[ ᭔᭑ 41B]
᭔᭑᭞
ᬯᬵᬲ᭄ᬢ᭄ᬭᬲᬃᬯ᭄ᬯᬳᬮᬸᬲ᭄᭞ᬫᬵᬲ᭄ᬮᬓᬦᬤ᭄ᬬᬦ᭄ᬧᬶᬧᬶᬲ᭄᭞ᬦᬾᬧᬸᬦᬶᬓᬸ᭞ᬓᬯᬵᬱ᭄ᬝᬦᬦ᭄ᬤᬦᬵᬫᬥ᭄ᬬ᭟ᬓᬮᬶᬄᬳᬶᬧᬸᬦ᭄ᬬᬦ᭄ᬫᬯᬾᬳᬗᬦᬓ᭄ᬮᬸᬄ᭞ᬢᬹᬃᬧ᭄ᬬᬦᬓᬾᬤᭂᬳᬵ᭞ᬧᬸᬦᬶᬓᬦᬾᬧᬶᬦᬶᬄᬍᬯᬶᬄ᭞ᬓᬯᬵᬱ᭄ᬝᬦᬦ᭄᭞ᬳᬶᬓᬵᬉᬢ᭄ᬢᬫ
ᬦᬶᬂᬤᬦᬵ᭟ᬫᬯᬾᬄᬢᬸᬢᬹᬃᬰᬵᬲ᭄ᬢ᭄ᬭᬭᬳᬬᬸᬓᬵᬚᬳᬶᬦ᭄ᬥᬃᬫ᭄ᬫ᭞ᬳᬦ᭄ᬢᬸᬓ᭄ᬱᬂᬧᬡ᭄ᬥᬶᬢᬍᬯᬶᬄ᭞ᬨᬮᬦ᭄ᬳᬶᬧᬸᬦ᭄᭞ᬗᬲᭀᬭᬂᬤᬦᬵᬲᬫ᭄ᬬᬦ᭄᭟ᬫᬮᬶᬄᬳᬶᬧᬸᬦ᭄᭞ᬦᬾᬓᬦᬗ᭄ᬓᭂᬦ᭄ᬧᬵᬢᬹᬢ᭄᭞ᬭᬶᬓᬵᬮᬫᬧᬹᬡ᭄ᬬ᭞ᬓᬾᬯᬮᬩᬸᬤ᭄ᬥᬶᬫᬳ᭄ᬦᬶᬂ᭞ᬢᬦ᭄ᬓᬢᬫᬦ᭄ᬢ
ᬦ᭄ᬮᬸᬢᬸᬄᬫᬶᬯᬄᬢᬦ᭄ᬲᬸᬓᬵ᭟ᬧᬹᬡ᭄ᬬᬦ᭄ᬳᬶᬧᬸᬦ᭄᭞ᬦᬾᬓᬶᬦᬗ᭄ᬓᭂᬦ᭄ᬧᬵᬢᬹᬢ᭄᭞ᬭᬶᬓᬵᬮᬫᬧᬹᬡ᭄ᬬ᭞ᬧᬸᬦᬶᬓᬨᬮᬦᬾᬍᬯᬶᬄ᭞ᬲᬓᬶᬂᬫᬦᬄᬮᬶᬮᬵᬳᬬᬸᬫᬯᬾᬄᬨᬮᬵ᭟ᬬᬤᬶᬦ᭄ᬮ᭄ᬬᬸᬧᬹᬡ᭄ᬬᬬᬦᭀᬭᬫᬦᬹᬢ᭄᭞ᬫᬦᬄᬓᬭᬳᬬ᭄ᬯᬦ᭄᭞ᬳᬸ
ᬧᬫᬶᬧᬥᬂᬢᬸᬄᬕᬭᬶᬂ᭞ᬓᬢᬶᬩᬦᬶᬦ᭄ᬖ᭄ᬦᬶᬦᬾᬓᬤᬶᬓᬓᬸᬦ᭄ᬥ᭟ᬧ᭄ᬥᬲ᭄ᬧᬸᬯᬸᬦ᭄᭞ᬤᬤᬶᬳᬯᬹᬢᬦ᭄ᬧᬳᬸᬦ᭄ᬤᬸᬓ᭄᭞ᬩᬸᬤ᭄ᬥᬶᬲᬸᬘᬶᬓᬤᬶᬢᬸᬢᬹᬃᬓᭀᬘᬧᬶᬂᬳᬋᬧᬸᬦᬶᬓ᭞ ᭟ᬲᬾᬫᬾᬃᬲᬢᬸᬲ᭄᭞ᬬᬾᬦ᭄ᬓᬤ᭄ᬬᬂᬨᬮᬦ᭄ᬳᬶᬧᬸᬦ᭄᭞ᬧᬸ
[ ᭔᭒ 42A]
