[ ᭔᭕ 45B]
᭔᭕᭞
᭟ᬦᬾᬓᬯᬸᬯᬸᬲ᭄ᬋᬱᬶᬰᬶᬯ᭄ᬯᬵᬩᬸᬤ᭄ᬥᬫᬸᬗ᭄ᬕᬸᬄ᭞ᬯᬶᬦᬵᬱ᭄ᬝᬦ᭄ᬩ᭄ᬭᬳ᭄ᬫᬵᬡ᭞ᬭᬢᬸᬫᬶᬯᬄᬓᬤᬗ᭄ᬳᬚᬶ᭞ᬭᬵᬚᬧᬸᬢ᭄ᬭᬧᬸᬦᬶᬓᬫᬵᬤᬦ᭄ᬓ᭄ᬱᬢ᭄ᬭᬶᬬᬵ᭟ᬫᬮᬶᬄᬳᬶᬧᬸᬦ᭄ᬯ᭄ᬯᭀᬂᬦᬯᬵᬦ᭄ᬲᬮᬄᬤᬸᬦᬸᬂ᭞ᬲᬦ᭄ᬢᬦᬵᬓᬪᬬᬦ᭄᭞ᬫᬶᬯᬄ
ᬯᭀᬂᬲᬶᬗ᭄ᬕᬶᬄᬭᬶᬂᬢᬦᬶ᭞ᬭᬶᬂᬤᬾᬰᬜ᭞ᬳᬶᬓᬸᬚᬸᬕᬗᬭᬦ᭄ᬯᬾᬱ᭄ᬬᬵ᭟ᬚᬸᬭᬸᬧ᭄ᬭᬳᬸᬚᬸᬭᬸᬥᬕᬂᬫᬮᬶᬄᬳᬶᬧᬸᬦ᭄᭞ᬚᬸᬭᬸᬧᬢᬶᬢᬶᬦ᭄᭞ᬬᬾᬦ᭄ᬲᬤ᭄ᬭᬯᬵᬱ᭄ᬝᬦᬾᬳᬸᬕᬶ᭞ᬯᬾᬦ᭄ᬢᭂᬦ᭄ᬫᬮᬶᬄᬚᬦ᭄ᬫᬵᬦᬾᬧ᭄ᬢᬂᬧ᭄ᬭᬓᬵᬭ᭟ᬦᬾᬢᬦ᭄ᬫᭂᬢᬸᬲ
ᬓᬶᬂᬩ᭄ᬭᬳ᭄ᬫᬵᬯᬶᬯᬶᬢ᭄ᬳᬶᬧᬸᬦ᭄᭞ᬭᬶᬳᬶᬦ᭄ᬧᬜ᭄ᬘᬓᬵᬃᬫ᭄ᬫ᭞ᬧ᭄ᬮᬓᬸᬢᬸᬲ᭄ᬩᬦ᭄ᬥᬮᬵᬓᬮᬶᬄ᭞ᬓᬧᬶᬂᬢ᭄ᬮᬸᬫᬮᬾᬘ᭄ᬮᬧᬧᬵᬢ᭄ᬲᬵᬤ᭄ᬢᬸᬘᬵ᭟ᬧᬜ᭄ᬘᬓᬃᬫ᭄ᬫᬭᬶᬂᬘᬦ᭄ᬥᬮᬩᭀᬬᬳᬦᬹᬢ᭄᭞ᬘᬦ᭄ᬥᬮᬫᬮᬾᬘ᭄ᬮ᭞ᬲᬵᬤ᭄ᬮᬧᬸᬦᬶᬓᬢᬸᬗ᭄ᬕᬶ
ᬮ᭄᭞ᬕ᭄ᬦᬄᬳᬶᬧᬸᬦ᭄ᬫᬲᬶᬄᬗᬗ᭄ᬕᭀᬦᬶᬱ᭄ᬝᬵᬫᬵᬥ᭄ᬬᬦ᭄ᬤ᭟ᬲᬫᬶᬲᬵᬫ᭄ᬧᬸᬦ᭄ᬭᬶᬂᬪᬹᬯᬦᬵᬧᬹᬭᬡᬫᬸᬗ᭄ᬕᬸᬄ᭞ᬓᬶᬭᬶᬓᬵᬧᬲ᭄ᬢ᭄ᬬᭂᬂ᭞ᬘᬘᬓᬦᬾᬲᬶᬓᬶᬲᬶᬓᬶ᭞ᬦᬾ ᬫᬯᬵᬱ᭄ᬝᬧᬜ᭄ᬘᬓᬵᬃᬫ᭄ᬫᬮᬜ᭄ᬘᬦ᭄ᬥᬮᬵ᭟ᬫᬶᬯᬄᬳᬶᬧᬸᬦ᭄ᬫ᭄ᬮᬾᬘ᭄ᬘᬘᬵᬤ᭄ᬢᬸ
[ ᭔᭖ 46A]
