[᭑᭙ 19B]
᭑᭙
ᬒᬗ᭄ᬓᬭᬫᬺᬢ᭄ᬢᬶ᭞ᬧᬗ᭄ᬕᬬᬦ᭄ᬬᬤ᭄ᬩ᭄ᬮᬲ᭄᭞ᬲᬡ᭄ᬤᬶᬰᬶᬬᬾᬰᭀᬕᬝ᭞ᬭᬶᬬ᭄ᬬᬃᬤ᭄ᬥᬤ᭄ᬯᬶᬢ᭄ᬬᬵᬫᬤᬹᬯᬶ᭞ᬤᬤᭀᬲ᭄ᬫᬭᬕᬵ᭞ᬲᬂᬳ᭄ᬬᬂᬳ᭄ᬦᬶᬂᬰᬥ᭄ᬬᭀᬢ᭄ᬓ᭄ᬭᬡ᭄ᬝᬶ᭟ᬬᬤ᭄ᬬᬦ᭄ᬰ᭄ᬯᬃᬕ᭄ᬕᬦᬭᬓᬫᬦᬳᬂᬢᬶᬢ᭄ᬬᬂ᭞ᬯᬦ᭄ᬢᬄᬯ᭄ᬬᬓ᭄ᬢ᭄ᬬᬵ᭠
ᬲᬶᬓᬶ᭞ᬭᬶᬂᬧᬶᬗᬶᬢᬶᬂᬓᬹᬡ᭄ᬥᬵ᭞ᬬᬦ᭄ᬓᬯᬄᬫᬺᬘᬸᬓᬹᬡ᭄ᬥᬵ᭞ᬬᬦᬶᬂᬰ᭄ᬯᬃᬕ᭄ᬕᬵᬫᬺᬢ᭄ᬢᬓᬹᬡ᭄ᬥᬶ᭞ᬯᬦ᭄ᬢᬄᬦᬾᬧᬸᬦᬶᬓᬵ᭞ᬫᬯᬵᬱ᭄ᬝᬲᬧ᭄ᬢᬵᬯᬾᬘᬶ᭟ᬩ᭄ᬦᭂᬄᬲᬸᬪᬵᬢᬢᬫ᭄ᬧᬾᬦᬦᬵᬓ᭄ᬢᬦ᭄ᬲᬮᬄ᭞ᬳᬸᬮᬶᬤᬶᬲᬧ᭄ᬢᬯᬾᬘᬶ᭞ᬧᬦᬗ᭄ᬓᬦᬶᬂ
ᬤᬾᬯᬵ᭞ᬓᬮᬯᬦ᭄ᬲᬂᬳ᭄ᬬᬂᬅᬢ᭄ᬫᬵ᭞ᬦᬫ᭄ᬧᭂᬮ᭄ᬲᬂᬳ᭄ᬬᬂᬧ᭄ᬭᬚᬧᬢᬶ᭞ᬧᬥ᭄ᬫᬵᬥᭀᬡᬶᬢᬢ᭄ᬯᬵᬘ᭠ᬢᬹᬃᬯᬓ᭄ᬢ᭄ᬭᬲᬢ᭄ᬫ᭄ᬬᬤᬤᬶ᭟ᬘᬤᬹᬰᬓ᭄ᬢᬶᬯᬶᬦᬶᬫ᭄ᬩᬦᬶᬂᬢᬶᬃᬢᬾᬂᬖᬝ᭞ᬧᬰᬸᬧᬢᬶᬦᬶᬂᬚᬦ᭄ᬫᬶ᭞ᬦᬾᬳᬸᬲ᭄ᬲᬸᬧ᭄ᬢᬵᬢ᭄ᬫ᭠
ᬓᬵ᭞ᬢᬶᬩᬾᬂᬧ᭄ᬭᬮᬶᬡᬵᬓ᭄ᬱᬭᬵ᭞ᬯᬶᬦ᭄ᬲ᭄ᬢᬸᬅᬲ᭄ᬢᬸᬫᬯᭀᬮᬶᬄ᭞ᬦᬸᬚᬸᬫᭀᬓ᭄ᬱᬢ᭄ᬫᬓᬵ᭞ᬧᬫᬸ᭠ᬧᬸᬢ᭄ᬧᬘᬂᬯᬸᬮᬢᬶ᭟ᬲᬗ᭄ᬓᬦ᭄ᬓᬸᬘᬧ᭄ᬤᬶᬰ᭄ᬯᬃᬕ᭄ᬕᬵᬭᭀᬳᬦᬧᬃᬯ᭄ᬯ᭞ᬳᬶᬤᬲᬂᬲᬡ᭄ᬥᬸᬰᬶᬯᬶ᭞ᬮᬯᬦ᭄ᬲᬂᬓᭀᬭᬯᬵ᭞
[᭒᭐ 20A]