ᬦᬶᬓᬓᬲᭀᬭᬦ᭄᭞ᬭᬶᬂᬨᬮᬦ᭄ᬢ᭄ᬮᬕᬳᬲᬶᬓᬶ᭞ᬢ᭄ᬮᬕᬲᬢᬸᬲ᭄᭞ᬓᬲᭀᬃᬤᬾᬦᬶᬂᬬᬚ᭄ᬜᬧᬶᬲᬦ᭄᭟ᬬᬚ᭄ᬜᬲᬢᬸᬲ᭄ᬓᬲᭀᬃᬤᬾᬦᬶᬂᬧᬸᬢ᭄ᬭᬲᬢᬸ᭞ᬬᬦ᭄ᬧᬸᬢ᭄ᬭᬯᬶᬰᬾᬱᬵ᭞ᬧᬕᭂᬄᬭᬶᬂᬬᭀᬕᬲᬫᬵᬥᬶ᭞ᬫᬶᬯᬄᬲᬸᬮᬸᬓ᭄᭞ᬗᬯᬗᬹᬦᬂᬢᬧᬵ
ᬩ᭄ᬭᬢ᭟ᬧᬸᬢ᭄ᬭᬲᬢᬸᬲ᭄ᬓᬲᭀᬃᬳᬶᬓᬵᬨᬮᬦ᭄ᬳᬶᬧᬸᬦ᭄᭞ᬭᬶᬂᬓᬲᬢ᭄ᬬᬦ᭄᭞ᬩ᭄ᬭᬢᬲᬢ᭄ᬭᬧᬶᬦᬶᬄᬍᬯᬶᬄ᭞ᬦᬤ᭄ᬬᬦ᭄ᬳᬶᬲ᭄ᬢ᭄ᬭᬶ᭞ᬉᬢ᭄ᬢᬫᬦᬾᬲᬢ᭄ᬬᬩ᭄ᬭᬢ᭟ᬩ᭄ᬭᬢᬲ᭄ᬬᬸ᭞ᬳᬶᬓᬵᬲᬢ᭄ᬬᬦ᭄ᬍᬯᬶᬄᬳᬶᬧᬸᬦ᭄᭞ᬓᬧᬧᬵᬦ᭄ᬓᬍᬯᬶᬳᬦ᭄᭞ᬧᬸᬦᬶᬓ
ᬦᬾᬧᬶᬦᬶᬄᬍᬯᬶᬄ᭞ᬓ᭄ᬭᬡᬓᬸᬢᬸᬄᬲᬂᬲᬥᬸᬗᬫᭂᬮ᭄ᬓᬲᬢ᭄ᬬᬦ᭄᭟ᬧᬧᬵᬦ᭄ᬳᬶᬧᬸᬦ᭄᭞ᬬᬦ᭄ᬮᬶᬜᭀᬓ᭄ᬭᬶᬂᬲᬢᭀᬳᬲᬸ᭞ᬳᬤᬰᬢᬢᬸᬦ᭄ᬜ᭞ᬮᬶᬜᭀᬓ᭄ᬭᬶᬂᬚᬦ᭄ᬫᬵᬫᬫᬗ᭄ᬕᬶᬄ᭞ᬲᬢᬸᬲ᭄ᬢᬯᬸᬦ᭄᭞ᬧᬧᬵᬓᬶᬦ᭄ᬮᬵᬭᬶᬂᬓᬯᬄ᭟ᬲᬾᬯᬸᬢᬳᬸᬦ᭄ᬧᬧᬵᬦᬾᬮᬶ
ᬜᭀᬓ᭄ᬭᬶᬂᬭᬢᬸ᭞ᬧᬧᬵᬢᬦ᭄ᬧᬳᬶᬗᬦ᭄᭞ᬮᬶᬜᭀᬓ᭄ᬭᬶᬂᬧᬡ᭄ᬥᬶᬢᬍᬯᬶᬄ᭞ᬲᬫᬶᬦ᭄ᬳᬶᬧᬸᬦ᭄᭞ᬧᬧᬵᬦᬾᬮᬶᬜᭀᬓ᭄ᬭᬶᬂᬤᬾᬯ᭄ᬯᬵ᭟ᬯᬾᬦ᭄ᬢᭂᬦ᭄ᬫᬸᬗ᭄ᬕᬸᬄᬳᬸᬚᬃᬮᬶᬜᭀᬓ᭄ᬢᬦ᭄ᬫᬫᬗ᭄ᬕᬸᬄ᭞ᬧᬧᬵᬦᬶᬂᬤᬤᬶᬯ᭄ᬯᬂ᭞ᬧᬜ᭄ᬘᬦᬺᬢ᭄ᬢᬯᬵᬱ᭄ᬝᬦᬾᬓᬶ᭞ᬓᬧᬶᬲᬦᬾ᭞
Kaca:Bali-lontar-gaguritan-prasrddha-niti-300ppi.pdf/42
Kaca puniki sampun kauji-wacén
