Kaca:Bali-lontar-gaguritan-prasrddha-niti-300ppi.pdf/47

Saking Wikisource
Kaca puniki sampun kauji-wacén

[ ᭔᭖ 46B]
᭔᭖᭞
ᬓ᭄ᬥᬶᬲ᭄ᬫᬢᬶᬗ᭄ᬓᬄᬤᬸᬤᬹ᭞ᬤᬤᬶᬩᬲᬭᬧᬦ᭄᭞ᬬᬾᬦ᭄ᬳᬶᬩᬫᬲᬶᬄᬢᬦ᭄ᬬᬸᬓ᭄ᬢᬶ᭞ᬤᬤᬶᬦ᭄ᬳᬶᬧᬸᬦ᭄᭞ᬮᬮᬶᬧᬶᬓᬕᬶᬮᬕᬶᬮᬵ᭟ᬤᬤᬶᬢ᭄ᬭᬸᬲ᭄ᬮᬮᬶᬧᬶᬫᬲᬶᬄᬬᬤᬸᬤᬹ᭞ᬓᬓᬾᬮᬶᬓᬶᬂᬚᬕᬢ᭄᭞ᬨᬮᬦᬶᬂᬕᬯᬾᬢᬦ᭄ᬬᬸᬓ᭄ᬢᬶ᭞ᬍᬯᬶᬄᬭᬗ᭄ᬓᬸᬂ᭞
ᬧᬸᬦᬶᬓᬫᬗ᭄ᬕᬶᬄᬓᬧᬧᬦ᭄᭚᭜᭚ᬧᬸᬄᬤᬦ᭄ᬥᬂᬕᭂᬦ᭄ᬥᬶᬲ᭄᭚᭜᭚ᬫᬢᬶᬫ᭄ᬩᬮᬂᬫᬮᬶᬄᬤᬦ᭄ᬥᬂᬕᭂᬦ᭄ᬤᬶᬲ᭄᭞ᬗ᭄ᬮᬦ᭄ᬢᬸᬭᬂᬢᬸᬢᬹᬃᬓᬮᬯᬲᬦ᭄᭞ᬮᬶᬗ᭄ᬳᬶᬂᬓᬶᬢᬶᬧᬵᬡ᭄ᬥᬯᬦᬾ᭞ᬫᬮᬶᬄᬯᬶᬮᬦᬶᬜ᭄ᬚᬸᬫ᭄ᬧᬸᬢ᭄᭞ᬧᬶᬢᬸᬢᬹᬃᬳ᭄ᬬᬂᬥᬃᬫ᭄ᬫᬗᬹᬦᬶ᭞ᬭᬶᬂᬲᬂ
ᬧᬵᬡ᭄ᬥᬯ᭞ᬓᬲᬤ᭄ᬥᬦᬶᬳᬬᬸ᭞ᬧᬸᬦᬶᬓᬵᬫᬗ᭄ᬤᬾᬦ᭄ᬯᬵᬱ᭄ᬧᬥ᭞ᬲᬮᬫᬶᬦᬾ᭞ᬭᬱᬭᬱᬦᭂᬦ᭄ᬭᬶᬗ᭄ᬳᬢᬶ᭞ᬋᬜ᭄ᬘᬡᬬᬂᬭᬶᬂᬫᬦᬄ᭟ᬫᬗ᭄ᬤᬾᬦ᭄ᬲᬵᬫ᭄ᬧᬸᬦ᭄‌ᬗᬯᬕᬂᬧᬢᬶᬢᬶᬲ᭄‌ᬓᬯ᭄ᬦᬗᬦ᭄ᬫᬕᬸᬭᬹᬧᬶᬂᬲᬧ᭄ᬢᬵ᭞ᬬᬾᬦ᭄ᬤᬸᬭᬸᬂᬫᬫᬗ᭄ᬕᬶᬳᬾ᭞
ᬦᭀᬭᬧᬧᬵᬓᬢ᭄ᬫᬸ᭞ᬓᬦᬶᬱ᭄ᬝᬦᬾᬬᬦ᭄ᬮᬶᬦ᭄ᬢᬂᬲᬓᬶᬂ᭞ᬫᬕᬸᬭᬹᬧᬶᬂᬲᬯ᭄ᬮᬲ᭄᭞ᬫᬮᬶᬄᬢᬦ᭄ᬫᬗ᭄ᬕᬸᬄ᭞ᬇᬓᬵᬗᬭᬦ᭄ᬧᬧᬵᬦᬶᬱ᭄ᬝ᭞ᬬᬦ᭄ᬫᬕᬸᬭᬹ᭞ᬧᬶᬧᬶᬢᬸᬧᬶᬂᬫᬶᬫᬫᬮᬶᬄ᭞ᬓᬯᬵᬱ᭄ᬝᬦᬦ᭄ᬭᬶᬂᬫᬵᬥ᭄ᬬᬉᬢ᭄ᬢᬫᬜᬫᬕᬸᬓᬧᬶᬂᬢ᭄ᬭᬶ᭞ᬉᬢ᭄ᬢᬫ

