᬦ᭄᭞ᬩᬶᬮᬶᬄᬜᬶᬤᬬᬂᬦ᭄ᬤ
Kaca:Bali-lontar-gaguritan-pura-dalem-abyantubuh-300ppi.pdf/26
Kaca puniki sampun kauji-wacén
