[᭒᭑ 21B]
᭒᭑
ᬦᬶᬂᬥᬾᬳᬶ᭞ᬤ᭄ᬯᬶᬚᬓ᭄ᬱᬭᬵᬅᬂᬅᬄ᭞ᬭ᭄ᬯᬦᬾᬓᬵᬪᬾᬥᬫᬦᬸᬗ᭄ᬕᬶᬮ᭄᭟ᬬᬦ᭄ᬳᬸᬲ᭄ᬢᬬᬵᬓᬤᬢᬧᬸᬦᬂ᭠ᬲᬯᬮ᭞ᬯᬃᬡ᭄ᬦᬲᬧ᭄ᬢᬩᬂᬖ᭄ᬦᬶ᭞ᬤᬤᬶᬫᬺᬢ᭄ᬢᬾᬂᬓᬹᬡ᭄ᬥᬵ᭞ᬮᬶᬡᬶᬮᬭᬶᬲ᭄ᬫᬗᬹᬃᬤ᭄ᬥᬵ᭞ᬤᬮᬜ᭄ᬚ᭄ᬭᭀᬦ᭄ᬢᬳᬸᬮᬦ᭄ᬕᬶᬳᬶᬂ᭞ᬦᬸᬚᬸᬲ
ᬓᬺᬲᬹᬡ᭄ᬬ᭞ᬥᬶᬲ᭄ᬢᬦᬰᬳᬰ᭄ᬭᬧᬥ᭄ᬫᬶ᭟ᬦᬶᬓᬵᬲᬸᬪᬵᬫᬳᬤᬦ᭄ᬫᬳᬥᬶᬰ᭄ᬯᬃᬕ᭄ᬕᬦ᭄᭞ᬩᬵᬕ᭄ᬬᬫᬵᬦ᭄ᬢᬓ᭠ᬪᬹᬓ᭄ᬢᬶ᭞ᬗ᭄ᬳᬶᬂᬤᬵᬢ᭄ᬥᬸᬃᬖ᭄ᬕᬫᬵ᭞ᬓᬾᬦ᭄ᬢᭂᬦ᭄ᬯᬵᬳ᭄ᬬᬦᬾᬧᬶᬲᬦ᭄᭞ᬩᬳᬦ᭄ᬕᬸᬭᬸᬫᬶᬤᬃᬢ᭄ᬢᬳᬶᬦ᭄᭞ᬢ᭄ᬯᬶᬇᬗᭂᬭᬂᬧᬶᬲᬦ᭄᭞ᬧᬂᬳ᭄ᬥᬵ
ᬳᬶᬯᬂᬧᬗᬃᬣᬶ᭟ᬢᬍᬃᬫᬰᬶᬄᬬᬦ᭄ᬓᬲᬶᬤᬦ᭄ᬢ᭄ᬯᬶᬩᬸᬯᬢᬂ᭞ᬓᬶᬃᬢ᭄ᬬᬂᬳᭀᬮᬶᬄᬚᬦᬶ᭞ᬲᬶᬜᬫᬜᬶᬤᬬᬂ᭞᭠ᬳᬧᬂᬯᬳ᭄ᬬᬤ᭄ᬬᬢ᭄ᬫᬶᬓᬵ᭞ᬜᬶᬤᬬᬂᬤᬾᬯᬓᬧᬗ᭄ᬕᬶᬄ᭞ᬬᬦ᭄ᬤᬶᬲ᭄ᬓᬮᬵᬲᬹᬮᬓ᭄ᬱᬡᬦᬾᬮ᭄ᬯᬶᬄ᭟ᬧᬂᬲᬸᬲᬶᬮᬵᬲᬸᬘ
ᬭᬵᬥᬶᬲᬸᬯᬘᬡ᭞ᬲᬹᬤ᭄ᬥᬵᬲᬸᬘᬶᬢ᭄ᬣᬾᬂᬳᬢᬶ᭞ᬫᬾᬗᭂᬢ᭄ᬫᬲᬯᬶᬢᬺ᭞ᬅᬮᭀᬓᬵᬧᬭᬰ᭄ᬭᬬᬵ᭞ᬳ᭄ᬥᬵᬧᬶᬲᬦ᭄ᬫᭀᬦᭂᬂᬫᬾᬮᬶᬓ᭄᭞ᬬᬦ᭄ᬲᬶᬤᬵᬧᬕᭂᬳᬂ᭞ᬳᬭᬶᬫ᭄ᬪᬯᬦᬶᬂᬳᬢᬶ᭟ᬥᭃᬓᬧᬶᬮᬹᬕ᭄ᬫᬢᬸᬢᬂᬩᬢᭂᬓ᭄ᬩᬦ᭄ᬢᬺ᭠
[᭒᭒ 22A]
