[᭑᭘ 18B]
᭑᭘
ᬝᬢ᭄ᬲᬢ᭄ᬯᬶᬥ᭄ᬬᬵᬦᬸᬗ᭄ᬕᬮ᭄᭞ᬲᬗ᭄ᬓᬦᬶᬂᬏᬓᬓ᭄ᬱᬭᬶ᭟ᬤ᭄ᬯᬶᬚᬵᬓ᭄ᬱᬭᬢ᭄ᬭᬶᬲᬰ᭄ᬢ᭄ᬭᬘᬢᬹᬃᬲᬕᬭᬵ᭞ᬧᬜ᭄ᬘᬓ᭄ᬱᬭᬵᬫᬓᬥᬶ᭞ᬰᬤᬓ᭄ᬱᬭᬵᬫ᭄ᬯᬄ᭞ᬕᬶᬫ᭄ᬧᭂᬲ᭄ᬭᬶᬂᬲᬧ᭄ᬢᭀᬗ᭄ᬓᬭ᭞ᬅᬱ᭄ᬝᬫᬶᬫᬳᬵᬪᬹᬝᬥᬶ᭞ᬦᬯᬵᬲᬗ᭄ᬳᬵ᭠
ᬤᬾᬯᬵ᭞ᬇᬤᬵᬰᬭᬶᬭᬵᬪ᭄ᬯᬦᬵᬥᬶ᭟ᬤᬰᬓ᭄ᬱᬭᬤᬰᬩᬬᬸᬤᬰᬥᬃᬫ᭄ᬫ᭞ᬤᬰᬧᬓᭂᬜ᭄ᬘᬗ᭄ᬕᬶ᭠ᬲᬶ᭞ᬫᬰᬶᬄᬬᬵᬧᬤ᭄ᬩ᭄ᬮᬲ᭄᭞ᬧᬫ᭄ᬭᬕᬢ᭄ᬜᬄᬓᬧᬶᬲᬦ᭄᭞ᬘᬢᬸᬃᬤᬰᬓ᭄ᬱᬭᬵᬗ᭄ᬕᬶᬲᬶ᭞ᬓᬾᬢᭀᬯᬶᬮᬗᬦ᭄᭞
ᬲᬧ᭄ᬢᬦᬾᬫᬭᬗ᭄ᬓᭂᬧ᭄ᬓᬮᬶᬄ᭟ᬬᬤᬶᬦ᭄ᬓᬹᬘᬧ᭄ᬧᬜ᭄ᬘᬩ᭄ᬭᬳ᭄ᬫᬵᬭ᭄ᬯᬪᬶᬦᬾᬥ᭞ᬘᬦ᭄ᬤ᭄ᬭᬯᬶᬡ᭄ᬥᬸᬦᬥᬦᬶ᭞᭠ᬫᬰᬭᬶᬲᬸᬡ᭄ᬬᬣ᭞ᬫᬸᬗ᭄ᬕᬸᬄᬭᬶᬂᬅᬤ᭄ᬯᬵᬫᬹᬓᬵ᭞ᬧᬸᬢᬹᬢ᭄ᬧᬢ᭄ᬢᬾᬓᬾᬲᬫᬶ᭞ᬧᬼᬓᬸᬢᬸᬲ᭄ᬯᬶᬮᬗᬦ᭄᭞ᬫᬵᬦᬹᬢ᭄ᬭᬶᬂ
ᬳᬦᬘᬭᬓᬶ᭟ᬦᬶᬓᬯᬦ᭄ᬢᬄᬤᬤᬶᬧᬥ᭄ᬫᬵᬳᬕᬸᬂᬓᬹᬘᬧ᭄᭞ᬉᬗ᭄ᬕ᭄ᬯᬦᬶᬂᬤᬾᬯᬵᬤᬾᬯᬶ᭞ᬧᬶᬢ᭄ᬭ᭄ᬧᬶᬢᬭᬢ᭄ᬫᬵ᭞ᬪᬹᬝᬥᬶᬓᬵᬮᬤᬹᬃᬖ᭄ᬕ᭞ᬤᬾᬯᬦᬶᬂᬥᬾᬱ᭄ᬝᬶᬦᬾᬰᬓ᭄ᬢᬶ᭞ᬓᬤᬶᬫ᭄ᬧᬹᬪᬭᬤᬄ᭞ᬜᬫ᭄ᬧᬹᬃᬡ᭄ᬦ
[᭑᭙ 19A]
ᬪᬬᬾᬂᬰ᭄ᬯᬾᬱ᭄ᬝᬶ᭟ᬬᬤᬶᬦ᭄ᬱ᭄ᬕᭂᬃᬬᬤᬶᬦ᭄ᬲᬓᬶᬢᭀᬗᬤᬓᬂ᭞ᬲᬗ᭄ᬓᬦ᭄ᬢᬢᬲᬂᬫᬂᬚᬢᬶ᭞ᬕᬢ᭄ᬬᬂᬫᬮᬚᬄ᭞ᬩ᭄ᬱᬶᬓ᭄ᬩ᭄ᬱᬶᬓ᭄ᬇᬗᭂᬭᬂ᭞ᬩᬶᬮᬶᬄᬳᬤᬳᬶᬘᬦ᭄ᬯᬶᬥᬶ᭞ᬳᬰᬶᬄᬜᬫ᭄ᬩᬾᬕᬵ᭞ᬮ᭄ᬯᬶᬄᬓᬲᬶᬤᬦ᭄ᬢᬶᬮᬶᬂ᭟᭠