[ ᭔᭗ 47A]
ᬲᬵᬫ᭄ᬧᬸᬭᬬᬂᬓᬯᬶᬢᬸᬦᬵᬩᬸᬤ᭄ᬥᬶ᭞ᬗᬭᬂᬢᬸᬢᬹᬃ᭞ᬧᬶᬗᭂᬢ᭄ᬧᬤᬾᬯᬾᬓᬦ᭄᭞ᬢᬦ᭄ᬲᬓᬶᬂᬕᬕᬫ᭄ᬧᬂᬭᬾᬳᬾ᭞ᬲᬓᬶᬂᬦᬸᬗ᭄ᬓᬸᬮᬂᬩᬶᬗᬸᬂ᭞ᬩᬶᬮᬶᬄᬓᬵᬗ᭄ᬓᬢ᭄ᬮᬶᬧᬹᬃᬳᬓᬶᬤᬶᬓ᭄᭞ᬓᬮᬶᬄᬤᬸᬫᬤᬓ᭄ᬲᬶᬤ᭄ᬥ᭞ᬦ᭄ᬫᬸᬓᬭᬳᬬᬸᬦ᭄᭞ᬭᬶᬗᬸᬭᬶᬧ᭄‌ᬢ᭄ᬓᬦᬶᬂᬧ᭄ᬚᬄ
᭞ᬫᭀᬖᬫᭀᬖᬵ᭞ᬧᬸᬧᬹᬢ᭄ᬳᬶᬧᬕᬯᬾᬚᬸᬢᬶ᭞ᬲᬢᬸᬭᬸᬦ᭄᭞ᬲᬢᬸᬭᬸᬦ᭄‌ᬅᬃᬬ᭄ᬬᬥᬫᬃ᭟ᬓᬮᬶᬄᬫᬱᬵᬧᬵᬢᬹᬢᬾᬓᬢᬸᬮᬶᬲ᭄᭞ᬭᬶᬂᬋᬤᬶᬢᬾᬦ᭄ᬫᬸᬯᬸᬓᬸᬫᬢᬮ᭄᭞ᬳᬧᬶᬲᬦ᭄ᬭᬶᬂᬧᬗ᭄ᬮᭀᬗᬾ᭞ᬓᬢᬶᬕᬵᬰᬰᬶᬄᬳᬶᬧᬸᬦ᭄᭞ᬇᬰᬓᬵᬦᬾ
ᬫᬮᬶᬄᬯᬶᬮᬗᬶᬦ᭄᭞ᬓᬵᬮᬦᬶᬂᬲᬾᬯᬸᬤᭀᬫᬲ᭄᭞ᬦᬗ᭄ᬕᬸᬮᬶᬫᬮᬶᬓᬸᬃ᭞ᬧᬸᬧᬹᬢᬾᬲ᭄ᬥᭂᬓ᭄ᬭᬳᬶᬦᬵ᭞ᬲᬯᬢᬭ᭞ᬢᬩᭂᬄᬧᬵᬢ᭄ᬳᬶᬢᬸᬗᬦ᭄ᬩᬮᬶ᭞ᬯᬶᬯᬶᬮᬗᬦ᭄ᬯᬭᬶᬕᬵ᭚᭜᭚ᬧᬸᬧᬹᬢ᭄ᬲᬶᬦᬹᬭᬵᬢ᭄ᬭᬶᬂᬭᬳᬶᬦᬵ᭞ᬯᬺ᭞ᬧ᭄ᬯ᭞ᬯᬭᬉᬬᬾ᭞ᬢᬶᬢᬶ᭞ᬧᬂ᭞
᭙᭞ᬭᬄ᭞᭐᭞ᬢᭂᬗ᭄ᬕᭂᬓ᭄᭞᭗᭞ᬰᬰᬶᬄ᭞᭕᭞ᬗᬹᬜ᭞᭗᭞ᬇᬰᬓᬵ᭞᭑᭙᭐᭗᭞ᬯᭀᬂᬰᬦᬶᬂᬮᭀᬓᬵ᭚ᬓᬗᬦᬹᬭᬵᬢ᭄‌ᬳᬧᬦ᭄ᬮᬄ᭞ᬳᬶᬕᬸᬲ᭄ᬢᬶᬕ᭄ᬥᬾᬢᬚᬶ᭞ᬭᬶᬂᬲᬶᬤ᭄ᬫᭂᬦ᭄᭞ᬳᬫᬼᬧᬹᬭᬵ᭚᭜᭚