[᭒᭒ 22B]
᭒᭒
ᬩᬳᬦ᭄ᬧᬗ᭄ᬓᬢ᭄᭞ᬧᬸᬜᬄᬩᬦ᭄ᬓᬩᬕᬸᬲᬦ᭄᭞ᬫᬯᬺᬩᬳᬦ᭄ᬯᬗ᭄ᬰᬮ᭄ᬯᬶᬄ᭞ᬧᬸᬜᬄᬳᬦ᭄ᬢᬸᬓ᭄ᬧ᭄ᬭᬚ᭄ᬜᬦ᭄᭞ᬯᬶ᭠ᬘᬓ᭄ᬱᬡᬓᬲᬸᬩ᭄ᬭᬶᬭᬶᬄ᭟ᬫᬯᬺᬤᬾᬦᬶᬂᬧᬗᬭᬹᬄᬚᬦᬦᬸᬭᬕᬵ᭞ᬧᬸᬜᬩᬵᬦ᭄ᬯᬶᬰᬾᬱᬰᬓ᭄ᬢᬶ᭞ᬓᬾᬦ᭄ᬢᭂᬦ᭄ᬩᬘ
ᬓᬜ᭞ᬤᬾᬯᬲᬯᬤᬶᬯᬤ᭄ᬬᬦ᭄᭞ᬩ᭄ᬯᬢᬂᬲᬫ᭄ᬧᬶᬂᬓ᭄ᬮᬶᬤᬶᬦ᭄᭞ᬤᬾᬦᬶᬂᬚ᭄ᬮᬾᬧᬶᬲᬦ᭄᭞ᬲ᭄ᬓᬮᬵᬦᬶᬲ᭄ᬓᬮᬧᬗ᭄ᬕᬶᬄ᭟ᬲᬗ᭄ᬓᬦ᭄ᬋᬓᬾᬓᬹᬘᬧ᭄ᬭᬶᬂᬓᬯᬶᬮᬹᬩ᭄ᬤᬓᬵ᭞ᬕ᭄ᬦᬄᬫᬜᬶᬯᬵᬭᬵᬢ᭄ᬭᬶ᭞ᬭᬶᬂᬢᬶᬍᬫ᭄ᬓᬲᬧ᭄ᬝᬵ᭞ᬩ᭄ᬭᬢ᭄ᬢᬦᬾᬧ
ᬮᬶᬂᬩ᭄ᬭᬢ᭄᭞ᬫᬗ᭄ᬥᬵᬚᬕᬺᬫᬗ᭄ᬬᬵᬢ᭄ᬦᬳᬶᬦ᭄᭞ᬧᬸᬦᬂᬳᬶᬢ᭄ᬭᬶᬓᬬᬵ᭞ᬫᬸᬦᬳᬂᬢᬶᬍᬫ᭄ᬓᬲᬧ᭄ᬢᬶ᭟ᬢᬗ᭄ᬓᬬᬶ᭠ᬓᬵᬢ᭄ᬕᬓᬂᬧᬦ᭄ᬤᭂᬓ᭄ᬫᬲᬶᬮᬵ᭞ᬢ᭄ᬫ᭄ᬯᬂᬇᬰᬡᬫᬸᬲ᭄ᬢᬶ᭞ᬫ᭄ᬯᬄᬢᬂᬯᬘᬶᬓᬵ᭞ᬧ᭄ᬕᭂᬂᬢᬦ᭄ᬳᬯᬾᬄᬫᭀᬚᬃ᭞ᬳᬫᭀᬦᬵᬩ᭄ᬭᬢ᭄ᬢᬲ᭠
ᬫᬥᬶ᭞ᬳᬶᬓᬂᬫᬦᬵᬘᬶᬓᬵ᭞ᬢᬸᬚ᭄ᬯᬦᬶᬘᬶᬢ᭄ᬣᬫᬳ᭄ᬦᬶᬂ᭟ᬮᬸᬭᬸᬲ᭄ᬦᬸᬗ᭄ᬕᬮ᭄ᬳᬫᬸᬂᬯᬦ᭄ᬢᬄᬰᬶᬯᬮᬶᬗ᭄ᬕᬵ᭞ᬤᭀᬦ᭄ᬫᬶᬮᬦᬾᬧᬶᬓ᭄ᬧᬶᬓ᭄᭞ᬳᬜᬸᬢ᭄ᬭᬶᬂᬩᬗ᭄ᬳᬯᬦ᭄᭞ᬤᬲᬭᬶᬦ᭄ᬩᬦ᭄ᬯᬘᬦᬦ᭄᭞ᬳᬶᬤᬪᬕᬯᬵᬦ᭄ᬅᬗ᭄ᬕᬵᬱ᭄ᬝᬶ᭞ᬢ᭄ᬯᬄ
[᭒᭓ 23A]
