[᭑᭔ 14B]
᭑᭔
ᬧ᭄ᬝᬶᬓ᭄᭟ᬧ᭄ᬭᬧᬾᬦᬾᬗ᭄ᬭᬢᭂᬂᬚᬚᬝᬄ᭞ᬢ᭄ᬯᬶᬯᬮᬸᬬᬥᬹᬧᬵᬧᬥᬶᬧᬦ᭄ᬗᭂᬦ᭄ᬤᬶᬄ᭞ᬓᬳᬫ᭄ᬧᬾᬢᬸᬮ᭄ᬬᬵᬳᬫᬸᬗᬸ᭞ᬲᬓᬤᬶᬗᬗ᭄ᬓᬭᬬᬂ᭞ᬫᬫ᭄ᬩᬸᬓ᭄ᬳ᭄ᬬᬂᬏᬩᬢ᭄ᬧᬢᬸᬂᬮᬯᬃᬧ᭄ᬜᬸ᭞ᬲᬫ᭄ᬩᭂᬄᬫᬶᬭᬶᬩ᭄ᬓᭂᬫ᭄ᬩᬂᬗᬸᬭ᭞ᬢᬲᬶᬓ᭄ᬢᬸᬮ᭄ᬬᬵᬯᬶᬚᬵ
ᬧᬸᬢᬶᬄ᭟ᬓᬸᬫ᭄ᬧᬸᬮ᭄ᬭᬱᬦᬾᬉᬢ᭄ᬢᬫ᭞ᬅᬧᬦ᭄ᬳᬶᬤᬲᬂᬳ᭄ᬬᬂᬪᬾᬭᬯᬵᬫᬹᬓ᭄ᬢᬶ᭞ᬫᬰᬶᬮᬸᬫᬦ᭄ᬤᬤᬶᬮᬯᬸ᭞ᬜᬸᬲᬸᬧ᭄ᬭᬶᬂᬲᬃᬯ᭄ᬯᬭᬱ᭞ᬅᬲᬓ᭄ᬱᬡᬫᬯᬲ᭄ᬢᬸᬲᬗ᭄ᬳᬭᬫ᭄ᬭᬢ᭄ᬬᬸ᭞ᬤᬸᬫᬶᬮᬄᬓ᭄ᬮᬕ᭄ᬦᬶᬂᬭᬹᬤᬺ᭞ᬕ᭄ᬲᭂᬂᬧᬭᬵᬯᬰ
ᬳᭂᬡ᭄ᬝᬶ᭟ᬫᬹᬲ᭄ᬦᬢ᭄ᬮᬲᬶᬂᬧᬺᬫᬡᬵ᭞ᬥᬹᬄᬤᬶᬚᭂᬳᬵᬳᬶᬤᬪᬝᬢᬳᬭᬶ᭞ᬩᭀᬬᬕ᭄ᬮᬶᬲᬂᬓᬾᬢᬸᬮᬸᬂ᭞ᬲᬸᬧᬵᬢ᭄ᬳᬶᬘᬦᬶᬦ᭄ᬫᬺᬢ᭄ᬢ᭞ᬫᬗ᭄ᬤᬵᬢᬶᬢ᭄ᬬᬂᬧᬭᬶᬧᬹᬃᬡ᭄ᬦᬮᬸᬦᬲ᭄ᬮᬦᬸᬲ᭄᭞ᬚᬕᬧᬸᬦᬧᬶᬓᬭ᭄ᬬᬂ᭞ᬳᬶᬘᬦᬶᬦ᭄ᬳᬫ᭄ᬧᭂ
ᬳᬦ᭄ᬳᬗᬶᬦ᭄᭟ᬦᬄᬲᬸᬪᬵᬩᬬᬢ᭄ᬯᬄᬢᬶᬝᬄ᭞ᬓᬮᬶᬂᬢᬶᬢ᭄ᬬᬂᬚᬦ᭄ᬫᬓᬯ᭄ᬮᬲᬲᬶᬄ᭞ᬲᬂᬳ᭄ᬬᬂᬲ᭄ᬫᬭᬵᬓᭀᬤᬕ᭄ᬧᬸᬳᬸᬦ᭄᭞ᬕᬶᬦ᭄ᬱᭂᬧᬰᬹᬧᬢ᭄ᬬ᭞ᬫᬸᬗ᭄ᬕ᭄ᬯᬶᬂᬅᬥᬶᬓᬾᬮᬰᬫᬦ᭄ᬤᬤᬶᬳᬯᬸ᭞ᬧᬶᬦᬗᬦᬶᬂᬯᬸᬝᬰ
[᭑᭕ 15A]