ᬫᬦᬶᬂᬉᬢ᭄ᬢᬫᬲᬧᬶᬲᬦ᭄᭞ᬯᬾᬦ᭄ᬢᭂᬦ᭄ᬫᬮᬶᬄᬨᬮᬦᬾ᭞ᬫᬵᬥ᭄ᬬᬬᬦ᭄ᬓᬧᬶᬂᬢ᭄ᬮᬸ᭞ᬦᬾᬓᬶᬲᬦ᭄ᬢᬫᬚᬢᬶ᭞ᬦᬵᬗ᭄ᬳᬶᬂᬳᬶᬢᬸᬗᬶᬢᬸᬗᬦ᭄᭞ᬭᬶᬂᬳ᭄ᬬᬂᬢᬸᬱ᭄ᬝᬶᬯᬶᬓᬸ᭞ᬧᬸᬦᬶᬓᬓᬦ᭄ᬥᬦᬶᬂᬰᬵᬲ᭄ᬢ᭄ᬭ᭞ᬓᬶᬃᬢ᭄ᬢᬶᬧᬵᬡ᭄ᬥᬯ᭞ᬳᬶᬗᭂᬢᬦ᭄ᬭᬶᬗ᭄ᬳᬢᬶ᭞ᬓ᭄ᬘ
ᬧ᭄ᬪᬝᬵᬭᬥᬃᬫ᭄ᬫ᭟ᬮᬶᬗ᭄ᬳᬶᬂᬦᬷᬣᬶᬰᬭᬵᬓᭀᬘᬧ᭄ᬫᬮᬶᬄ᭞ᬢᬶᬗ᭄ᬓᬄᬚᬦ᭄ᬫᬵᬦᬾᬫᬲᬲᭂᬫ᭄ᬩᬳᬦ᭄᭞ᬓᬧᬢᬓ᭄ᬢᬂᬧᬵᬢᬹᬢᬾ᭞ᬧᬥᬡ᭄ᬥᬯᬳᬸᬭᬯᬸᬄ᭞ᬭᬶᬳᬶᬦ᭄ᬗᬶᬓᭂᬢ᭄ᬗᬗ᭄ᬕᬾᬓᬓᬯᬶᬦ᭄᭞ᬫᬗ᭄ᬓᬶᬦ᭄ᬫᬮᬶᬄᬤᬸᬤᬸᬓ᭄᭞ᬳᬗ᭄ᬕᬸᬳᬂᬓ
ᬥᬦ᭄ᬥᬂᬕᬸᬮᬵ᭞ᬳᬗ᭄ᬕᬾᬦ᭄ᬧᬶᬗᭂᬢ᭄ᬧᬓᬾᬮᬶᬂᬢᬩᬸᬳᬶᬦ᭄ᬕᭂᬦ᭄ᬥᬶᬂ᭞ᬢᬶᬗ᭄ᬓᬳᬾᬗᬗ᭄ᬓᬢ᭄ᬲᬸᬫ᭄ᬧᬄ᭟ᬲᭂᬫ᭄ᬩᬸᬄᬯᬤᭀᬦᬾᬭᬶᬂᬕᬸᬭᬹᬮᬓᬶ᭞ᬯᬢᭂᬲ᭄ᬚᬕᬸᬢ᭄ᬤᬪᬶᬧᬯᬦᭂᬗᬦ᭄᭞ᬗᬸᬜ᭄ᬚᬸᬓᬂᬓᬘᬸᬧ᭄ᬚ᭄ᬭᬶᬚᬶᬦᬾ᭞ᬭᬶᬂᬭᬢᬸᬢᬸᬗ᭄ᬢᬸᬗᬶᬭᬹᬂ
᭞ᬬᬦ᭄ᬭᬶᬂᬧᬶᬢ᭄ᬭᬫᬵᬥ᭄ᬬᬦᬶᬗᬮᬶᬲ᭄᭞ᬬᬦ᭄ᬭᬶᬂᬕᬸᬭᬹᬧᬗᬚ᭄ᬬᬦ᭄᭞ᬭᬶᬂᬮᬮᬱᬵᬧᬵᬢᬹᬢ᭄᭞ᬬᬦ᭄ᬭᬶᬂᬕᬸᬭᬹᬧᬲᬂᬲ᭄ᬓᬃ᭞ᬯᬶᬢᭂᬲᬶᬭᬄ᭞ ᬲᬭᬦᭂᬫ᭄ᬩᬄᬭᬶᬂᬯᬶᬥᬶ᭞ᬮᬶᬫᬯᬶᬮᬗᬶᬓᬂᬲᭂᬫ᭄ᬩᬄ
Kaca:Bali-lontar-gaguritan-prasrddha-niti-300ppi.pdf/46
Kaca puniki sampun kauji-wacén