ᬳᬓᬶᬤᬶᬓ᭄ᬲᬦ᭄᭞ᬯᬦ᭄ᬢᬄᬢᬢᬧ᭄ᬭᬗᬶᬦ᭄᭟ᬓᬂᬢ᭄ᬭᬶᬩ᭄ᬭᬢ᭄ᬢᬅᬓ᭄ᬭᭀᬥᬵᬲᭀᬓᬯᬃᬚ᭄ᬢᬶᬣ᭞ᬅᬮᭀᬪᬾᬢ᭄ᬭᬬᬾᬢ᭄ᬢᬶᬱ᭄ᬝᬶ᭞ᬦᬶᬓᬵᬗ᭄ᬕᬾᬦ᭄ᬲᬜ᭄ᬚᬢ᭞ᬫᬳᬤᬦ᭄ᬧᬤ᭄ᬫᬥᬡ᭄ᬥ᭞ᬜᬫ᭄ᬧᬹᬃᬡ᭄ᬦᬳᬶᬲᬧ᭄ᬢᬵᬯ᭄ᬗᬶ᭞ᬦᬾᬲᬚ᭄ᬭᭀᬦᬶ
ᬗᬵᬗ᭄ᬕᬵ᭞ᬗᬫᬱᬫᬱᬚᬕ᭄ᬭᬳᬶᬦ᭄᭞ᬰᬶᬯᬵᬫᬵᬃᬣᬶᬫᬦᬳᬾᬕᬮᬂᬗᬧᬥᬂ᭞ᬭᬢ᭄ᬭᬶᬢᬶᬍᬫᬶᬂᬳᬢᬶ᭞᭠ᬲᬗ᭄ᬓᬦ᭄ᬓᬢ᭄ᬧᭂᬗᬂ᭞ᬢᬶᬍᬫ᭄ᬓ᭄ᬧᬶᬢᬸᬓᭀᬘᬧ᭄᭞ᬕ᭄ᬦᬄᬩ᭄ᬭᬢ᭄ᬢᬰᬶᬯᬵᬭᬢ᭄ᬭᬶ᭞ᬢᬶᬍᬫ᭄ᬫᬕᬵᬗᬭᬦ᭄᭞ᬲᬧ᭄ᬢᬧᬢᬮᬾᬂ
ᬯ᭄ᬗᬶ᭞ᬦᬸᬗ᭄ᬕᬶᬮ᭄ᬢᬳᬸᬦ᭄ᬤᬶᬢᬸᬢᭀᬗᭀᬲ᭄ᬫᬜ᭄ᬚᬕ᭄ᬭᬬᬂ᭞ᬫᬦᬳᬾᬫᬗ᭄ᬥᬲᬸᬘᬶ᭞ᬯᬵᬲ᭄ᬧᬥᬵᬦ᭄ᬳᭃᬳᬫ᭄ᬩᬄ᭞ᬍᬗᬂᬗᬸᬧᬯᬱ᭞ᬓᬶᬓᬶᬢᬂᬫᬫᬸᬜᬶᬫᬸᬜᬶ᭞ᬲᭀᬩᬕ᭄ᬬᬵᬫᬫᭀᬦᬵ᭞ᬦ᭄ᬢᭀᬫᬤᬦ᭄ᬰᬶᬯᬵᬭᬢ᭄ᬭᬶ᭟ᬧᬫᬸᬦᬳᬦ᭄ᬤᬶ
ᬧ᭄ᬢᭂᬂᬧᬶᬢᬸᬓᬚᬬ᭞ᬤᬾᬦᬶᬂᬦᬶᬢᬶᬫᬢᬗᬶ᭞ᬤᬤᬶᬲᬂᬳ᭄ᬬᬂᬅᬢ᭄ᬫᬵ᭞ᬢᬗᬃᬚᬕᬺᬢᬦ᭄ᬲᬸᬧ᭄ᬢ᭞ᬢᬦ᭄ᬲᬶᬋᬧ᭄ᬭᬳᬶᬦᬯ᭄ᬗᬶ᭞ᬲᬗ᭄ᬓᬦᬶᬂᬉᬢ᭄ᬢᬫ᭞ᬰᬶᬯᬵᬭᬚ᭄ᬚᬩ᭄ᬭᬢ᭄ᬢᬮ᭄ᬯᬶᬄ᭟ᬬᬦ᭄ᬓᬲᬶᬤᬦ᭄ᬢᭀᬧᬕᭂᬳᬂᬤᬶᬫᬦᬄ᭞ᬧᬸᬭᬸᬓᬶᬦ᭄ᬲᬯ
Kaca:Bali-lontar-gaguritan-pura-dalem-abyantubuh-300ppi.pdf/23
Kaca puniki sampun kauji-wacén