ᬡ᭞ᬫᬹᬲ᭄ᬦᬵᬢᬦ᭄ᬧᬕᬦ᭄ᬢᬸᬮ᭄ᬓᬭᬶ᭟ᬲᬓᬭᬶᬕᭂᬍᬂᬳ᭄ᬬᬂᬭᬹᬤ᭄ᬭ᭞ᬫᬮᬭᬧᬦ᭄ᬧᬸᬭᬸᬦ᭄ᬫᬗ᭄ᬕᭀᬥᬵᬓᬶᬃᬣᬶ᭞ᬢᬧᬵᬲᬗ᭄ᬓᬦᬶᬂᬓ᭄ᬧᬳᬲ᭄ᬢᬸ᭞ᬳᬶᬤᬲᬶᬜᬓᬵᬯᬸᬘᬧ᭄᭞ᬮ᭄ᬯᬶᬳᬶᬂᬬ᭄ᬬᬰᬇᬦ᭄ᬤ᭄ᬭᬮᭀᬓᬦᬾᬤᬲ᭄ᬳᬸᬳᬸᬕ᭄᭞ᬳᬦ᭄ᬢᬸ᭠
ᬓ᭄ᬳᬶᬦᬶᬮᬵᬭᬹᬤ᭄ᬭᬓᬵ᭞ᬤᬤᭀᬲ᭄ᬫᬭᬦᬾᬗ᭄ᬫᬲᬶᬦ᭄᭟ᬭᬝᬶᬳᬾᬤᬸᬭᬸᬲ᭄ᬫᬲᬝ᭄ᬬ᭞ᬤᬗ᭄ᬳ᭄ᬬᬂᬧ᭄ᬭᬳᬵ᭠ᬲ᭄ᬧᬣᬶᬦᬸᬦᬲᬂᬳᬸᬭᬶᬧ᭄᭞ᬲᬯᭀᬲ᭄ᬓᬳᬗ᭄ᬕᬾᬦ᭄ᬧᬲᬯᬸᬃ᭞ᬳᬦ᭄ᬢᬸᬓ᭄ᬲᬂᬳ᭄ᬬᬂᬇᬰ᭄ᬯᬭᬵ᭞ᬫᬗ᭄ᬯᬤᬾᬦᬶᬦ᭄ᬳᬶᬤᬪᬝ
ᬭᬳᬢᬦᬹ᭞ᬳᬦ᭄ᬢᬸᬓᬾᬪᬵᬲ᭄ᬓᬧ᭄ᬭᬧᬜ᭄ᬘᬦ᭄᭞ᬳᬸᬲᬦ᭄ᬓᬭᬕᬬᬂᬚᬢᬶ᭟ᬦᬾᬫᬗ᭄ᬓᬶᬦ᭄ᬳᬶᬤᬳᬶᬦᬸᬘᬧ᭄᭞ᬓᬲᬸᬲᬸᬧᬂᬭᬶᬂᬲᬃᬯ᭄ᬯᬫᬳᬸᬭᬶᬧ᭄᭞ᬧ᭄ᬘᬓ᭄ᬓᬶᬜ᭄ᬘᬶᬢ᭄ᬤᬤᭀᬲ᭄ᬯᬶᬪᬹᬄ᭞ᬯ᭄ᬓᬲᬶᬂᬚ᭄ᬬᭀᬢᬶᬢᬦ᭄ᬢ᭄ᬭ᭞ᬓᬢᬸᬭᬸᬦᬂᬭᬶᬂᬲ᭄ᬫᬭᬵ
ᬢᬦ᭄ᬢᬄᬫᬦ᭄ᬢᬸ᭞ᬭᬢᬶᬄᬓᬮᬯᬦᬶᬂᬲ᭄ᬫᬭᬵ᭞ᬲᬳᬶᬗ᭄ᬕᬄᬳᬶᬗ᭄ᬕᬸᬄᬥᬫ᭄ᬧᬢᬶ᭟ᬜᬸᬲᬸᬧ᭄ᬦ᭄ᬤᬕᬶᬗᬶᬦ᭄ᬲᬓᬾᬦ᭄ᬤ᭄ᬭ᭄ᬬᬵ᭞ᬲ᭄ᬫᬭᬵᬮᬦᬂᬭᬢᬶᬄᬫᬸᬗ᭄ᬕᬸᬄᬭᬶᬂᬳᬶᬲ᭄ᬢ᭄ᬭᬶ᭞ᬗᬯᬶᬦᬂᬲᬭᬭᬲ᭄ᬮᬸᬮᬸᬢ᭄᭞ᬳᬲᬶᬳᬶᬂᬓᬶᬦᬲᬶᬳ
Kaca:Bali-lontar-gaguritan-pura-dalem-abyantubuh-300ppi.pdf/15
Kaca puniki sampun kauji-wacén
