[᭒᭓ 23B]
᭒᭓
ᬤᬶᬯᬤᬶ᭞ᬧᬂᬲᬸᬩᬦᭂᬦ᭄ᬓᭀᬘᬧ᭄᭞ᬓᬤᬶᬧ᭄ᬭᬪᬸᬓᬗ᭄ᬰᬵ᭞ᬧᬸᬜᬄᬩᬦ᭄ᬯᬶᬪᬯᬵᬰᬓ᭄ᬢᬶ᭞ᬓᬸᬫᬦ᭄ᬤᭂᬮ᭄ᬓᬾᬦᬵᬯᬓ᭄᭞ᬭᬱᬢ᭄ᬯᬭᬵᬥᬦᬦ᭄ᬤᬶᬗᬶᬦ᭄᭟ᬭᬭᬶᬲ᭄ᬭᬯᬸᬄᬲᬂᬋᬱᬶᬗᬹᬘᬧ᭄ᬜᬶᬦᬳᬂᬯᬾᬦ᭄ᬢᭂᬦ᭄ᬧᬘᬂᬦᬦ᭄ᬤᬶᬗᬶᬦ᭄᭞ᬩᬶᬮᬶᬄᬫᬗ
ᬲᭀᬭᬂ᭞ᬯᬶᬰᬾᬱᬦ᭄ᬧ᭄ᬭᬪᬸᬓᬗ᭄ᬰᬵ᭞ᬳᬗ᭄ᬳᬶᬂᬓᬭᬶᬚ᭄ᬭᭀᬦᬶᬂᬩ᭄ᬮᬶᬂ᭞ᬫᬗ᭄ᬓᬶᬦ᭄ᬧ᭄ᬭᬪᬸᬓᬗ᭄ᬰᬵ᭞ᬲᬬᬦ᭄ᬫᭀᬳᬦ᭄ᬓᬭᬾᬗᬢᬶ᭟ᬫᬫ᭄ᬭᬾᬦ᭄ᬢᬳᬂᬲᬓᬤᬦ᭄ᬩ᭄ᬮᬶᬗᬾᬫᬢ᭄ᬬᬂ᭞ᬲᬫ᭄ᬧᬹᬦ᭄ᬫᬕᬦ᭄ᬢᬸᬮ᭄ᬓᬭᬶ᭞ᬳᬂᬳᬶᬫᬯ᭄ᬯᬶᬢ᭄ᬢᬶᬢᬄ᭞ᬯᬶᬥᬶᬢᬦ᭄ᬲᬶ᭠
ᬤ᭄ᬥᬵᬮᬾᬩᬂ᭞ᬦᬾᬫᬯ᭄ᬯᬶᬢ᭄ᬧᬘᬂᬫᬜ᭄ᬚᬸᬤᬶ᭞ᬢ᭄ᬯᬭᬵᬩᬓᬢ᭄ᬭᬸᬲᬓ᭄᭞ᬩᭀᬩᭀᬢ᭄ᬫᭂᬗ᭄ᬓᭂᬩᬂᬢᬦ᭄ᬓ᭄ᬦᬶ᭟ᬦᬾᬗ᭄ᬯᬾᬦ᭄ᬢᭂᬦᬂᬲᬂᬰ᭄ᬭᬶᬓᬺᬱ᭄ᬡᬵᬩᬮᬤᬾᬯ᭞ᬢᭀᬦᬾᬓᬢᬸᬤᬸᬄᬫᬯᬶᬢ᭄᭞ᬧᬘᬂᬗᬲᭀᬭᬂ᭞ᬜᬫ᭄ᬧᬹᬃᬡ᭄ᬦ
ᬧ᭄ᬭᬪᬸᬓᬗ᭄ᬰᬵ᭞ᬲᬗ᭄ᬓᬦ᭄ᬧᬫᬸᬧᬹᬢ᭄ᬗ᭄ᬫᬲᬶᬦ᭄᭞ᬧ᭄ᬢᭂᬂᬧᬶᬢᬸᬮᬭᬧᬦ᭄᭞ᬢᬦ᭄ᬯᬂᬥᬾᬧᬘᬂᬧᬗ᭄ᬕᬶᬳᬶᬦ᭄᭟᭠ᬫᬮᬶᬄᬮ᭄ᬬᬸᬘᭀᬦ᭄ᬢᭀᬦᬾᬲᬯᭀᬲᬯᭀᬲᬦ᭄᭞ᬓᭀᬘᬧᬶᬂᬮᬶᬂᬦᬶᬂᬳᬚᬶ᭞ᬓᬤᬶᬲᬂᬓᭀᬭᬯ᭞ᬫ᭄ᬯᬄ
[᭒᭔ 24A]