ᬫᬥᬫᬦᬸᬚᬸᬰ᭄ᬯᬃᬕ᭄ᬕᬵᬦ᭄᭞ᬫᬲ᭄ᬥᬦᬩ᭄ᬭᬢ᭄ᬢᬓᬮᬶ᭞ᬲᬫᬶᬢ᭄ᬯᬶᬓᬢ᭄ᬓᬦ᭄᭞ᬳᬫᬗ᭄ᬕᬶᬄᬰ᭄ᬯᬃᬕ᭄ᬕᬵᬤᬶᬮ᭄ᬯᬶᬄ᭟ᬢᬸᬚ᭄ᬯ᭠ᬦ᭄ᬢᬸᬗ᭄ᬕᬮ᭄ᬳᬗ᭄ᬳᬶᬂᬩᬶᬦᬓ᭄ᬱᬡᬜ᭞ᬲᬂᬲᬢᭀᬓᭀᬭᬯᬭᬶᬳᬶᬦ᭄᭞ᬫᬦᬸᬗ᭄ᬓᬧ᭄ᬤᬶᬰ᭄ᬯᬃᬕ᭄ᬕᬦ᭄᭞ᬓᭀᬘᬧ᭄ᬲᬂᬥᬃ
ᬫ᭄ᬫᬯᬗ᭄ᬰ᭞ᬜᬥ᭄ᬬᬜ᭄ᬚᬸᬚᬸᬃᬲᬧ᭄ᬢᬯᬾᬘᬶ᭞ᬫᬯ᭄ᬯᬶᬢ᭄ᬪᬓ᭄ᬢᬶᬢ᭄ᬬᬵᬕ᭞ᬳᬲᬶᬄᬭᬶᬂᬲᬦᬓᬾᬲᬫᬶ᭟ᬚᬕ᭄ᬫᬩᬮᬶᬓ᭄ᬓᬯᬳᬾᬫᬦ᭄ᬥᬤᬶᬰ᭄ᬯᬃᬕᬦ᭄᭞ᬰ᭄ᬯᬃᬕ᭄ᬕᬦ᭄ᬤᬤᬶᬬᬫᬦᬶ᭞ᬳᬸᬗ᭄ᬕ᭄ᬯᬦ᭄ᬲᬂᬓᭀᬭᬯᬵ᭞ᬓᬾᬦ᭄ᬢᭂᬦ᭄ᬳ᭄ᬬᬦ᭄ᬯᬗ᭄ᬰᬵᬥᬃᬫ᭄ᬫ᭞ᬤᬶ
ᬦ᭄ᬗᬸᬗ᭄ᬲᬶᬮᭀᬓᬵᬬᬫᬦᬶ᭞ᬲᬶᬦᬄᬤᬤᬶᬰ᭄ᬯᬃᬕ᭄ᬕᬵᬦ᭄᭞ᬅᬧᬦ᭄ᬳᬸᬦᬶᬂᬲᬧ᭄ᬢᬯᬾᬘᬶ᭟ᬫᬦᬶᬧ᭄ᬯᬦ᭄ᬲᬶᬜᬳᬥᬵᬳᬶᬘᬦ᭄ᬤᬾᬯᬵ᭞ᬲᬶᬤᬵᬩᬦ᭄ᬫᬗᬲ᭄ᬢᬶᬢᬷ᭞ᬗᬾᬜ᭄ᬘᭂᬧ᭄ᬓᬤ᭄ᬬᬢ᭄ᬫᬶᬓᬦ᭄᭞ᬦᬾᬢ᭄ᬯᬶᬚᬢᬶᬉᬢ᭄ᬢᬫ᭄ᬫ᭞ᬲᬶᬜᬕᬸ
ᬭᬸᬲᬸᬪᬵᬫᬢᬶ᭞ᬤᬶᬢᬸᬢᬓᭀᬦᬂ᭞ᬳᬮᬶᬄᬤᬶᬲᬧ᭄ᬢᬯᬾᬘᬶ᭟ᬬᬾᬦ᭄ᬲᬶᬄᬢ᭄ᬯᬭᬤᬶᬢᬸᬧᬘᬂᬳᬮᬶᬄᬩᬧ᭞ᬲᬶᬦᬄᬢᭀᬂᬓᬧᬗ᭄ᬕᬶᬄ᭞ᬓᬮᬶᬄᬢᭀᬂᬓᬲᬸᬧᬢ᭄᭞ᬩᬦ᭄ᬤᬾᬯᬲᬂᬳ᭄ᬬᬂᬅᬢ᭄ᬫᬵ᭞ᬬᬦ᭄ᬢᬦ᭄ᬳᬸᬦᬶᬂᬲᬧ᭄ᬢᬯᬾ
Kaca:Bali-lontar-gaguritan-pura-dalem-abyantubuh-300ppi.pdf/20
Kaca puniki sampun kauji-wacén