ᬱ᭄ᬜᬵ᭞ᬫᬶᬥᭂᬦ᭄ᬤᬾᬦ᭄ᬲᬓᬾᬂᬳᬶᬮᬶᬓ᭄᭞ᬫᬓᬤᬶᬜᬧᬶᬲᬦ᭄᭞ᬫᬩᬹᬓ᭄ᬢᬵᬫᬶᬦ᭄ᬤ᭄ᬭᬶᬄᬓᬮᬪᬦ᭄᭞ᬫᬢᬹᬢᬂᬬᬤᬶᬦ᭄ᬫᬶᬲᬶᬲᬶᬧ᭄᭞ᬓᭀᬘᬧ᭄ᬚ᭄ᬮᬾᬧᬶᬲᬦ᭄᭞ᬯᬮᬸᬬᬗᬼᬢᭂᬳᬶᬦ᭄ᬳᬸᬭᬶᬧ᭄᭟ᬳ᭄ᬥᬵᬳᬶᬭᬶᬬᬢᬶᬢ᭄ᬓᬾᬦ᭄ᬳᬦᬵᬓ᭄ᬧ᭄ᬭᬚ᭄ᬜ
ᬦ᭄᭞ᬦᬾᬯᬶᬘᬓ᭄ᬱᬡᬭᬶᬭᬶᬄ᭞ᬳ᭄ᬥᬵᬫᬫᬶᬭ᭄ᬬᬂ᭞ᬳᬦᬓ᭄ᬫᬩᬳᬦ᭄ᬧᬗ᭄ᬓᬢ᭄᭞ᬓᬵᬕᬸᬗᬦ᭄ᬢᬸᬃᬫᭀᬮᬶᬄᬳᭀᬮᬶᬄ᭞ᬳ᭄ᬥᬵᬧᬶᬲᬦ᭄ᬳᬬ᭄ᬬ᭞ᬢ᭄ᬓᬾᬦ᭄ᬳᬦᬓ᭄ᬯᬶᬪᬹᬄᬰᬸᬕᬶᬄ᭞ᬳ᭄ᬥᬧᬶᬭᬶᬢ᭄ᬓᬾᬦ᭄ᬩᬕᬸᬲ᭄ᬓᬲ᭄ᬮᬾᬳᬦ᭞ᬳ᭄ᬥᬾᬭᬶᬓᬾᬦ᭄ᬓᬰᬓ᭄ᬢᬶ
ᬦ᭄᭞ᬦᬾᬰᬶᬥᬶᬯᬘᬡ᭞ᬳ᭄ᬥᬵᬫᬫᬶᬭ᭄ᬬᬂᬧᬗᬭᬹᬄᬚᬦᬦᬹᬭᬕᬶ᭞ᬓᬮᬶᬄᬳ᭄ᬥᬵᬧᬶᬲᬦ᭄ᬫᬶᬃᬬ᭄ᬬᬂᬓᬯᬗᬦ᭄ᬮ᭄ᬯᬶᬄ᭟ᬩᬮᬶᬓᬵᬜᬵᬬᬦ᭄ᬳᬶᬤᬾᬯᬾᬓ᭄ᬓᬳᬸᬗ᭄ᬕ᭄ᬯᬦᬦ᭄᭞ᬖᬹᬡᬓᬤᬶᬓᭀᬘᬧᬶᬂ᭞ᬳᬚᭂᬂᬲᬮᬄᬢᬸᬗ᭄ᬕ᭠
ᬮ᭄᭞ᬳ᭄ᬥᬵᬗᬹᬫᬦ᭄ᬤᭂᬮ᭄ᬳᬯᬵᬓ᭄᭞ᬗᬗ᭄ᬕᭀᬓᬫᭀᬫᭀᬯᬦ᭄ᬳᬢᬶ᭞ᬜᭀᬫ᭄ᬩᬶᬗᬶᬦ᭄ᬳᬦᬓ᭄᭞ᬲᬶᬦᬄᬮᬫ᭄ᬧᬹᬃᬢᬦ᭄ᬧᬥᬤᬶ᭟ᬤᬾᬦᬶᬂᬫᬯᬓ᭄ᬤᬶᬧ᭄ᬢᭂᬂᬧᬶᬢᬸᬗ᭄ᬭᬸᬪᬾᬥᬵ᭞ᬤᬾᬦᬶᬂᬧᬸᬜᬄᬩᬦ᭄ᬲᬸᬕᬶᬄ᭞ᬧᬸᬜᬄ
Kaca:Bali-lontar-gaguritan-pura-dalem-abyantubuh-300ppi.pdf/22
Kaca puniki sampun kauji-wacén