ᬧ᭄ᬭᬪᬸᬦᬯᬸᬱ᭞ᬤᬾᬢ᭄ᬬᬲᬸᬦ᭄ᬤᬯᬸᬯᬲᬸᬦ᭄ᬤᬶ᭞ᬲᬂᬤᬾᬢ᭄ᬬᬓᬯᬘ᭄ᬙ᭞ᬲᬂᬭᭀᬳᬦᬵᬓᬸᬭᬸᬧᬢᬶ᭟ᬦ᭄ᬢᭀᬲ᭠ᬫᬶᬢᬦ᭄ᬲᬯᭀᬲ᭄ᬦᬾᬫᬗ᭄ᬭᬸᬪᬾᬥᬵ᭞ᬳᬶᬧ᭄ᬢᭂᬂᬧᬶᬢᬸᬳᬸᬕᬶ᭞ᬓ᭄ᬭᬡᬤᬤᬶᬧᬸᬜᬄ᭞ᬧᬮᬶᬂᬩᬦ᭄ᬓᬯᬶᬪᬯᬦ᭄᭞ᬫᬯᬶᬃᬬ᭄ᬬ᭠
ᬯᬶᬰᬾᬱᬰᬓ᭄ᬢᬶ᭞ᬫᬗ᭄ᬯᭂᬢ᭄ᬯᬂᬳᬫ᭄ᬧᬄ᭞ᬮᬮ᭄ᬬᬦᬶᬓᬂᬥᬃᬫ᭄ᬫᬪᬸᬤ᭄ᬥᬶ᭟ᬓᬾᬢᭀᬤᬤᬶᬦ᭄ᬳᬦᬓᬾᬓ᭄ᬯᬗᬦ᭄ᬢ᭠ᬗᬃ᭞ᬬᬾᬦ᭄ᬲᬫ᭄ᬧᬸᬦ᭄ᬲ᭄ᬭᬶᬂᬓᬧᬸᬚᬶ᭞ᬳᬦ᭄ᬢᬸᬓ᭄ᬓᬯᬶᬪᬸᬳᬦ᭄᭞ᬢ᭄ᬯᬶᬦ᭄ᬓᬯᬶᬘ᭄ᬓ᭄ᬱᬡᬦ᭄᭞ᬩᬳᬸᬲ᭄ᬮᬾᬳᬾᬢ᭄ᬯᬵᬫᬥᬶ᭞ᬚ᭠
ᬢ᭄ᬓᬲᬸᬲᬸᬧᬦ᭄᭞ᬩᬦ᭄ᬧ᭄ᬢᭂᬂᬧᬶᬢᬸᬫᬫᬹᬃᬢ᭄ᬢᬶ᭞ᬲᬗ᭄ᬓᬦ᭄ᬤᬾᬯᬳᬶᬗᭂᬢᬶᬢ᭄ᬳᬧᬂᬢᬗᬃ᭞ᬤᬾᬦᬶᬂᬓᬝᬄ᭠ᬗ᭄ᬕᭀᬥᬦᬶᬦ᭄᭞ᬤᭀᬱᬫᬬᬾᬂᬳᬯᬓ᭄᭞ᬗᬶᬦ᭄ᬢᬶᬧᬘᬂᬜ᭄ᬮᬶᬯᭂᬕᬂ᭞ᬬᬦ᭄ᬢᬦ᭄ᬚᬕᬺᬳᬾᬮᬶᬂᬳᬾᬮᬶᬂ᭞ᬓᬾᬦ᭄ᬢᭂᬦ᭄ᬤ᭠
ᬕᬶᬗᭃ᭞ᬋᬱᭂᬋᬱᭂᬧᬂᬤᬶᬬᬢᬶ᭟ᬬᬦ᭄ᬤ᭄ᬬᬢ᭄ᬫᬶᬓᬵᬚᬧᬵᬫᬦ᭄ᬢ᭄ᬭᬲᬫᬶᬳᬶᬢ᭞ᬫ᭄ᬯᬂᬥ᭄ᬬᬡᬲᬫᬥᬶ᭞ᬬᭀᬕᬦᬾᬧᬕᭂᬳᬂ᭞ᬤᬲᬭᬶᬦ᭄ᬩᬦ᭄ᬲᬸᬘᬶᬢ᭄ᬣ᭞ᬗᬥᬶᬲ᭄ᬢᬦᬲᬂᬳ᭄ᬬᬂᬯᬶᬥᬶ᭞ᬧᬂᬗ᭄ᬕᬶᬮᬶᬲ᭄ᬫᬦᬹᬗ᭄ᬕᬮ᭄᭞ᬤᬶᬢᬸᬮᬯᬸ
Kaca:Bali-lontar-gaguritan-pura-dalem-abyantubuh-300ppi.pdf/24
Kaca puniki sampun kauji-wacén