ᬬᬤ᭄ᬬᬦ᭄ᬋᬓᬾᬢᬸᬦᬲᬂᬭᬶᬂᬧᬭᬧᬡ᭄ᬤ᭄ᬬᬵ᭞ᬦᬾᬢᬓ᭄ᬲᬶᬃᬧᬘᬂᬳᬸᬦᬶᬂ᭞ᬬᬦ᭄ᬢᬦ᭄ᬚᬢᬶᬫᬵᬢ᭄ᬯᬂ᭞ᬢᬼᬩ᭄ᬲᬸ᭠ᬚᬢᬶᬰ᭄ᬭᬸᬱ᭞ᬲᬶᬦᬄᬤᬸᬭᬸᬂᬕᬾᬦ᭄ᬢᬲ᭄ᬯᬶᬚᬶᬮ᭄᭞ᬓᬭᬶᬲᬫᬃᬲᬫᬃᬧᬶᬢᬸᬢᬸᬭᬾᬓᬳᬶᬘᬾᬦᬶᬦ᭄᭟ᬳᬦᬓ᭄ᬮ᭄ᬬᬸᬲᭀ
ᬭᭀᬄᬗᬸᬘᬧᬂᬉᬢ᭄ᬢᬫ᭞ᬧᬥᬵᬲᬮᬶᬂᬮᬶᬗ᭄ᬕᬾᬦᬶᬦ᭄᭞ᬬᬦᬸᬘᬧᬾᬂᬢᬢ᭄ᬯᬵ᭞ᬫᬓ᭄ᬚᬂᬢ᭄ᬯᬶᬉᬢᬫ᭄ᬫᬵ᭞ᬧ᭄ᬭᬕᬢ᭄ᬤᬕᬶᬂᬬᭀᬖᬵᬮ᭄ᬯᬶᬄ᭞ᬓᬾᬢᭀᬤᬕᬶᬗ᭄ᬳᭃ᭞ᬳᬓᬾᬦ᭄ᬢᭂᬦ᭄ᬧᬓᬾᬮᬶᬂᬅᬚᬶ᭟ᬥᬹᬄᬲᬂᬅᬚᬶᬳᬳᬸᬃᬲᬉᬤᬓ
ᬜ᭄ᬚᬮ᭄ᬬ᭞ᬢᬶᬢ᭄ᬬᬂᬮᬶᬦ᭄ᬢᬂᬲᬳᬶᬭᬶᬂ᭞ᬬᬦ᭄ᬧᬶᬮᬶᬄᬓᬲᬶᬤᬦ᭄᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬦᬹᬱ᭄ᬝᬡᬵ᭞ᬗᬋᬕᭂᬧᬂᬫᬗ᭄ᬤᬦᬸᬗ᭄ᬕᬶᬮ᭄᭞ᬭᬶᬂᬦᬪᬲ᭄ᬢᬮᬵ᭞ᬲᬵᬢ᭄ᬫ᭄ᬬᬵᬓᬰᬧ᭄ᬭᬣᬶᬯᬶ᭟ᬩᭀᬬᬧᬢᬹᬢ᭄ᬧᬸᬦᬶᬓᬲᬂᬳ᭄ᬬᬂᬳᬤ᭄ᬯᬬ᭞ᬫᬭᬕᬵ
Kaca:Bali-lontar-gaguritan-pura-dalem-abyantubuh-300ppi.pdf/19
Kaca puniki sampun kauji-wacén
